სტატია
- ლიტერატურული პრემია „საბას“ 2026 წლის ფინალისტები ცნობილია
- Tegeta Fest - „თეგეტა მოტორსი“ წრიული რბოლის ჩემპიონატის ფარგლებში ავტოსპორტის მოყვარულებს უმასპინძლებს
- აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა
- კორეული პრემიუმ ბრენდი Manyo უკვე PSP-შია
- "არსებობს იმის შესაძლებლობა, რომ პუტინმა რუსეთის ფედერაციის სამხედრო კორპუსი აღმოსავლეთ და ცენტრალური ევროპის ქვეყნების წინააღმდეგ გამოიყენოს"
- NATO რუსული ჯარების გადაადგილების რეალურ დროში მონიტორინგისთვის ხელოვნური ინტელექტის სისტემის დანერგვას გეგმავს
- "ტერიტორიული კომპრომისები პრინციპში შეუძლებელია"
- თიბისი კამპუსი – უფასო ონლაინ განათლება სტუდენტებისთვის
"უკრაინის ხელისუფლებას დღეს ორი რთული არჩევანის გაკეთება უწევს, რაც სინამდვილეში არჩევანიც არ არის"
„ჩვენ ვნახეთ ამ გეგმაზე რეაქციითაც კი პრეზიდენტ ზელენსკის მხრიდან, რომ უკრაინას, უკრაინის ხელისუფლებას დღეს ორი რთული არჩევანის გაკეთება უწევს, რაც სინამდვილეში არჩევანიც არ არის. ფაქტია, უკრაინის ხელისუფლება ისეთ მდგომარეობაშია, რომ მას არც ომის გაგრძელება შეუძლია და არც ომის დასრულება. რაც არ უნდა აირჩიოს, მძიმეა უკრაინელი ხალხისთვის. ეს იყო ის გზა, რომელსაც ჩვენ ოპოზიცია და „ენჯეოები“ გარედან კარნახით გვთავაზობდნენ, რომლისკენაც გვიბიძგებდნენ. შეგახსენებთ, მიტინგებს ატარებდნენ პარლამენტთან 2022 წლის მარტში იმის მოთხოვნით, რომ ესკალაციაში შევსულიყავით იმ ქვეყანასთან, რომელმაც მეორე მსოფლიო ომის შემდეგ უდიდესი ომი წამოიწყო. ეს უნდოდათ, საქართველოც ასეთ მდგომარეობაში ჩართულიყო. ჩვენი ქვეყნის მასშტაბების გათვალისწინებით, ამას ამდენი დრო არ დასჭირდებოდა. ზუსტად ასეთ მომენტამდე მიგვიყვანდნენ. ქართული საზოგადოება ზუსტად ხვდება, თუ რასთან გვქონდა საქმე, რისკენ გვიბიძგებდნენ, ძალები, რომლებსაც საქართველოს ჩათრევა უნდოდათ ამ ომში, ჩვენი ქვეყნის ინტერესების წინააღმდეგ მოქმედებდნენ.
გუშინ, პირველად მოვისმინეთ ევროპელი ლიდერებისგან, რომ ნებისმიერ სამშვიდობო გეგმას უნდა ჰქონდეს უკრაინის და ევროპის თანხმობა, აქ, როგორც ჩანს, ევროკავშირი იგულისხმებოდა. აქამდე თუ საუბარი იყო რომ ნებისმიერ სამშვიდობო შეთანხმებას უკრაინა უნდა დაეთანხმოს, ახლა ამას დაემატა, როგორც ჩანს, ევროპა, როგორც აქტორი შეთანხმების მონაწილეობისა. ეს დამაფიქრებელია. კიდევ ერთხელ გვაფიქრებინებს ეჭვებზე, რომელზეც საუბარია ევროკავშირის შიგნითაც, რომ ევროკავშირის ზოგიერთ ქვეყანას საკუთარი ინტერესი აქვს ამ ომში. ამიტომ უწოდა ამ ომს ამერიკის მოქმედმა სახელმწიფო მდივანმა პროქსიომი-მარიონეტის ხელით წარმოებული ომი. როგორც ჩანს, ეს კვანძებიც იხსნება და ნათლად ჩანს, რომ ამ ომის მიმართ არსებობს პირდაპირი ინტერესი ევროპის ზოგიერთ პოლიტიკურ ჯგუფებში“,- შალვა პაპუაშვილი.
უახლესი ინფორმაცია
