|
საზოგადოების ინფორმირების მიზნით, „სამოქალაქო პლატფორმა 20/20“-ში 31 ოქტომბერს იმუშავებს მედიაცენტრი, სადაც საარჩევნო უბნებზე, დღის განმავლობაში, აღმოჩენილი დარღვევებისა და დაფიქსირებული ინციდენტების შესახებ ექვსი პრესკონფერენცია გაიმართება.
„სამოქალაქო პლატფორმა 20/20“-ის თავმჯდომარის ვასო ურუშაძის განცხადებით, ორგანიზაციის დამკვირვებლები კენჭისყრის პროცესს, მთელი საქართველოს მასშტაბით, 400-მდე საარჩევნო უბანზე დააკვირდებიან; „სამოქალაქო პლატფორმა 20/20“-ის ოფისში იმუშავებს ქოლცენტრი, სადაც მოქალაქეებს შესაძლებლობა ექნებათ, დარეკონ ცხელ ხაზზე და შეატყობინონ ორგანიზაციას მათ მიერ დაფიქსირებული დარღვევის შესახებ; აგრეთვე, ფაქტის შესახებ მიაწოდონ ვიდეო და ფოტო მასალა.
„სამოქალაქო პლატფორმა 20/20“-ში იმუშავებს ანალიტიკოსთა ჯგუფი, რომელიც დამკვირვებლებიდან მიღებულ ინფორმაციას და ქოლცენტრში შემოსულ ცნობებს დაამუშავებს და დღის განმავლობაში, ჩვენი მედიაცენტრის საშუალებით, საზოგადოებას ვაცნობებთ ყველა დაფიქსირებული ფაქტის შესახებ. ასევე, დარღვევები მოხვდება ჩვენი ორგანიზაციის საბოლოო ანგარიშში“,- განაცხადა ურუშაძემ.
მისი თქმით, დაძაბული წინასაარჩევნო კამპანია ქმნის მოლოდინს, რომ კენჭისყრის დღეც შესაბამისად ჩაივლის. „ჩვენი მიუკერძოებელი დამკვირვებლები, რომლებმაც საარჩევნო პროცედურებისა და მათი უფლება-მოვალეობების შესახებ ტრენინგები გაიარეს, უზრუნველყოფენ თითოეული ხმის დაცვას, საჭიროების შემთხვევაში,“- განაცხადა ურუშაძემ.
„სამოქალაქო პლატფორმა 20/20“-ის ოფისში, თბილისში მედიისათვის პრესკონფერენციები გაიმართება - 09:00; 11:00; 14:00; 17:00; 19:00 და 23:00 საათზე. მოქალქეებს შესაძლებლობა აქვთ, დარეკონ ცხელ ხაზზე: 599 404 185 ან დაუკავშირდნენ ორგანიზაციას Facebook გვერდის მესინჯერში.
“სამოქალაქო პლატფორმა 20/20” ცესკოს მიერ რეგისტრირებული ადგილობრივი სადამკვირვებლო ორგანიზაციაა. არჩევნების თავისუფალ, მშვიდ და მიუკერძოებელ გარემოში ჩატარებას და ამომრჩევლის მიერ კონსტიტუციური ხმის უფლების და ნების გამოხატვას, საქართველოს მასშტაბით, 24 ოლქში აკვირდება ორგანიზაციის 392 დამკვირვებელი და 21 მობილური ჯგუფი. დამკვირვებლებისთვის შეიქმნა სახელმძღვანელო, საარჩევნო კოდექსის ფარგლებში, უბნებზე მათი უფლებების და მოვალეობების შესახებ, მომზადდა დამკვირვებლის ანგარიშის და საჩივრის ფორმები. ორგანიზაციის მობილური ჯგუფები სპეციალურად შექმნილი ჩექ-ლისტის საფუძველზე შეამოწმებენ საარჩევნო უბნებს. ასევე, „სამოქალაქო პლატფორმა 20/20“-ში იმუშავებს იურისტთა ჯგუფი, რომელიც საუბნო დამკვირვებლებს დისტანციურად გაუწევს კონსულტაციას სამართალდარღვევების შემთხვევაში და, საჭიროებიდან გამომდინარე, ჩაერთვება საჩივრის მომზადების პროცესში.
09:43
"უცხოური ხალხის მიერ აღზრდილი ელიტა." "აგენტების მიერ დანიშნული ხელისუფლება" "გლობალური ომის პარტია" ნატოს და უკრაინის დაუფარავი კრიტიკა, "ღამურები"... მგონი კითხვები აღარ უნდა დაგვრჩეს რა კურსი უჭირ...
12:19
🔴 2023 წელს წინა წელთან შედარებით ემიგრანტების რაოდენობა 95.6%-ით გაიზარდა. საქართველოს სტატისტიკის ეროვნული სამსახურის ინფორმაციით, 2023 წელს, ემიგრანტების რიცხოვნობამ 245 064 კაცი შეადგინა, ხოლო იმი...
15:38
მარტის აქციების დროს დაკავებული ლაზარე გრიგორიადისი თავისუფალია. რუსული კანონის წინააღმდეგ აქციაზე დაკავებული ახალგაზრდა პრეზიდენტმა სალომე ზურაბიშვილმა გასულ კვირას მას შემდეგ შეიწყალა, რაც სასამართლ...
15:25
პარლამენტის ოპოზიციონერი დეპუტატი, ხათუნა სამნიძე მძიმე სენს ებრძვის. ის ახლა ქიმიოთერაპიის კურსს გადის, რაზეც ტელეკომპანია “ფორმულაზე” თავად ისაუბრა. "ქალ დეპუტატებთან ერთად ამ მძიმე ბრძო...
17:19
სახელწიფო უსაფრთხოების სამსახურის განცხადება: უწყების თანამშრომლებმა, მოსამართლის განჩინების საფუძველზე, წინასწარი შეთანხმებით ჯგუფის მიერ განსაკუთრებით დიდი ოდენობით ქრთამის აღების ფაქტზ...
16:42
დღეს, 3 საათზე, იაშვილის კლინიკაში, პეტრეს წამლის პირველ დოზას გაუკეთებენ. ❤️ დავწერ, როგორ ჩაივლის. დღეიდან ყოველდღე 16-17 წლამდე, ანუ მანამ, სანამ ზრდის ზონები დაეხურება, ინექციის სახით...
13:02
ამერიკაში, ფილადელფიაში 40 წლამდე ქართველი კაცი გარდაცვლილი იპოვეს. დათო ბუზალაძეს 11 დღის განმავლობაში ეძებდნენ და გარდაცვლილი საკუთარ ავტომობილში ნახეს. დავით ბუზალაძე მომღერალ ნუცა ბუზალაძის ძმაა. ...
|
კომენტარები