მსოფლიო

"ლუკაშენკომ თქვა, რომ უკრაინისა და ბელარუსის პრეზიდენტებისთვის უკვე შეხვედრის დროაო... თქვა ლუკაშენკომ, მაგრამ ჩამოვიდა სვეტლანა ტიხანოვსკაია"

• By admin
• 27-05-2026

"დღეს ქალაქებისა და რეგიონების სამიტზე იმყოფებიან წარმომადგენლები პოლონეთიდან, საფრანგეთიდან, ავსტრიიდან, რუმინეთიდან, ნორვეგიიდან, გერმანიიდან, პორტუგალიიდან, იტალიიდან, ბალტიისპირეთის ქვეყნებიდან - ლატვიიდან, ესტონეთიდან და ლიეტუვიდან, ასევე უნგრეთიდან - დღეს აქ არის დედაქალაქის, ბუდაპეშტის მერი და იმედი მაქვს, რომ ჩვენ დავარეგულირებთ ურთიერთობებს უნგრეთთან, ეს ყველასთვის მნიშვნელოვანია როგორც ჩვენს რეგიონში, ისე ზოგადად ევროპაში. აქ ჩვენთან ერთად ახლა ასევე არიან შვედეთის, ჩეხეთის, სლოვაკეთის წარმომადგენლები.

პირველად ჩვენს ასეთ ფორმატში მონაწილეობენ ბელარუსის წარმომადგენლები. სულ ახლახან ლუკაშენკომ თქვა, რომ უკრაინისა და ბელარუსის პრეზიდენტებისთვის უკვე შეხვედრის დროაო. საინტერესოდ გამოვიდა: თქვა ლუკაშენკომ, მაგრამ ჩამოვიდა სვეტლანა ტიხანოვსკაია. ასევე, აქ არიან ბელგიის, ბრიტანეთის, ფინეთის, ნიდერლანდების, ამერიკის შეერთებული შტატების, სლოვენიის, მოლდოვის, ჩრდილოეთ მაკედონიისა და შვეიცარიის წარმომადგენლები.

თქვენს უმრავლესობას სრულიად მკაფიოდ ესმის და გრძნობს, თუ რას ნიშნავს გამოთქმა „ჩვენი და თქვენი თავისუფლებისთვის“. სწორედ ასე ვიცავთ თავს ახლა უკრაინაში, სწორედ ასე იქნა დაცული მრავალი სხვა ქვეყნის თავისუფლება და დამოუკიდებლობა ჩვენს ევროპაში, სწორედ ასე ცხოვრობს მთელი თავისუფალი სამყარო - სხვების მზადყოფნის წყალობით, დაეხმარონ იმ ერთის დაცვაში, ვის წინააღმდეგაც უსამართლო დარტყმები და დამპყრობლური ომებია მიმართული.“ - განაცხადა უკრაინის პრეზიდენტმა, ვოლოდიმირ ზელენსკიმ სიტყვით გამოსვლისას.