საზოგადოება

"სასწაულის მოლოდინის ნაცვლად, ხომ არ სჯობს, რომ ახალი იმპულსის შემოტანა ვცადოთ?.." - გიორგი კაპანაძე

• By admin
• 15-12-2025

"არ იქნება დამაჯერებელი იმის თქმა, რომ ოპოზიციაში ყველაფერი კარგად არის. ოპოზიციაში ყველაფერი კარგად არ არის.

რატომ ვწერ ამას?

თუ ყველამ ერთად გამოსავალი ვერ ვიპოვეთ, შესაძლოა, კიდევ უფრო არასახარბიელო გახდეს არსებული ვითარება.

გვაქვს ორი გზა:

1. ავირჩიოთ დუმილი, არ ვესაუბროთ ერთმანეთს და დაველოდოთ სასწაულს...
2. გავხსნათ დისკუსია: სად ვართ, რა უნდა გავაკეთოთ, ვართ თუ არა, უფრო ძლიერები და ერთიანები, ვიდრე ვიყავით? როგორ მივაღწიოთ გამარჯვებას? რას ვაკეთებთ?..

შესაძლოა, გვქონდეს განსხვავებული პოზიციები სასამართლო რეფორმის, განათლების სისტემის, საგადასახადო პოლიტიკის, ეკონომიკური მოდელის, განვლილი გზის შესახებ, მაგრამ ოპოზიცია, სრულიად ერთიანები ვართ ცვლილებების აუცილებლობის, ევროპული მომავლის, პოლიტიკური პატიმრების გათავისუფლების... კუთხით.

თუმცა, გვაქვს მოცემულობა, რომ ამ ეტაპზე, ისინი ნაბიჯ-ნაბიჯ მიიწევენ ჩრდილოეთისკენ.

შესაბამისად, ამ ეტაპზე, ჩვენი ქვეყანა ნაბიჯ-ნაბიჯ სცილდება დასავლეთს...

ამიტომ, სასწაულის მოლოდინის ნაცვლად, ხომ არ სჯობს, რომ ახალი იმპულსის შემოტანა ვცადოთ?..

რა თქმა უნდა, შესაძლოა, ზოგიერთი ფიქრობდეს, რომ ყველაფერი კარგად მიდის და არ ეთანხმებოდეს გაჟღერებულ პოზიციას. ეს სრულიად ბუნებრივია. თუმცა, კარგი იქნება, თუ შესაბამის არგუმენტებსაც მოისმენს საზოგადოება, თუნდაც დისკუსიის დახმარებით." - წერს ენმ-ის პოლიტსაბჭოს წევრი, იურისტი გიორგი კაპანაძე.