სტატია
- "დაანონსებული ცვლილებები არის აზრის ჩახშობის ბრუტალური მცდელობა, რომელიც აბსოლუტური უფლებაა და მისი შეზღუდვა დაუშვებელია"
- "ირანი მზადაა მიიღოს სამართლიანი და თანასწორი ბირთვული შეთანხმება"
- "სინამდვილეში, დღეს ვაბრუნებთ იმ იდეას, რომელიც ივანე ჯავახიშვილს ჰქონდა ერთი დიდი ქართული უნივერსიტეტის გარშემო"
- "ჩვენ ვიყენებთ ყველა შესაძლებლობას მშვიდობის მისაღწევად და უსაფრთხოების გარანტირებისთვის"
- "ამ დროისთვის, ირანისკენ ბევრი ჩვენი ძალიან დიდი, ძალიან ძლიერი გემი მიცურავს"
- რეკორდული მაჩვენებლები და ინოვაციური მიდგომები მომსახურებაში - „თეგეტას“ სატვირთო, მძიმე და სპეცტექნიკის მიმართულება გასულ წელს აჯამებს
- "შეზღუდული დარტყმა - ეს ილუზიაა. ამერიკის ნებისმიერი აქტივობა, ნებისმიერი წყაროდან, ომის დასაწყისად ჩაითვლება"
- Wall Street Journal-ის მიერ გავრცელებული ინფორმაციით, ირანულმა მხარემ ვაშინგტონის მოთხოვნების ნაწილი უარყო
თიბისის მხარდაჭერით გაეროს ქალთა ორგანიზაცია მეწარმე ქალების პროდუქციის გამოფენა-გაყიდვას მართავს
13 -14 სექტემბერს გაეროს ქალთა ორგანიზაციის ინიციატივითა და ნორვეგიის განვითარების თანამშრომლობის სააგენტოსა (NORAD) და ევროკავშირის ფინანსური მხარდაჭერით, ადგილობრივი მეწარმე ქალების პროდუქციის ყველაზე მასშტაბური გამოფენა-გაყიდვა გაიმართება.
თიბისი ტრადიციას არ არღვევს და წელსაც, მეწარმე ქალების პროდუქციის გამოფენა-გაყიდვის უცვლელი პარტნიორია.
გამოფენაზე საკუთარ პროდუქციას 200-მდე მეწარმე ქალი წარადგენს. სტუმრებს საშუალება ექნებათ, დაათვალიერონ და ადგილზევე შეიძინონ მათ მიერ შექმნილი ნაწარმი — საკვები, ღვინო, და სხვა სასმელები, საჩუქრები, სათამაშოები, აქსესუარები, ხელნაკეთი ნივთები და დეკორი, სილამაზისა და თავის მოვლის საშუალებები. მონაწილეთა შორის იქნებიან ძალადობაგამოვლილი, მაღალმთიან რეგიონებში მცხოვრები და უკრაინიდან ლტოლვილი ქალებიც.
წელს გამოფენაზე კვლავაც გაკეთდება აქცენტი მწვანე პროდუქტებზე, რომლებსაც ქალები ნარჩენების, ეკოლოგიურად სუფთა მასალებისა და ტექნოლოგიების დახმარებით ქმნიან. პარალელურად, მოეწყობა გასართობი და შემეცნებითი კუთხე ბავშვებისთვის, ასევე, საკვები და მუსიკალური სივრცეები.
გამოფენის ფარგლებში გაიმართება პანელური დისკუსიაც, რომლის მიმდინარეობისას საბანკო სფეროს წარმომადგენლები ქალთა ეკონომიკური გაძლიერების პროცესში ფინანსური ჩართულობის მნიშვნელობაზე იმსჯელებენ.
გამოფენას გაეროს ქალთა ორგანიზაციის ევროპისა და ცენტრალური აზიის რეგიონული დირექტორი ბელენ სანზ ლუკე, საქართველოში ევროკავშირის წარმომადგენლობის თანამშრომლობის ხელმძღვანელი ნიკოლას სენდროვიჩი, ნორვეგიის ელჩი საქართველოში ბერგლიოტ ჰოვლანდი, ევროპის რეკონსტრუქციისა და განვითარების ბანკის რეგიონალური დირექტორი კავკასიაში ალკის ვრეინოს დრაკინოსი, აზიის განვითარების ბანკის ინვესტირების უფროსი სპეციალისტი თინა როჰნერი, კერძო სექტორისა და ბიზნესგაერთიანებების წარმომადგენლები დაესწრებიან.
ღონისძიება გაეროს ქალთა ორგანიზაციის ინიციატივითა და ნორვეგიის განვითარების თანამშრომლობის სააგენტოსა (NORAD) და ევროკავშირის მხარდაჭერით, ევროპის რეკონსტრუქციისა და განვითარების ბანკთან (EBRD), აზიის განვითარების ბანკთან (ADB), გერმანიის საერთაშორისო თანამშრომლობის საზოგადოებასთან (GIZ), თიბისისთან, მიკრობანკ „კრისტალთან“, მიკრობანკ „ემბისისთან“, საქართველოს ფერმერთა ასოციაციასთან, ბიზნესისა და ტექნოლოგიების უნივერსიტეტსა და ექსპო ჯორჯიასთან თანამშრომლობით ტარდება.
მეწარმე ქალების პროდუქციის გამოფენა-გაყიდვა იმართება გაეროს ქალთა ორგანიზაციის პროექტის „კარგი მმართველობა გენდერული თანასწორობის ხელშეწყობისთვის საქართველოში“ ქალთა ეკონომიკური გაძლიერების კომპონენტის ფარგლებში, ნორვეგიის მთავრობის დაფინანსებით.
გამოფენის გახსნა: 13 სექტემბერი, 11:30 სთ.
მისამართი: ექსპო ჯორჯია, XI პავილიონი, წერეთლის N118.
უახლესი ინფორმაცია
