1 2 : 4 6
სარეკლამო ადგილი - 21
620 x 80
 | 

ბიზნესი

Change Inspire 2023 — „თეგეტა ჰოლდინგი“ საქართველოში ყველაზე დიდი ტექკონფერენციის სპონსორი და მონაწილე იყო

 

 

საქართველოში ყველაზე დიდი საერთაშორისო ტექნოლოგიური კონფერენცია HT Solutions-ის ორგანიზებით ჩატარდა. Change Inspire 2023-ის ერთ-ერთი სპონსორი და მონაწილე „თეგეტა ჰოლდინგი“ იყო. მასშტაბურ კონფერენციაზე წელს ოთხი სხვადასხვა სცენა იყო წარმოდგენილი, სადაც სპიკერებმა რამდენიმე ძირითად თემაზე ისაუბრეს: ციფრული ტრანსფორმაცია, DevOps, კიბერუსაფრთხოება და Big Data.

კონფერენციაზე ერთმანეთს გამოცდილება ინდუსტრიის ლიდერი ადგილობრივი და საერთაშორისო კომპანიების წარმომადგენლებმა გაუზიარეს. მომხსენებლებს შორის იყო „თეგეტა ჰოლდინგის“ ციფრული ტრანსფორმაციის მრჩეველი ნიკა კოხოძე - თემით Digital craftsmanship of the automotive industry. მან აუდიტორიას თეგეტას მაგალითზე ციფრულ გამოწვევებთან გამკლავების გზები, ტექნოლოგიებისადმი ჰოლდინგის ხედვა და გამოცდილება გაუზიარა.

ნიკა კოხოძე, თეგეტა ჰოლდინგის ციფრული ტრანსფორმაციის მრჩეველი: ავტოინდუსტრიის ძირითადი გამოწვევა ბაზარზე ყოველთვის იყო ღიაობა, გამჭვირვალობა და პროცესების გაციფრულება. თეგეტა, როგორც მულტიბრენდული კომპანია, გამორჩეულია არა მხოლოდ საქართველოს, არამედ მსოფლიო ბაზარზე. სწორედ ამიტომ ჩვენი მიზანია, ციფრული მიმართულებითაც შევინარჩუნოთ თეგეტას სტანდარტი და ხარისხი. 27-წლიანი ისტორიის მანძილზე შექმნილი გვაქვს ბაზა, რომელიც თითქმის სრულად ფარავს ყველა ავტომომხმარებელს და მოიცავს ინფორმაციას მათი ავტომობილების შესახებ. არსებულ მონაცემებზე დაყრდნობით, მუდმივ რეჟიმში მიმდინარეობს პროცესების გაუმჯობესება.

დიჯიტალიზაცია ავტოინდუსტრიაში, სწორედ ეს იყო „თეგეტას“ მთავარი სათქმელი ამ კონფერენციაზე და ვფიქრობ, რომ სფეროს წარმომადგენლებს ინდუსტრიის დიდი ბრენდებისა და თეგეტას მაგალითზე საინტერესო და მრავალფეროვანი სიახლეები მივაწოდეთ.“

Change Inspire 2023-ის დასკვნით ნაწილში გაიმართა პანელური დისკუსია თემაზე „Eagle Eye view on IT Departments“, სადაც, TBC-ისა და Veli Store-ის დირექტორებთან ერთად, „თეგეტა ჰოლდინგის“ აღმასრულებელმა დირექტორმა ისაუბრა.

ვახტანგ კაჭარავა, თეგეტა ჰოლდინგის აღმასრულებელი დირექტორი: თეგეტა ჰოლდინგის” სტრატეგიული გეგმა სრული გაციფრულებაა. 27-წლიანი ისტორიის განმავლობაში შევქმენით და განვავითარეთ ქართული ავტოინდუსტრია. ახლა ჩვენი მიზანია, გავხდეთ ავტოინდუსტრიის ტექნოლოგიური კომპანია და შევქმნათ ტრენდები, რომელთაც სამომავლოდ სხვა ქვეყნებს გავუზიარებთ. თეგეტაში ერთ-ერთი მთავარი მიმართულება ეჯაილ ტრანსორმაციაა, პროცესი დაწყებულია და ყოველდღიურად კიდევ უფრო მეტად იხვეწება. ჩვენი უმთავრესი საზრუნავია, მომხმარებელს გავუმარტივოთ ავტომობილის ფლობის გამოცდილება, რისთვისაც ჰოლდინგის გუნდი ძალისხმევას არ იშურებს.

ეს პლატფორმა ჩვენთვის დიდი შესაძლებლობა იყო, რომ კიდევ ერთხელ გაგვეზიარებინა და მიგვეღო ინფორმაცია მსოფლიოში მიმდინარე ციფრულ პროცესებზე.“

Change Inspire 2023-ზე, „თეგეტა ჰოლდინგის“ სივრცეში Porsche-ს სიმულატორები იყო წარმოდგენილი. კონფერენციის მონაწილეებს შესაძლებლობა ჰქონდათ ავტომობილის მართვის სრული გამოცდილების მიეღოთ. დღის ბოლოს, სამი საუკეთესო შედეგის მქონე მონაწილეს Porsche-ს  ბრენდირებული აქსესუარები გადაეცათ.

დღეს „თეგეტა ჰოლდინგი“ SAP-ის ოქროს პარტნიორია საქართველოში, 14 წლის წინ კი პირველი კომპანია იყო, რომელმაც თავისი ბიზნესპროცესების სრული ციკლი SAP-ში გადაიტანა. ამ დროისთვის კომპანიაში დანერგილია SAP-ის რამდენიმე პროდუქტი, რაც მულტიბრენდული კომპანიის პროცესებს სრულად დიჯიტალიზებულს ხდის.

ციფრული ტრანსფორმაციის ფარგლებში „თეგეტა ჰოლდინგში“ აქტიურად ინერგება სხვადასხვა ციფრული სერვისი. მათ შორის, მნიშვნელოვანია E-commerce მიმართულება და თეგეტას ონლაინმაღაზია shop.tegetamotors.ge. კომპანიის სერვისცენტრებში პროცესები უკვე მაქსიმალურად დიგიტალიზებულია, დანერგილია რიგების მართვის სისტემა და მწვანე ოფისის კონცეფციის ფარგლებში კი ფურცლის გამოყენება მინიმუმამდეა დაყვანილი. მხოლოდ 2022 წელს ამ პროექტის შედეგად 1000-ამდე ხე გადაურჩა მოჭრას. 

დღეს მსოფლიო გიგანტი საავტომობილო ბრენდები აცხადებენ, რომ 2030 წლისთვის სრულად გადავლენ E-commerce მიმართულებაზე. პარტნიორი ბრენდების დიგიტალიზაციის ტემპს „თეგეტა ჰოლდინგიც“ ფეხდაფეხ მიჰყვება. თეგეტა პირველი კომპანიაა ქართულ ბაზარზე, რომელმაც მომხმარებელს ავტომობილის ონლაინყიდვის შესაძლებლობა და კონფიგურატორები შესთავაზა. საქართველოსა და რეგიონის ბაზარზე კომპანია ექსკლუზიურად წარმოადგენს ისეთ ცნობილ ბრენდებს, როგორებიცაა Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან: MAN, JCB, HINO და სხვა დიდი ბრენდები.

სულ მალე „თეგეტა“ მომხმარებლებს უნიკალურ მობილურ აპლიკაციას შესთავაზებს, რაც სრულიად ახალი ნაბიჯი იქნება ავტომობილის ფლობის გასამარტივებლად. აპლიკაციის მეშვეობით მომხმარებელს წვდომა ექნება საკუთარი მანქანის ისტორიაზე, გაწეულ მომსახურებასა და ცვლილებებზე. აპლიკაციის მეშვეობით შესაძლებელი იქნება სერვისების ონლაინ დაჯავშნა და მასში იქნება ინტეგრირებული თეგეტას ონლაინმაღაზიაც.

ტექკონფერენცია Change Inspire 2023 საქართველოში 2018 წლიდან ტარდება და DevOps Inspire-ის ყოველწლიური კონფერენციის ევოლუციაა. ღონისძიების ფარგლებში, ძირითადად, IT მენეჯერები, ინჟინრები და სხვადასხვა კომპანიის IT მიმართულების ხელმძღვანელები ერთმანეთს უახლეს ტექნოლოგიურ მიღწევებს უზიარებენ. წელს კონფერენცია Pullman Tbilisi Axis Towers-ში გაიმართა და მას 500-ამდე ადამიანი დაესწრო.

--

თეგეტა ჰოლდინგის შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით თეგეტას 28 სერვისცენტრი აქვს, ხოლო საერთაშორისო ვაჭრობას ჰოლდინგი ოთხ კონტინენტზე ახორციელებს. თეგეტა ექსკლუზიურად წარმოადგენს ცნობილ ბრენდებს: Porsche, Volvo, Toyota, Mazda. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, Liebherr, BOMAG და სხვები. თეგეტა მსოფლიოს 300-ზე მეტი წამყვანი საავტომობილო ბრენდის უმსხვილესი იმპორტიორია საქართველოში. თეგეტა ჰოლდინგი, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

 

კომენტარები

მსგავსი სიახლეები

  • 18:01

    საგაზაფხულო შეთავაზებები „თეგეტა მოტორსისგან“...

    სეზონური ცვლილებები ავტომობილის სხვადასხვა დეტალზე აისახება, შესაბამისად მნიშვნელოვანია მათი დროული შემოწმება და საჭიროების შემთხვევაში შეცვლა. გაზაფხულის მოახლოებასთან ერთად, ავტომობილის გასამართად ...

  • 15:13

    2023 წელს „მაზდა ცენტრი თეგეტამ“ 549 ავტომობილი გა...

    2023 წელი „მაზდა ცენტრი თეგეტასთვის“ ზრდის წელი იყო - გაყიდვებმა 549 ერთეული შეადგინა. კომპანიამ ეს მაჩვენებელი, 2022 წელთან შედარებით, გააორმაგა.    2023 წლ...

  • 14:27

    სამუშაო გარემოს მრავალფეროვნება თიბისიში...

    თიბისი 32 წელია დამოუკიდებელ საქართველოსთან ერთად ვითარდება, მუდმივად ცდილობს, თანამშრომლებს ჯანსაღი სამუშაო პირობები და განვითარების უსაზღვრო შესაძლებლობები შესთავაზოს. აქ იციან, რა სჭირდება ადამიან...

  • 13:10

    ავტოდაზღვევის პროდუქტი დისტრიბუტორებისთვის თიბისი ...

    თიბისი დაზღვევა ბიზნესებს ახალ პროდუქტს, სადისტრიბუციო ავტომობილების დაზღვევას, სთავაზობს. პროდუქტი განკუთვნილია მეწარმეებისთვის და კომპანიებისთვის, რომლებიც გადაზიდავენ საქონელს საქართველოს ტერიტორი...

  • 18:16

    საერთაშორისო ჯილდო და გაყიდვების 70%-იანი ზრდა - T...

      კავკასიის რეგიონში JCB-ის ოფიციალურმა დილერმა „თეგეტა ჰოლდინგის“ შვილობილმა კომპანია Tegeta Construction Equipment-მა 2023 წელი  გაყიდვების გაუმჯობესებული მაჩვენებლით დაასრულა ...

  • 13:14

    Pepperboy - პანაზიური სამზარეულოს და მიქსოლოგიის ჰ...

    აღმოსავლეთ აზიის სამზარეულოს, რომელიც მსოფლიოს წამყვან ქალაქებში სულ უფრო მეტ პოპულარობას იძენს, საქართველოში არსებობის ხანმოკლე, მაგრამ დინამიკური განვითარების ისტორია აქვს. დღეს ქართულ ბაზარზე აზიუ...

  • 15:49

    Europcar Georgia-მ 2023 წელი წარმატებით დაასრულა დ...

      რეგიონული გაფართოება, საერთაშორისო ჯილდოები, გაზრდილი ავტოპარკი და ფინანსური მაჩვენებლები -  Europcar Georgia-მ გასული წელი მნიშვნელოვანი წარმატებით დაასრულა. გაიზარდა კომპანიაში დასაქმებუ...