0 4 : 0 4
სარეკლამო ადგილი - 21
620 x 80
 | 

პოლიტიკა

ჩემს ცხოვრებაში ყველაზე ბედნიერი 2007 წლის აგვისტოს ის დღე იყო, როდესაც საქართველოს მოქალაქეობა მომანიჭეს–ფადი ასლი

საერთაშორისო სავაჭრო პალატის ხელმძღვანელი საქართველოში, ფადი ასლი  ფეისბუქ სტატუსს აქვეყნებს, რომელშიც წერს, როგორ უყვარს საქართველო:

“საქართველოში ყველაფერს ვეტრფი: პეიზაჟებს, ბუნებას, ხალხს, კულტურას და ისტორიას; ჩემი სიყვარული ამ ქვეყნის მიმართ იმდენად უსაზღვროა, რომ რაც არ უნდა პარადოქსულად ჟღერდეს, ის ადამიანებიც კი მიყვარს, რომლებიც მძულს.

სხვათა შორის, ჩემს ცხოვრებაში ყველაზე ბედნიერი 2007 წლის აგვისტოს ის დღე იყო, როდესაც საქართველოს მოქალაქეობა მომანიჭეს; მადლიერებისა და სიამაყის საოცარი გრძნობა დამეუფლა და ასეთ სრულფასოვნად და ბედნიერად არასოდეს მიგრძვნია ცხოვრებაში თავი.

ამ ქვეყანაში ჩამოსვლისთანავე ვიგრძენი, რომ ქართველობა მხოლოდ ეროვნება და სამართლებრივი სტატუსი არ არის. ეს სულიერი მდგომარეობა და ცხოვრების წესია.
ჩვენ არ ვირჩევთ ქვეყანას ან იმ ოჯახს, სადაც ვიბადებით – ამას ბედისწერა განსაზღვრავს.
მაგრამ, ჩვენ ვირჩევთ საყვარელ ადამიანებს, ცხოვრების თანამგზავრს, რომელთანაც მთელი სიცოცხლის გატარება გვწადია. ზუსტად იმავე მოსაზრებით ვხელმძღვანელობთ იმ ქვეყანასთან მიმართებაში, რომელსაც სახცოვრებლად ვირჩევთ, განსაკუთრებით, როდესაც ეს ქვეყანა საქართველოა.

ვისწავლე, რომ ეროვნება არ გახლავთ სამართლებრივი დოკუმენტი; ეს სულიერი მდგომარეობაა! თუკი გიყვარს ქვეყანა, სადაც არ დაბადებულხარ, გიყვარს მისი ბუნება, მისი ხალხი, მისი ისტორია და ცხოვრების წესი, შენ გულით ამ ქვეყნის მოქალაქე გახდები და ვერავინ ვერასდროს წაგართმევს ამას; როგორც ნაშვილები ბავშვის შემთხვევაში, შეიძლება შეიყვარო „ნაშვილები“ ქვეყანა, მეტად, ვიდრე შენი საკუთარი.

ამ დღეს ჩვენს საყვარელ საქართველოს ვუსურვებ მშვიდობას და სამუდამო წარმატებებს.
ფადი ასლი
2022 წლის 8 აგვისტო“–წერს ფადი ასლი ფეისბუქზე.

კომენტარები

მსგავსი სიახლეები