სოც. მედია

მთავარი -
სოც. მედია -
უკრაინის პროკურატურა ლუკაშენკოს წინააღმდეგ სისხლის სამართლის საქმის აღძვრის საკითხს განიხილავს.

სოც. მედია

უკრაინის პროკურატურა ლუკაშენკოს წინააღმდეგ სისხლის სამართლის საქმის აღძვრის საკითხს განიხილავს.

უკრაინის პროკურატურა ლუკაშენკოს წინააღმდეგ სისხლის სამართლის საქმის აღძვრის საკითხს განიხილავს. ინფორმაციას Reuters უკრაინის პრეზიდენტის ადმინისტრაციის განცხადებაზე დაყრდნობით ავრცელებს და წერს, რომ ლუკაშენკომ, რუსეთის პრეზიდენტ ვლადიმერ პუტინის ახლო მოკავშირემ, მოსკოვს ნება დართო, ბელარუსი 2022 წლის თებერვალში უკრაინაში სრულმასშტაბიანი შეჭრის საყრდენ ბაზად გამოეყენებინა.

უკრაინის პრეზიდენტის ოფისმა წერილში აღნიშნა, რომ ის პასუხობდა დევნილობაში მყოფი ოპოზიციური ჯგუფის, „ბელარუსის დემოკრატიული ფორუმის“ მიმართვას. ამ ჯგუფმა ზელენსკის მაისში მიმართა თხოვნით, რომ კიევს ლუკაშენკოს წინააღმდეგ სისხლისსამართლებრივი დევნა დაეწყო ომის დანაშაულების, გენოციდისა და სახელმწიფო ტერორის ბრალდებით.

გამოცემა წერს, რომ ფორუმმა იგი დაადანაშაულა უკრაინაში რუსეთის ომში თანამონაწილეობასა და სულ მცირე 2 442 უკრაინელი ბავშვის ბელარუსში იძულებით გადაყვანაში იმ პროგრამის ფარგლებში, რომელიც იელის ჰუმანიტარული კვლევების ლაბორატორიის მიერ არის დოკუმენტირებული.