1 8 : 5 5
სარეკლამო ადგილი - 21
620 x 80
 | 

მსოფლიო

„ჩვენი პასუხისმგებლობაა საკუთარი და სხვისი სიცოცხლის დაცვა“ - ელენე კალანდაძე „თეგეტას“ წინასაახალწლო კამპანიას შეუერთდა

ელენე კალანდაძე იმ ადამიანთა რიცხვს მიეკუთვნება, ვინც ახალ წელს სამსახურში ხვდება და ყველაზე მეტი სამუშაო სწორედ ახალი წლის დამდეგს აქვს. ამასთან, აუცილებლად მოღიმარი, ხალისიანი და ენერგიული  უნდა იყოს, რათა სცენიდან ათასობით ადამიანისთვის სადღესასწაულო განწყობა შექმნას.

ელენე კალანდაძე, მომღერალი: „წლის ყველაზე ჯადოსნური პერიოდის მოახლოება დიდ ფუსფუსთანაა დაკავშირებული. ემს დიდ ოჯახში საქმე ყველა წევრზეა გადანაწილებული. აი, მე, მაგალითად, ერთ-ერთი ყველაზე საპასუხისმგებლო მისია დამეკისრა, რომელსაც ყოველ წელს პირნათლად ვასრულებ  -  ეს არის ნაძვის ხის მორთვა და, შესაბამისად, სიხარულით და დადებითი ემოციებით, სახლში საახალწლო განწყობის შექმნა.

ჩემი პროფესიიდან და ცხოვრების სტილიდან გამომდინარე, უკვე წლებია, ახალი წლის დადგომა, ოჯახურ სამზადისთან ერთად, გაორმაგებულ შრომასთან ასოცირდება. ამ პერიოდში უამრავი სადღესასწაულო ღონისძიება და კონცერტი იმართება და ჩემთვისაც ეს ჯადოსნური პერიოდი განსაკუთრებულად დატვირთულია. ახალი წლის ღამის გატარებაც, ტრადიციულად, სიმღერ-სიმღერით, სხვადასხვა სცენაზე მიწევს. ბოლო გაჩერება კი ყველაზე ტკბილი და თბილია, მაშინ როდესაც ჩემს მძინარე შვილს ვაკოცებ და ახალი წლის დადგომას მივულოცავ.“

პროფესიიდან გამომდინარე, ელენესთვის უცხო არ არის, რომ ახალი წლის აღნიშვნას, მხიარულებასთან ერთად,  ალკოჰოლის განსაკუთრებით ჭარბი მოხმარება, შემდეგ კი ხშირად არაკეთილგონიერი ქცევა მოსდევს, მათ შორის - მანქანის ნასვამ მდგომარეობაში მართვა. როგორც ელენე ამბობს, თავადაც მჯდარა ნასვამი საჭესთან და ამას აღარასდროს გაიმეორებს. ყველაზე ცუდად კი ის შემთხვევა ახსენდება, როცა საკუთარი მანქანის მართვის ნება მთვრალ მეგობარს მისცა.

ელენე კალანდაძე, მომღერალი: „როცა მთხოვა მეგობარმა საჭესთან დამესვა, რატომღაც, ნება დავრთე, არ ვიცი, რატომ. ამ დროს მანქანაში ბევრნი ვისხედით. უეცრად სიჩქარის დამორჩილება ვერ მოახერხა, გმირთა მოედანზე მანქანა სავალი ნაწილიდან გადავიდა და შემაღლებულზე შევარდა. სასწაულებრივად გადავრჩით და, საბედნიეროდ, არავინ დაშავებულა. მახსოვს, რამდენიმე წამი გაშეშებულები ვისხედით და ვაანალიზებდით, რაც მოხდა. ეს იყო უდიდესი გაკვეთილი ჩემთვის და გარშემო მყოფებისთვის.“

სამწუხაროდ, ზოგჯერ არც სხვების და არც საკუთარი  მაგალითები საკმარისი არ აღმოჩნდება ხოლმე. სწორედ ამ მნიშვნელოვან საკითხს ეხება „თეგეტა ჰოლდინგის“ წინასაახალწლო კამპანია - „აღნიშნე, როგორც გინდა, მაგრამ არ მართო მანქანა ნასვამ მდგომარეობაში“. კამპანიის მთავარი ვიდეო ახალი წლის აღნიშვნის განსხვავებულ, მრავალფეროვან გზებს წარმოაჩენს და ხაზს უსვამს, რომ გართობას შეზღუდვები არ აქვს. ერთადერთი, რაც ყოველთვის უნდა გავითვალისწინოთ, ისაა, რომ არაფხიზელ მდგომარეობაში მანქანა არ უნდა ვმართოთ.

კამპანიის გზავნილს ელენეც უერთდება და საზოგადოებას მეტი სიფრთხილის დაცვისკენ მოუწოდებს.

ელენე კალანდაძე, მომღერალი: „ძალიან მნიშვნელოვანია საზოგადოების ცნობიერების ამაღლება ამ მტკივნეულ და პრობლემურ თემასთან დაკავშირებით. სწორედ ამიტომ შევუერთდი „თეგეტას“ ამ მნიშვნელოვან და დროულ კამპანიას. მინდა, თითოეულმა მძღოლმა, კარგად გააცნობიეროს ის საფრთხეები, რაც ნასვამ მდგომარეობაში ავტომობილის მართვას ახლავს და ისიც, რომ ჩვენი პასუხისმგებლობაა საკუთარი და სხვისი სიცოცხლის დაცვა.

გულწრფელად მინდა ვუსურვო საზოგადოებას, უსაფრთხო, დაცულ და სამართლიან  ქვეყანაში ცხოვრება.  2023 წელი სიკეთის და სიმშვიდის წელი ყოფილიყოს.“

კომენტარები

მსგავსი სიახლეები

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...

  • 13:41

    ვოლოდიმირ ზელენსკი - არის სიგნალი, რომ, შესაძლოა, ...

    არის სიგნალი, რომ, შესაძლოა, რუსეთში კიდევ ერთი ამბოხება, რევოლუცია მოხდეს, - ამის შესახებ უკრაინის პრეზიდენტმა, ვოლოდიმირ ზელენსკიმ ABC News-თან ინტერვიუში განაცხადა. მისი თქმით, ბევრი ადამიანია...

  • 12:17

    თეთრი სახლი - არ გვინახავს ნიშანი, ხმამაღალი რიტორ...

    შეერთებულ შტატებს არ მიაჩნია, რომ რუსული ძალების მიერ ზაპოროჟიეს ატომური ელექტროსადგურის აფეთქების საფრთხე „გარდაუვალია“, - ამის შესახებ თეთრი სახლის სტრატეგიული კომუნიკაციების კოორდი...