2 3 : 1 7
სარეკლამო ადგილი - 21
620 x 80
 | 

კრიმინალი

„რაღაც ფული იატაკზე დაყარეს, მე ისინი მეცოტავა“ - ნარსია განმარტავს, რატომ ითხოვდა ანკესს და რუსეთის დროშას

20 სექტემბერს, ქუთაისში „საქართველოს ბანკზე“ თავდასხმისთვის დაკავებული გრიგოლ ნარსიას პირველი ჩვენება ვრცელდება

ჩვენებაში, რომელსაც „ინტერპრესნიუსი“ ავრცელებს, დაკავებული განმარტავს, თუ რისთვის სჭირდებოდა ანკესი, რომელსაც ის 2 მილიონ დოლართან, ვერტმფრენთან და რუსეთის დროშასთან ერთად ითხოვდა.

„ბანკში მყოფი ადამიანები მძევლად ავიყვანე. ამის შემდეგ ბანკში კარი დავკეტე და დავამაგრე ჩემ მიერ დამზადებული ასაფეთქებელი მოწყობილობა მაკეტი-მულიაჟი. ამის შემდეგ ბანკის თანამშრომლებს მოვთხოვე, ფული მოეცათ. მათ რაღაც ფული იატაკზე დაყარეს, მე ისინი მეცოტავა, ამიტომ ბანკის თანამშრომელ გოგონას ვუთხარი, რომ თავის უფროსისთვის დაერეკა და ჩემთვის ფული მოეტანათ. იქ მყოფი ერთ-ერთი მძევალი ბიჭის მეშვეობით ბანკის ხელმძღვანელს სატელეფონო საუბრისას მოვთხოვე, რომ ჩემთვის მოეტანათ მძევლების გათავისუფლების სანაცვლოდ 2 მლნ აშშ დოლარი, რუსეთის ფედერაციის დროშა და ანკესის ჯოხი. აღნიშნული საუბარი რამდენჯერმე განხორციელდა.

მე ასევე მოვითხოვე, ავტომანქანა და ქუთაისის ძველ აეროდრომზე ვერტმფრენი, რომლითაც მინდოდა დამეტოვებინა საქართველოს საზღვრები აფხაზეთისა და რუსეთის მიმართულებით. ამისთვის მესაჭიროებოდა რუსეთის დროშა, ამისთვის მინდოდა ანკესი, რომ დროშა საზღვრის გადაკვეთისას მასზე დამემაგრა. მითხრეს, რომ ჩემთვის ფული ჰქონდათ მოტანილი და მკითხეს, მქონდა თუ არა ჩანთა, მე ვუპასუხე რომ მქონდა და შევძლებდი ფულის წაღებას.

 

ამავე დროს უცებ შენობაში სწრაფად შემოვიდნენ სპეცრაზმელები, მათ გამაკავეს, გავუწიე ფიზიკური წინააღმდეგობა, თუმცა მოახერხეს ჩემი გაკავება. დანა, ხელყუმბარა და სხვა ნივთები არ გამომიყენებია, წამართვეს“, – აღნიშნა ნარსიამ.

მისივე განცხადებით, თანამზრახველი არ ჰყოლია და მარტო მოქმედებდა:

„დაკავების დროს წინააღმდეგობა გავუწიე, მივიღე დაზიანებები, აღნიშნულ დაზიანებებთან დაკავშირებით მე პოლიციის თანამშრომლებთან პრეტენზია არ გამაჩნია. მე ვაღიარებ იარაღის და საბრძოლო მასალის შეძენა-შენახვა-ტარების ფაქტს, ჩემ მიერ მითითებულ ბანკზე თავდასხმის ფაქტს, მძევლების ხელში ჩაგდებას. გულწრფელად ვნანობ ჩემს მიერ ჩადენილ ქმედებას და გთხოვთ აღნიშნული გაითვალისწინოთ. ყოველივე აღნიშნული ჩავიდინე მარტო და აღნიშნული დანაშაულის ჩადენაში სხვა ვინმე პირს რაიმე ფორმით თანამონაწილეობა არ მიუღია“, – განაცხადა ნარსიამ.

შეგახსენებთ, ქუთაისში “საქართველოს ბანკის” ფილიალზე თავდასხმის ფაქტზე 37 წლის გრიგოლ ნარსია სამართალდამცველებმა 20 სექტემბერს 10-საათიანი სპეცოპერაციის შედეგად დააკავეს.

კომენტარები

მსგავსი სიახლეები

  • 10:55

    გორში კაცმა ცოლი და სიდედრი მოკლა, შემდეგ თავი მოი...

    გორის მუნიციპალიტეტის სოფელ რეხაში კაცმა ცოლი და სიდედრი მოკლა, შემდეგ თავი მოიკლა. გავრცელებული ინფორმაციით, ყოფილმა პოლიციელმა, 70 წლის ღვთისო პეტრიაშვილმა ოჯახის წევრები წუხელ, გვიან ღამით მოკ...

  • 14:13

    დააკავეს პირი, რომელიც ეროვნული გამოცდების გარეშე...

    საქართველოს პროკურატურამ დიდი ოდენობით თანხების მოტყუებით დაუფლების ფაქტზე ერთ პირს ბრალდება წარუდგინა.    შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებული ფულ...

  • 12:41

    ერთ-ერთი გარდაცვლილი ზაქრო მათიაშვილი - ის ადგილე ...

    👉ერთ-ერთი გარდაცვლილი ზაქრო მათიაშვილია  სოციალურ ქსელში გავრცელებული ინფორმაციით ის ადგილე ბიძაშვილის გადასარჩენად მივიდა რა დროსაც ზურგში ესროლეს....

  • 09:45

    საგარეჯოში თავდამსხმელი ყოფილი სამხედრო, ნოდარ ათუ...

    საგარეჯოში თავდამსხმელი ყოფილი სამხედრო, ნოდარ ათუაშვილია   "მოქმედი სამხედროა, როგორც ვიცით. ოპერატიულად რაც დაგვიდასტურეს. 2016 წლიდან მუშაობდა, 21 წელს არის წამოსული. პირველადი ინფორმაციაა და ...

  • 09:44

    შსს - პირმა, რომელმაც საგარეჯოში 5 ადამიანი მოკლა,...

    შინაგან საქმეთა სამინისტროს ინფორმაციით, მსროლელმა 5 ადამიანი მოკლა, 5 დაჭრა, ხოლო შემდეგ თავი მოიკლა. როგორც უწყებაში განმარტავენ, გარდაცვლილია 1 პოლიციელი, კორპუსის მცხოვრები 4 მოქალაქე და თავად თა...

  • 14:58

    ვარკეთილში სავარაუდოდ, არასრულწლოვნებმა ორი ნაბიჯი...

    15 იანვრის ღამეს, ვარკეთილში სავარაუდოდ, არასრულწლოვნებმა ორი ნაბიჯის მაღაზია გაქურდეს. უცნობია, რისი წაღება შეძლეს არასრულწლოვნებმა მაღაზიიდან. itv.ge-ს შინაგან საქმეთა სამინისტროში განუც...

  • 23:53

    კასპში, მაზლმა რძალი მოკლა...

    კასპის მუნიციპალიტეტის სოფელ ნოსტეში მაზლმა რძალი მოკლა. გავრცელებული ინფორმაციით, გარდაცვლილია 73 წლის ქალი, რომელიც 83 წლის მაზლმა მოკლა. წინასწარი ინფორმაციით, მათ ქონებრივი დავა ჰქონდათ. სხვა დეტა...