ბიზნესი

წიწიბურას ჩაი სობა- იდეალურია მათთვის, ვისაც სურს შეინარჩუნოს ცხოვრების ჯანსაღი წესი და ასევე, არ თქვას უარი გემრიელ სასმელზე

• By admin
• 22-08-2025

2024 წელს გადავწყვიტეთ ქართული და არა მარტო, ქართული საზოგადოებისთვის შეგვეთავასებინა პროდუქტი, რომელიც იქნებოდა განსხვავებული, ჯანსაღი, 100 % ნატურალური და პრემიუმ ხარისხის.

ინტერვიუ სობას დამფუძნებლებთან, ჯონი ჯანაშიასთან და გიორგი ბერაიასთან.

1. რა იყო თქვენი ხედვა კომპანიის დაარსების დაწყების დროს და როგორ განვითარდა ეს ხედვა წლების განმავლობაში?

კომპანიის დაარსების დროს ჩვენი მთავარი ხედვა იყო შეგვექმნა პროდუქტი/სერვისი, რომელიც რეალურად შეცვლიდა მომხმარებლების ცხოვრებას უკეთესობისკენ — გამარტივებდა მათ ყოველდღიურობას და მოიტანდა ხარისხს, რომელსაც ეძებდნენ. თავდაპირველად ვმუშაობდით მცირე რესურსებით, მაგრამ დიდი ენთუზიაზმით. წლების განმავლობაში ეს ხედვა გაფართოვდა — დღეს ჩვენ არ ვიქმნით მხოლოდ პროდუქტს, ჩვენ ვქმნით გამოცდილებას, ვაშენებთ გრძელვადიან ურთიერთობებს მომხმარებლებთან და ვცდილობთ ვიყოთ ლიდერები ჩვენს სფეროში, ინოვაციისა და პასუხისმგებლობის მაგალითი.“

2. თქვენი აზრით, რა განგსხვავებთ კონკურენტებისგან და რითია წიწიბურას ჩაი განსაკუთრებული?

ჩვენი მთავარი განსხვავება კონკურენტებთან შედარებით არის ის, რომ არ ვქმნით უბრალოდ ჩაის — ჩვენ ვქმნით ისტორიულ და კულტურულ გამოცდილებას თითოეულ ფინჯანში. წიწიბურას ჩაი გამორჩეულია თავისი უნიკალური არომატით, ნაზი თხილის ტონით და ჯანმრთელობის მხრივ სარგებელით. იგი სრულიად უკოფეინოა, მდიდარია ანტიოქსიდანტებით და ვიტამინებით, რაც მას ყოველდღიური მოხმარებისთვის იდეალურს ხდის. გარდა ამისა, ჩვენ განსაკუთრებულ ყურადღებას ვაქცევთ ხარისხს — ვიყენებთ მხოლოდ უმაღლესი ხარისხის ნედლეულს და ვმუშაობთ მცირე შეფუთვებით, რათა ყოველი შეფუთვა იყოს სუფთა, ბუნებრივი და სიყვარულით შექმნილი.“

3.  რა არის თქვენი, როგორც ლიდერის, პირადი "წარმატების ფორმულა"? როგორ აყალიბებთ გამარჯვებულ გუნდს?

ჩემი პირადი წარმატების ფორმულა ეყრდნობა სამ ძირითად მიმართულებას: მიზანმიმართულობა, კონსტრუქციული კომუნიკაცია და მუდმივი განვითარება. ყოველთვის ვამახვილებ ყურადღებას მკაფიო მიზნების დასახვაზე და ამ მიზნების გუნდთან  გაზიარებაზე, რადგან მხოლოდ ერთგულ გუნდთან ერთად შეიძლება დიდი წარმატებების მიღწევა. გამარჯვებული გუნდი ჩამყალიბება ჩემთვის ნიშნავს თითოეული წევრის ძლიერი მხარეების აღმოჩენას, მოტივაციის ამაღლებას და პასუხისმგებლობის მაღალი ხარისხის შექმნას. ასევე, დიდ მნიშვნელობას ვანიჭებ ინოვაციებსა და გახსნილობას — როდესაც გუნდი თავისუფალია ამ დროს წარმატება გარდაუვალია.“

4. რისი გჯერათ ყველაზე მეტად ბიზნესში და როგორ გამოიხატება ეს თქვენს ყოველდღიურ საქმიანობაში?

ბიზნესში ყველაზე მეტად მჯერა ნდობისა — როგორც პარტნიორებსა და თანამშრომლებს შორის, ისე ჩვენს მომხმარებლებთან. ნდობა არის ნებისმიერი წარმატებული ურთიერთობის საფუძველი და სწორედ ამიტომ ვიმუშავე მუდამ ღიაობის, პატიოსნებისა და პასუხისმგებლობის პრინციპებზე. ყოველდღიურ საქმიანობაში ეს გამოიხატება მარტივ, პირდაპირ და გამჭვირვალე კომუნიკაციაში, სწრაფ და გულწრფელ რეაგირებაში პრობლემებზე და ყოველთვის ხარისხის შენარჩუნებაზე. მე ვფიქრობ, რომ ნდობის ატმოსფერო ხელს უწყობს გუნდში ინოვაციების განვითარებას და სწორედ ეს გვაძლევს სიძლიერეს ბაზარზე.“

5. გაგვიზიარეთ სობას სამომავლო გეგმები...

სამომავლოდ სობა აპირებს ახალი გემოების დამატებას, ჩვენი ბრენდის გაფართოებას და ცნობადობის გაზრდას, როგორც ადგილობრივ ისე საერთაშორისო ბაზარზე. მომხმარებლებისთვის სხვადასხვა სახის ღონისძიებების ორგანიზებას, რაც უფტო მეტად გააძლიერებს სობას საზოგადოებასთან კავშირს.