ცოტა ხნის წინ, სასამართლომ თავდაცვის ყოფილ მინისტრს, ირაკლი ოქრუაშვილს აღკვეთის ღონისძიების სახით დაკისრებული 20 000 ლარიანი გირაო პატიმრობით შეუცვალა. იგი, სხდომათა დარბაზში დააკავეს.
ეს გადაწყვეტილება მოსამართლე ნინო თარაშვილმა წინასასამართლო სხდომაზე გამოაცხადა და გირაოს პატიმრობით შეცვლის თაობაზე პროკურატურის შუამდგომლობა სრულად დააკმაყოფილა.
ოქრუაშვილს, ე.წ. პარლამენტის დროებითი საგამოძიებო კომისიის მოთხოვნის შეუსრულებლობის გამო 20 ათას ლარიანი გირაო ჰქონდა შეფარდებული, რადგან დაბარების მიუხედავად, იგი კომისიაზე არ გამოცხადდა, მისი არალეგიტიმურობის საფუძვლით.
