თბილისში, მელიქიშვილის ქუჩაზე ხეივანი ჩამოინგრა და...
არსებული ინფორმაციით, თბილისში, მელიქიშვილის ქუჩაზე ხეივანი ჩამოინგრა და ადამიანი მოიყოლა. "რადიო თავისუფლება" წერს, რომ დაშავებული კლინიკაშია გადაყვანილი. სხვა დეტალები ჯერჯერობით უცნობია. ...
91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს - IRI
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.
ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.
ამასთან, გამოკითხულთა 36%-მა გიორგი გახარია დაასახელა, 36%-მა - მიხეილ სააკაშვილი, 35-35%-მა - ბიძინა ივანიშვილი და შალვა ნათელაშვილი, 33-33%-მა -ელენე ხოშტარია და გიორგი ვაშაძე, 31-31%-მა - ალეკო ელისაშვილი და ირაკლი კობახიძე, 29%-მა - მამუკა ხაზარაძე, 27-27%-მა - შალვა პაპუაშვილი და ლევან ხაბეიშვილი, 26-26%-მა - ბადრი ჯაფარიძე და ზურაბ გირჩი ჯაფარიძე, 19%-მა - პეტრე ცისკარიშვილი, 17%-მა -გიგა ბოკერია, 9%-მა - პაატა მანჯგალაძე დაასახელა.
ცნობისთვის, IRI-ის კვლევა 2023 წლის 4-23 მარტის პერიოდში საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. კვლევის საველე სამუშაოები IPM-ის მიერ შესრულდა. მონაცემები შეგროვდა პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, სქესის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 %, გამოპასუხების მაჩვენებელი - 63%.
"საერთაშორისო რესპუბლიკური ინსტიტუტის" ინფორმაციით, კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.
კომენტარები