1 7 : 2 1
სარეკლამო ადგილი - 21
620 x 80
 | 

მსოფლიო

მარნეულში შემოწმდა 20 ათასი ადამიანი, რომელთაგან ტემპერატურა მხოლოდ 25-ს დაუფიქსირდა, მათგან საყურადღებოა მხოლოდ ორი პირი

საქართველოს პრემიერ-მინისტრ გიორგი გახარიას ხელმძღვანელობით, კორონავირუსთან დაკავშირებით მოქმედი უწყებათაშორისი საკოორდინაციო საბჭოს მორიგი სხდომა გაიმართა.

საბჭოს სხდომაზე განიხილეს საქართველოს მთელ ტერიტორიაზე მოქმედი საგანგებო მდგომარეობის შედეგად დაწესებული შეზღუდვების, მათ შორის მარნეულისა და ბოლნისის მუნიციპალიტეტებში საკარანტინო რეჟიმის აღსრულების საკითხები. აღინიშნა, რომ რეგიონში მშვიდი ვითარებაა, რასაც შინაგან საქმეთა სამინისტროს და თავდაცვის სამინისტროს შესაბამისი დანაყოფები სრულად აკონტროლებენ. ქსელურ სუპერმარკეტებში პროდუქტის მიწოდების კუთხით პრობლემა არ არსებობს. მცირედი შეფერხებები დაფიქსირდა ცალკეული სოფლების მცირე მარკეტებში, რისი აღმოფხვრის მიზნითაც, დღეს რეგიონში ჩავა გარემოს დაცვისა და სოფლის მეურნეობის მინისტრი ლევან დავითაშვილი და პროცესს უშუალოდ გაუწევს კოორდინაციას. აღინიშნა, რომ ადგილობრივ მოსახლეობას შეუფერხებლად მიეწოდება მედიკამენტები და საბანკო სერვისები და ამ პროცესში აქტიურად არიან ჩართული მოხალისეები.

ამასთან, ადგილობრივი თვითმმართველობის წარმომადგენლებითა და სამედიცინო პერსონალით დაკომპლექტებულმა ჯგუფებმა რეგიონში უკვე შეამოწმეს 20 ათასი ადამიანი, რომელთაგან ტემპერატურა მხოლოდ 25-ს დაუფიქსირდა. მათგან საყურადღებოა მხოლოდ ორი პირი.

დღეიდან, მარნეულსა და ბოლნისში ქუჩების სადეზინფექციო სამუშაოები დაიწყება. განსაკუთრებული აქცენტი გაკეთდება საზოგადოებრივი თავშეყრის ადგილებზე. შესაბამისი ღონისძიებები გარემოს დაცვისა და სოფლის მეურნეობის სამინისტროს სპეციალური ტექნიკით ჩატარდება.

უწყებათაშორისი საბჭოს დღევანდელ სხდომაზე აღინიშნა, რომ საქართველოში კორონავირუსით ინფიცირებული 73 პაციენტიდან 10 უკვე გამოჯანმრთელდა. უწყებათაშორის საბჭოს მიეწოდა ინფორმაცია, რომ ინფიცირებულთაგან ორმა პირმა საქართველო ავსტრიის მიერ დანიშნული სპეციალური რეისით დატოვა, 10 პაციენტი ამ ეტაპზე გაწერილია, ხოლო მკურნალობას განაგრძობს - 61 პაციენტი. ყველა მათგანს შესაბამისი მკურნალობა უტარდება. ამ ეტაპზე კარანტინში იმყოფება 4055 ადამიანი, ხოლო სტაციონარში, მეთვალყურეობის ქვეშ - 252 პირი.

უწყებათაშორისი საკოორდინაციო საბჭო კოორდინირებული ნაბიჯების გადადგმის მიზნით სხდომებს პრემიერ-მინისტრის ხელმძღვანელობით სისტემატურ რეჟიმში განაგრძობს.

საბჭოს მუშაობაში აქტიურად არიან ჩართული საქართველოს პარლამენტი და პრეზიდენტის ადმინისტრაცია.

კომენტარები

მსგავსი სიახლეები

  • 12:53

    სომხეთში, 24 საათში, კორონავირუსის 557 ახალი შემთხ...

      სომხეთში, ბოლო დღე-ღამეში კორონავირუსის 557 ახალი შემთხვევა გამოვლინდა და დაინფიცირებულთა საერთო რაოდენობა 30 903 -მდე გაიზარდა, - ამის შესახებ ინფორმაციას სომხეთის ჯანდაცვის სამინისტროს ...

  • 12:21

    ცნობილი კომპოზიტორი ენიო მორიკონე 93 წლის ასაკში გ...

     ცნობილი იტალიელი ოსკაროსანი კომპოზიტორი ენიო მორიკონე 93 წლის ასაკში გარდაიცვალა, კომპოზიტორი რომის საავადმყოფოში, ღამით გარდაიცვალა. მან რამდენიმე დღის წინ დაცემისგან ტრავმა მიიღო.  ენიო მ...

  • 13:11

    საფრანგეთის მთავრობა გადადგა...

     ახლადარჩეული პრეზიდენტის, ემანუელ მაკრონის უფლებამოსილებების ამოქმედების წინ საფრანგეთის მთავრობა გადადგა   საფრანგეთის პრეზიდენტის ადმინისტრაციის ინფორმაციით, ქვეყნის პრემიერ-მინისტრმა, ედ...

  • 00:29

    მეწყერის შედეგად დაღუპულთა რიცხვი 162-მდე გაიზარდა...

    მიანმარში მეწყერის შედეგად დაღუპულთა რიცხვი 162-მდე გაიზარდა, ხოლო 54 ადამიანი კი დაშავებულია.  შემთხვევის ადგილას მომუშავე მაშველებმა უკვე 162 ცხედარი აღმოაჩინეს. ინციდენტი 2 ივლისს მოხდა, როცა ...

  • 10:32

    პარლამენტმა მხარი დაუჭირა კანონპროექტს ერთნაირსქე...

     მონტენეგროს პარლამენტმა მხარი დაუჭირა კანონპროექტს ერთნაირსქესიანთა ქორწინების ლეგალიზების შესახებ.  კანონპროექტის დასამტკიცებლად 41 ხმა იყო საკმარისი. ერთნაირსქესიანთა ...

  • 14:38

    თურქეთში მიგრანტებით სავსე გემი ჩაიძირა - 6 ადამი...

       თურქეთში, ტბა ვანზე, ქვეყნის აღმოსავლეთით, მიგრანტებით სავსე გემი ჩაიძირა.  გემზე 60-მდე არალეგალური მიგრანტი იმყოფებოდა. 6 ადამიანი დაიღუპა.  თურქეთის შინაგან საქმეთა მინ...

  • 10:39

    ჯანმო-ს ხელმძღვანელი - უარესი ჯერ კიდევ წინ არის -...

     ჯანდაცვის მსოფლიო ორგანიზაციის ხელმძღვანელი, ტედროს ადჰანომ გებრეიესუსი აცხადებს, რომ კორონავირუსით მსოფლიოში კიდევ ბევრი ადამიანი დაინფიცირდება, თუკი ქვეყნების მთავრობები სწორი პოლიტიკის გ...