სტატია
- „თეგეტა“ და „გალფი“ ერთიან საავტომობილო ეკოსისტემას ქმნიან - კომპანიებმა თანამშრომლობის მემორანდუმი გააფორმეს
- მობაილბანკის სექტემბრის განახლებები - კიდევ უფრო მარტივი, მოქნილი და შენზე მორგებული
- თიბისიმ The Digital Banker Global Mass Affluent Wealth Awards 2026-ზე ექვსი პრესტიჟული ჯილდო მოიპოვა
- თიბისის მხარდაჭერით საქართველოს სკოლებში AI-ის სწავლება იწყება
- საქართველოს ბანკის მხარდაჭერით, საზღვაო და ლოგისტიკის სექტორის წარმომადგენელი ქალებისთვის ლიდერობის პროგრამა გაიმართა
- „თეგეტა ჰოლდინგმა“ და GAIA-მ საქართველოში AI წიგნიერების პირველი ეროვნული სასკოლო პროგრამა დაიწყეს
- თიბისის მხარდაჭერით ემიგრანტებისთვის ვარშავაში „თბილისობა“ გაიმართა
- თიბისის მხარდაჭერით საქართველოში პირველი საერთაშორისო AI კონფერენცია Crossroad AI გაიმართა
მზის ენერგია გონივრული მომავლისთვის — შპს ჯგუფი 2805, რომელიც თიბისი ბიზნესის მხარდაჭერით განვითარდა
დღეს, როცა მსოფლიო აქტიურად ეძებს გარემოსდაცვითად უსაფრთხო და ეკონომიურად გამართულ ენერგეტიკულ გადაწყვეტილებებს, მზის პანელები არა მხოლოდ ალტერნატიულ რესურსს წარმოადგენს, არამედ გარდაუვალი აუცილებლობაც კია.
ასე ვთქვათ, მზის ენერგია აღარ განიხილება, როგორც „შორეული მომავლის“ კონცეფცია; ის უკვე ჩვენი დღევანდელი რეალობაა. სწორედ ამ მიზნის გარშემო გაერთიანდა დარგის ხუთი სპეციალისტი და საფუძველი ჩაეყარა კომპანიას — შპს ჯგუფი 2805, რომელიც პირდაპირ მზის ელექტროსადგურისთვის შექმნილ SPV ერთეულს წარმოადგენს.
შპს ჯგუფი 2805-ის დაარსების მთავარი მოტივაცია იყო თანამედროვე, ტექნოლოგიურად გამართული და მდგრადი ენერგეტიკული ინფრასტრუქტურის შექმნა. კომპანიამ მიზნად დაისახა იმგვარი სადგურის განვითარება, რომელიც მაღალი ხარისხის კომპონენტებზე, გამართულ საინჟინრო გადაწყვეტილებებსა და, რაც მთავარია, ეთიკურ მიდგომაზე იქნებოდა დაფუძნებული. ხუთივე მეწილე პროფესიონალია საკუთარი სფეროში, რაც საფუძველს ქმნის ტექნიკურად გამართული, ხარისხზე ორიენტირებული პროცესისთვის.
„ჩვენს მზის სადგურს გამოარჩევს უნიკალური ადგილმდებარეობა, მარტივად მისასვლელი გზა, სიახლოვე ელექტრო ქსელთან. ასევე, ძლიერი ტექნიკური გადაწყვეტილებები, ვინაიდან ხუთივე მეპატრონე დარგის სპეციალისტი ვართ; უმაღლესი ხარისხის მონტაჟი, საუკეთესო მოწყობილობები. როგორც პანელები, აგრეთვე ინვერტორები, მსოფლიო ტოპ ბრენდებია. ამასთანავე აღსანიშნავია, რომ ჩვენს სადგურს ჩაუტარდა ტესტირება ექსპლუატაციაში გაშვებამდე“, — აღნიშნავს ილია რაზმაძე, შპს ჯგუფი 2805-ის თანადამფუძნებელი.
რა თქმა უნდა, დაარსების დღიდან ბევრმა გამოწვევამ იჩინა თავი. თუმცა შპს ჯგუფი 2805 არ შეჩერდა და ყოველი ნაბიჯი სტრატეგიულად გადადგა — მათ შორის მიწის შერჩევა: სპეციალურად შეიძინეს ტერიტორია, რომელიც ქვიანია, სახნავ-სათესად უვარგისი და ამჟამადაც გამოიყენება ცხვრის საძოვრად. ეს ეკოლოგიურად გონივრული მიდგომაა.
მსგავსი პროექტის განვითარებისთვის, ერთ-ერთი ყველაზე კრიტიკული ასპექტი ფინანსური რესურსია, რაშიც შპს ჯგუფ 2805-ს მხარდაჭერა თიბისიმ გაუწია.
რაც შეეხება სამომავლო გეგმებს —შპს ჯგუფი 2805 მზადაა, თავისი ცოდნა და გამოცდილება კიდევ უფრო მეტად განავითაროს.
უახლესი ინფორმაცია
