თიბისიმ და EBRD-იმ “ლოპოტა სპა რეზორტის” ინფრასტრუ...
თიბისიმ და ევროპის რეკონსტრუქციისა და განვითარების ბანკმა - EBRD, “ლოპოტა სპა რეზორტის” ახალი პროექტები 9 400 000 ევროთი დააფინანსეს, რომლის ფარგლებშიც, ივნისში ახალი ობიექტები გაიხსნება:...
"ენერგო პროს" აბონენტებისთვის ელექტროენერგია კილოვატზე 3.5 თეთრით გაძვირდა
სემეკმა დღეს "ენერგო პროს" სამომხმარებლო და არასამომხმარებლო ტარიფების განახლების შესახებ იმსჯელა. სემეკის დადგენილებით, კომპანიისთვის ტარიფები დროებით, 6 თვის ვადით განისაზღვრება. დროებითი ტარიფი სამომხმარებლო აბონენტებისთვის დღგ-ის ჩათვლით ერთ კილოვატზე 3.494 თეთრით ძვირდება, რის შედეგადაც სამოხმარებლო ტარიფი ასე განისაზღვრება:
1) თვეში 0-101 კილოვატი - 17.731 თეთრი, ზრდა 3.494 თეთრი;
2) თვეში 101-301 კილოვატი - 21.707 თეთრი, ზრდა 3.494 თეთრი;
3) თვეში 301+ კილოვატი - 26.227 თეთრი, ზრდა 3.494 თეთრი;
არასაყოფაცხოვრებო მომხმმარებლებისთვის კი ტარიფების ზრდა კიდევ უფრო მკვეთრია და ერთ კილოვატზე 11 თეთრზე მეტად ძვირდება.
110-35 კვ. - 28.267 თეთრი- ზრდა 13.407 თეთრი;
10-6-3.3 კვ - 30.879 თეთრი - ზრდა 14.628 თეთრი;
380-220 ვ - 31.960 თეთრი - ზრდა 10.877 თეთრი.
2021 წლის 1 ივლისის შემდგომი პერიოდისთვის სემეკი "თელასისთვის" გრძელვადიან ტარიფს დაითვლის. გამართულ მოსმენაზე "ენერგო პრომ" რიგი შენიშვნები დააფიქსირა, კომპანიის წარმომადგენელთა შეფასებით, ტარიფების ზრდა უფრო მაღალი უნდა იყოს.
კომპანია პრობლემურად მიიჩნევს ელექტროენერგიის შესყიდვის პროგნოზს, რომელიც სემეკმა მომდევნო 6 თვისთვის დაიანგარიშა. თავისმხრივ, სემეკის განმარტებით, იმ შემთხვევაში თუ "ენერგო პროს" მიერ შესყიდული ელექტროენერგიის ღირებულება საპროგნოზოზე მაღალი იქნება, სემეკი ამ ხარჯის ანაზღაურების "კომპენსირების" შესაძლებლობას გრძელვადიანი ტარიფის განსაზღვრის დროს გაითვალისწინებს.
კომენტარები