1 1 : 1 3
სარეკლამო ადგილი - 21
620 x 80
 | 

ბიზნესი

თქვენს სახელზე წერილია - ნანა ბაგალიშვილი საგზაო მოძრაობის კულტურის შესაცვლელად „თეგეტას“ კამპანიაში ჩაერთო

„წარმოიდგინეთ, მოდიხარ ტროტუარზე ეტლით, ამ დროს გხვდება „დაპარკინგებული“ ავტომობილი. იძულებული ხარ, ეტლი ასწიო, გზის სავალ ნაწილზე ჩახვიდე, შემოუარო მანქანას და ისევ ტროტუარზე დაბრუნდე“, - ვკითხულობთ „ცოდნის კაფეს“ დამფუძნებლის, ნანა ბაგალიშვილის წერილში, რომელიც უცნობი თანამოქალაქის სახელზე დაიწერა. ავტორი იმედოვნებს, რომ შესაძლოა ამ გზავნილით ერთი მძღოლის ქცევა მაინც შეიცვალოს. მაშინ ნანაც კმაყოფილი იქნება და  ისინიც, ვინც საგზაო მოძრაობის კულტურაზე ზრუნვის მიზნით ფართომასშტაბიანი კამპანია დაგეგმეს.

იდეა ავტოსფეროს ლიდერ კომპანიაში, „თეგეტა ჰოლდინგში“ გაჩნდა. საინფორმაციო ბანერებით, არაორდინარული საგზაო ნიშნებითა თუ საგანმანათლებლო აქტივობებით კამპანიამ ყურადღება მალევე მიიქცია და თანამოაზრეებიც აიყოლია.

ნანა ბაგალიშვილი პრობლემას მაშინ წააწყდა, როცა ახალდაბადებული თუთა ქუჩაში სასეირნოდ გამოიყვანა და აღმოაჩინა, რომ ტროტუარზე საბავშვო ეტლით გადაადგილება არც ისე მარტივია.

„მანქანებით გადავსებულ ტროტუარზე ხშირად გასავლელი აღარ რჩება. ამის გამო დედები რთულ მდგომარეობაში ვვარდებით. ჯერ ერთი, ბავშვიანი ეტლი ძალიან მძიმეა და მისი ხელით აწევა რთულია, მაგრამ უფრო უარესი ის არის, რომ ასეთ დროს საფრთხეში აგდებ როგორც საკუთარ, ისე შვილის სიცოცხლეს. საფრთხეს უქმნი იმ მძღოლსაც, რომელიც ამ დროს სამანქანო ნაწილზე მოდის და სულ არ ელოდება, რომ ტროტუარიდან მის გზაზე ჩახვალ“, - გვიყვება ცოდნის კაფეს დამფუძნებელი ნანა ბაგალიშვილი.  

ზოგჯერ კანონდამრღვევი მძღოლების გამართლებაზეც უფიქრია, იქნებ, სად ეჩქარებოდა, ავტომობილი ტროტუარზე რომ დატოვაო. თუმცა მერე უჩნდება კითხვა: თვითონ სად წავიდეს მცირეწლოვან შვილთან ერთად? ეს ხომ ერთადერთი ადგილია ფეხით მოსიარულეებისთვის.

„დიდი პასუხისმგებლობაა, როცა საჭესთან ზიხარ, ამ დროს შენი და გარშემომყოფების სიცოცხლეზე ხარ პასუხისმგებელი. როცა მანქანას ტროტუარზე ტოვებთ,  ჩვენ, დედები, ძალიან დაუცველები ვრჩებით. დარწმუნებული ვარ, ბევრ ქალს აწუხებს ეს პრობლემა. სიამოვნებით შევუერთდი „თეგეტას“ კამპანიას. ვიმედოვნებ, ერთად უფრო მეტ მძღოლს მივაწვდენთ ხმას“, - ამბობს ნანა ბაგალიშვილი.

„თეგეტა“, ნანას სახელით, ასეთ წერილს იმ მძღოლებს დაუტოვებს, ვინც ტროტუარზე ტოვებს მანქანას. ნანას იმედი აქვს, რომ მოახერხებს, დააფიქრებს და შეცვლის დღეს არსებულ სიტუაციას, როცა ხშირად უბრალოდ არ იცის, სად და როგორ გაასეირნოს თუთა ეტლით.

ნათიკა ბერძული, „თეგეტა ჰოლდინგისსტრატეგიული კომუნიკაციების ხელმძღვანელი: „უკვე მეოთხე თვეა „თეგეტას“ კამპანია მიმდინარეობს. ვცდილობთ, სხვადასხვა აქტივობით ჩვენს თანამოქალაქეებს კიდევ ერთხელ შევახსენოთ, რას ნიშნავს საგზაო მოძრაობის კულტურა. დავუკავშირდით ჩვენს თანამოაზრეებს, მოქალაქეობრივი პასუხისმგებლობით გამორჩეულ ადამინებს, რომლებმაც თავიანთი წუხილის შესახებ მძღოლებისთვის პერსონალური მიმართვები დაწერეს. შემდეგ ეს მეგობრული „საჯარიმო“ წერილები ადრესატებს დაუტოვეს. ვფიქრობთ, პერსონალურ კომუნიკაციას კარგი შედეგი მოაქვს. როცა ადამიანს მეგობრულად უხსნი, რა გაწუხებს, რა პრობლემებს გიქმნის ყოველდღიურობაში მისი, ერთი შეხედვით, უწყინარი ქცევა, ისიც შემოდის შენს მდგომარეობაში და იაზრებს, რომ ამით ზიანს გაყენებს. შესაბამისად, ქცევის შეცვლის ალბათობა იზრდება. გვჯერა, რომ ძირეული ცვლილებები ერთეული ადამიანების საერთო ძალისხმევით მიიღწევა“.

 

შეგახსენებთ, რომ „თეგეტა ჰოლდინგის“ ახალი კამპანია „იზრუნე საგზაო მოძრაობის კულტურაზე“ ივლისში დაიწყო და მისი მიზანი საზოგადოების ცნობიერების ამაღლება და საგზაო მოძრაობის კულტურის გაუმჯობესებაა.

კომენტარები

მსგავსი სიახლეები

  • 14:41

    „მარტვილის მარანი“ - მეგრული ღვინის ახალი სიცოცხლე...

    დღეისათვის უკვე საკმაოდ ცნობილი, ხარისხით, გემოვნური თვისებებითა თუ დახვეწილი დიზაინით გამორჩეული ბრენდი - „მარტვილის მარანი“ - საქართველოს ბაზარზე 2012 წელს, „ვინო მარტვილეს“...

  • 13:09

    საბურავები 59 ლარიდან - „თეგეტა მოტორსის“ შეთავაზე...

      წლის ნებისმიერ სეზონზე უსაფრთხოდ გადაადგილება თანაბრად მნიშვნელოვანია. ავტომობილის მფლობელებს სპეციალისტები გვირჩევენ, რომ ყველაზე მეტი ყურადღება მისცვეთად ნაწილებ...

  • 12:05

    Forbes Georgia-ს პროექტზე 30 UNDER 30 განაცხადების...

    თიბისისთან პარტნიორობით, Forbes საქართველო წელსაც შეარჩევს ფორბსის 30-წლამდელთა სიას. დაჯილდოების საზეიმო ცერემონია მიმდინარე წლის მაისში გაიმართება. Forbes 30 under 30 2022 პროექტში რეგისტრაცია იანვ...

  • 11:07

    Global Finance-მა თიბისი საქართველოში ვაჭრობის დაფ...

    საერთაშორისო ფინანსურმა ჟურნალმა - Global Finance, თიბისი, საერთაშორისო ვაჭრობის ხელშეწყობისა და დაფინანსების მიმართულებით, კიდევ ერთხელ დაასახელა საუკეთესო მომწოდებლად საქართველოში. თიბისიმ აღიარება...

  • 18:14

    ,,ლიბერთი, მასშტაბური პროექტის ,,ახალგაზრდული მეწა...

    ქვემო ქართლის წარმომადგენელმა ახალგაზრდებმა RDYE პროექტის ერთკვირიანი ბიზნეს გადამზადების პროგრამა დაასრულეს. რუსთავის საერთაშორისო სკაუტურ ცენტრში, ავსტრიის განვითარების თანამშრომლობის (ADC) დაფინანს...

  • 15:29

    სიახლე - ლიბერთის ბანკომატებში Apple Pay-ს და Goo...

    ლიბერთის ბანკომატებში სიახლე დაინერგა - დღეიდან, ბანკომატში ფიზიკური ბარათის მოთავსების გარეშე, Apple Pay-ს ან Google Pay-ს გამოყენებით, ლიბერთის ბარათების მფლობელებს ბანკომატებში ნებისმიერი ოპერაციი...

  • 13:28

    ჰეფიქიდი — სათამაშოები უნარების განვითარებისთვის ...

    ახალი ბიზნესის წამოწყების სტიმულირება, სტარტაპ ეკოსისტემის განვითარება, მცირე და საშუალო ბიზნესების განათლების ხელშეწყობა — ეს თიბისის მისიაა, რომლის შესასრულებლად, უკვე მეექვსე წელია, პროგრამი...