0 6 : 1 6
სარეკლამო ადგილი - 21
620 x 80
 | 

ბიზნესი

Google Pay ლიბერთის ნებისმიერი ბარათის მომხმარებლისთვის უკვე ხელმისაწვდომია

2022 წლის 15 ნოემბრიდან, ლიბერთი თავის მომხმარებელს მარტივ და უსაფრთხო  გადახდის საშუალებას Google Pay-ს სთავაზობს. Google Pay-ს საშუალებით უკონტაქტო გადახდები და ციფრული საფულე ‘Google Wallet’ უკვე ხელმისაწვდომია Android და WearOS მხარდაჭერის მოწყობილობებზე.

 

ლიბერთის ბარათების მომხმარებლებს სადებეტო და საკრედიტო ბარათების Google Wallet-ში დამატება დღეიდან მთელი საქართველოს მასშტაბით შეუძლიათ. გუგლის ციფრული საფულე და გადახდის მეთოდი, მათ მისცემს გადახდის უსაფრთხო საშუალებას ნებისმიერ ადგილას, სადაც ხელმისაწვდომია გადახდის უკონტაქტო სერვისი. ბარათის მფლობელები შეძლებენ ისარგებლონ ყველა იმ ბენეფიტით, რომელიც ლიბერთის ბარათზეა მათთვის ხელმისაწვდომი.

 

მომხმარებლის ინფორმაციის სრულად დაცულობისთვის, Google Pay-თ გადახდისას, გათვალისწინებულია უსაფრთხოების რამდენიმე დონე, რომელიც კიდევ უფრო მეტ უსაფრთხოებას სძენს ლიბერთის ბარათებს. მათ შორისაა საერთაშორისო სტანდარტების ტოკენიზაცია, რომელიც ნიშნავს, რომ Google Wallet-ში დამატებული ბარათით გადახდისას, ტრანზაქციები ხორციელდება ბარათის ვირტუალური ნომრით (ტოკენით). თითოეული ტოკენი მორგებულია კონკრეტულ  მოწყობილობაზე და ასოცირებულია დინამიურ უსაფრთხოების კოდთან, რომელიც ცვალებადია ყოველ ახალ ტრანზაქციაზე. ასევე, ტელეფონის დაკარგვის შემთხვევაში, ‘Find My Device’ ფუნქციის გამოყენებით მარტივია ტელეფონზე წვდომის შეზღუდვა, ახალი პაროლის დაყენება, ან პერსონალური და ფინანსური მონაცემების სრულიად წაშლა.

 

Google Pay მომხმარებელს სწრაფ, მარტივ და უსაფრთხო გადახდებს Android და WearOS მოწყობილობებზე 45-ზე მეტ ქვეყანაში სთავაზობს. მომხმარებლებს მარტივად შეუძლიათ დაამატონ თავისი სადებეტო და საკრედიტო ბარათები Google Wallet-ში და იყვნენ თავდაჯერებულები, რომ მათი ფინანსური ინფორმაცია დაცული და უსაფრთხოა ნებისმიერი შენაძენისას“ - ჯენი ჩენგი, Google Wallet-ის ვიცე პრეზიდენტი და გენერალური მენეჯერი.

 

 

Google Pay-ს მხარდაჭერის ჩართვა ლიბერთის ბარათის მფლობელებისთვის, კიდევ ერთხელ ხაზს უსვამს, ლიბერთის ორიენტირებულობას  მომხმარებლებისთვის გამოცდილების გაუმჯობესებასა და ინოვაციებისკენ სწრაფვაზე. ჩვენი ცხოვრება ყოველდღიურად უფრო ციფრული და მობილური ხდება - იგივე ვრცელდება საბარათე ოპერაციებზეც.

ჩვენი მომხმარებლებისთვის ხელმისაწვდომი გავხადეთ ანდროიდის მობილური მოწყობილობებით გადახდა, რაც თავის მხრივ უზრუნველყოფს მარტივ, უსაფრთხო და ეფექტურ საბარათე გადახდებს. Google Wallet სრულად ციფრულ გადახდის გამოცდილებას სთავაზობს მომხმარებელს, თანაც ბარათის მონაცემებს უსაფრთხოდ იცავს.

მოხარულები ვართ, რომ დღეიდან, ლიბერთის ნებისმიერ მომხმარებელს აქვს შესაძლებლობა Google Pay-ის უკონტაქტო გადახდებით ისარგებლოს და ამავდროულად გამოიყენოს ლიბერთის ბარათების ყველა პირობა და ლოიალობის პროგრამები.

მინდა მადლობა გადავუხადო ჩვენს გუნდს ინტენსიური მუშაობისთვის. ჩვენ გვჯერა, რომ ეს ერთ-ერთი ისეთი პროდუქტია, რომელიც ეხმიანება ბანკის მისიას - გავუმჯობესოთ ადამიანების, მათი ოჯახებისა და ბიზნესების ცხოვრება საქართველოში.“ - გიორგი ქოროღლიშვილი, დისტანციური არხების, ბარათების განვითარებისა და ლოიალობის მიმართულების დირექტორი.

 

როგორ დავამატო ბარათი Google Wallet-ში ლიბერთის მობაილ ბანკიდან?

  • გახსენი ან ჩამოტვირთე  Google Wallet აპლიკაცია Google Play-დან
  • შედი ლიბერთის მობაილ ბანკში
  • მონიშნე ის ბარათი, რომელიც გსურს რომ დაამატო  Google Wallet-ში და დააჭირე ღილაკს დამატება (ADD TO GPAY).
  • შეიყვანე შენს ნომერზე გამოგზავნილი SMS კოდი ან დაადასტურე დიჯიპასით
  • შენ გადამისამართდები Google Wallet-ის აპლიკაციაში. გადაამოწმე მონაცემები და დააჭირე ღილაკს „შემდეგი“
  • დაეთანხმე წესებსა და პირობებს
  • სულ რამდენიმე წამში თქვენი ბარათი წარმატებით დაემატება Google Wallet-ში
  •  

    როგორ დავამატო ბარათი Google Wallet-ში?

  • გახსენი Google Wallet აპლიკაცია
  • დააჭირე ღილაკს „გადახდის მეთოდის დამატება“ და აირჩიე „საკრედიტო ან სადებეტო ბარათი“ + ღილაკზე დაჭერით
  • შეიყვანე ბარათის მონაცემები, ან დაასკანერე ბარათი თუ მოწყობილობა იძლევა ამ არჩევანის საშუალებას
  • შეავსე აპლიკაციის მოთხოვნილი ყველა სავალდებულო ველი
  • გაეცანი პირობებს (სიმარტივისთვის წაკითხვის დროს შეგიძლია გამოიყენო„მეტი“ ღილაკი)
  • დაეთანხმე პირობებს
  • გაიარე ვერიფიკაცია SMS-ით მიღებული კოდის შეყვანით (იმ შემთხვევაში თუ SMS ვერიფიკაცია ვერ დასრულდა წარმატებით, გთხოვთ, დაუკავშირდეთ ბანკის ქოლ ცენტრს 032 2 55 55 00)
  • ბარათი წარმატებით დაემატა შენს ციფრულ საფულეში
  •  

    სს ლიბერთი ბანკის შესახებ

     

    ლიბერთი ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

     

     

    კომენტარები

    მსგავსი სიახლეები

    • 12:55

      თიბისის ბიზნეს განათლების პროგრამა - 2022 წლის შეჯ...

      13 კურსი, 100-ზე მეტი ტრენინგი, 13 430 რეგისტრაცია და 5000-ზე მეტი დასწრება – 2022 წელი თიბისის ბიზნეს განათლების პროგრამისთვის გამორჩეული იყო. რიცხვების გარდა, პროგრამის წარმატებაზე დამსწ...

    • 12:43

      თიბისი IT აკადემიამ 2022 წელს 300-მდე სტუდენტი გად...

      თიბისი IT აკადემია ყოველწლიურად სრულიად უფასოდ სთავაზობს ნიჭიერ და ტექნოლოგიებით დაინტერესებულ ახალგაზრდებს ცოდნის ამაღლებას. 2022 წელს კურსი 180- მა სტუდენტმა დაასრულა. აკადემიაში სტუდენტების 10 ჯგუ...

    • 12:41

      ქართული ბიზნეს კომპანიები უკრაინის მხარდაჭერას გან...

      ქართული ბიზნეს კომპანიები და საზოგადოება უკრაინის მხარდაჭერას ომის დაწყების პირველი დღეებიდან სხვადასხვა აქტივობით გამოხატავს. ზამთრის დადგომასთან ერთად, უკრაინაში ელექტროსადგურების და ელექტროგადამცე...

    • 17:13

      „შენი ოცნების ავტომობილი“ - „ტოიოტა ცენტრი თეგეტაშ...

      ბავშვების წარმოსახვით შექმნილი მომავლის ავტომობილები - სწორედ ამ თემატიკას ეთმობა „ტოიოტა მოტორ კორპორაციის“ ხატვის გლობალური კონკურსი, რომელსაც  საქართველოში ბრენდის ოფიციალური...

    • 13:16

      Stockton და თიბისი კონცეპტი წარმოგიდგენთ მუსიკალუ...

      თიბისი კონცეპტის, მასტერქარდისა და Stockton ერთობლივი თანამშრომლობის ფარგლებში გიწვევთ მუსიკალური სპექტაკლის „ბრუნტეტი - დაბრუნება“ პრემიერაზე. წარმოდგენა, რომელშიც მაყურებლებს საშუალება...

    • 15:46

      თიბისისა და EBRD-ს შორის თანამშრომლობით, რეგიონში ...

      თიბისი ბანკი და ევროპის რეკონსტრუქციისა და განვითარების ბანკი (EBRD) აგრძელებენ ვაჭრობის დაფინანსების პროგრამის (TFP) ფარგლებში ადგილობრივი ბიზნესების მხარდაჭერას. ამასთან დაკავშირებით, 13 იანვარს&nb...

    • 11:32

      თიბისი USAID-თან და Savvy - სთან თანამშრომლობთ აჭა...

      24-25-26 იანვარს, ქ. ბათუმში, თიბისის სათაო ოფისში ადგილობრივი ბიზნესის წარმომადგენელთათვის სამუშაო სესიები და ინდივიდუალური კონსულტაციები გაიმართება. ბიზნესის მხარდაჭერის პროექტს თიბისი USAID &ndas...