სტატია
- „თეგეტამ“ Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა
- ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს
- სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში
- "ჩვენ აღარ დავუჯერებთ დასავლეთს, რომ მას მოლაპარაკებების გზით გადაწყვეტილებების მიღწევა სურს"
- "უკრაინამ თურქეთთან და აზერბაიჯანთან ნამდვილად დაიწყო თანამშრომლობა თავდაცვის სფეროში"
- „რაც შეეხება Patriot-ს, ჩვენ ვიცით, რომ შეერთებული შტატები უკრაინას იარაღსა და სამხედრო ტექნოლოგიებს აწვდის"
- ლიტერატურული პრემია „საბას“ 2026 წლის ფინალისტები ცნობილია
- Tegeta Fest - „თეგეტა მოტორსი“ წრიული რბოლის ჩემპიონატის ფარგლებში ავტოსპორტის მოყვარულებს უმასპინძლებს
"რუსეთის ომი უკრაინის წინააღმდეგ ჩვენი ყირიმის ოკუპაციით დაიწყო და სამყარომ ამაზე, ფაქტობრივად, თვალი დახუჭა"
"როდესაც მშვიდობის მიღწევის მიზნით ვამბობთ, რომ აგრესორმა არ უნდა მიიღოს არანაირი ჯილდო ომისთვის, ყველას უნდა ესმოდეს: ეს არ არის მხოლოდ სიტყვები. 12 წლის წინ სამყაროს, სამწუხაროდ, ამის შემოწმების შესაძლებლობა უკვე ჰქონდა. რუსეთის ომი უკრაინის წინააღმდეგ ჩვენი ყირიმის ოკუპაციით დაიწყო და სამყარომ ამაზე, ფაქტობრივად, თვალი დახუჭა. მაშინდელი ლიდერები არ დაინტერესებულან ყირიმში გამართული მიტინგებითა და წინააღმდეგობით და, ზოგადად, უკრაინის გრძნობებით. სამყარო უკრაინას დუმილს ურჩევდა. სწორედ ამიტომ დაიჯერა პუტინმა, რომ მას შეეძლო გაცილებით დიდი ომის და დასავლეთთან უფრო მკაცრი დაპირისპირების გამართვა.
ახლა ყოველწლიურად, 26 თებერვალს, ყირიმის ოკუპაციისადმი წინააღმდეგობის დღეს, ვიხსენებთ ამ გლობალურ გაკვეთილს და პატივს მივაგებთ მათ, ვინც არ დუმდა და არ დაიხია უკან რუსული აგრესიის წინაშე. დაჟინებით ვამბობთ, რომ აგრესორის პასუხისმგებლობა ომისთვის არის უსაფრთხოების ერთ-ერთი გარანტია და ხანგრძლივი მშვიდობის ერთ-ერთი უძლიერესი წინაპირობა.
მადლობას ვუხდი ყველას მსოფლიოში, ვინც ამაში მხარს გვიჭერს, მონაწილეობს ჩვენი „ყირიმის პლატფორმის“ მუშაობასა და სხვა საერთაშორისო ფორმატებში, რომლებიც მსოფლიოს ყირიმსა და რუსეთის მიერ მისი ოკუპაციის მნიშვნელობას ახსენებენ. მადლობა თითოეულს, ვინც ეხმარება უკრაინას ყირიმში რუსული რეპრესიებისთვის წინააღმდეგობის გაწევაში, გვეხმარება ადამიანების ტყვეობიდან დაბრუნებაში და არ აძლევს საოკუპაციო რეჟიმს განმტკიცების საშუალებას. რუსეთის ყოფნა ჩვენს ნახევარკუნძულზე მხოლოდ ომს ემსახურება და არაფერ სხვას. მშვიდობა უნდა იყოს, რაც ნიშნავს, რომ ყირიმი უკრაინაა და სამყარომ ეს ფაქტი უცვლელად უნდა აღიაროს" - წერს უკრაინის პრეზიდენტი, ვოლოდმირ ზელენსკი სოციალურ ქსელში.
უახლესი ინფორმაცია
