სტატია
- "ერთად ავაშენებთ ქვეყანას, სადაც: ...განათლება წარმატებული მომავლის გარანტიაა; მოხუცებს აქვთ მშვიდი სიბერე, ოჯახებს კი, კეთილდღეობა..."
- „გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა
- რუსული მედიის ცნობით, ამ წუთებში უკრაინელები მოსკოვს დრონებით უტევენ
- "რუსული მხრიდან ფრონტზე ცეცხლის შეწყვეტის იმიტაციური მცდელობაც კი არ ყოფილა"
- "ირანი არ არის ნორმალური ქვეყანა. ირანს სათავეში გიჟები უდგანან და შანსი რომ ჰქონოდათ, ბირთვულ იარაღს უყოყმანოდ გამოიყენებდნენ"
- პირველი, სრულად ევროპული სტანდარტის ნუშის ბაღი საქართველოში - თიბისის მხარდაჭერით, კახეთში აგროპროექტი ვითარდება
- თიბისის მხარდაჭერით, საქართველოს ნაკრები, ევროპის გოგოების ინფორმატიკის ოლიმპიადაზე იასპარეზებს
- სიახლე ქართულ სადაზღვევო ბაზარზე — ფრილანსერების დაზღვევა „სადაზღვევო კომპანია ვაიზერისგან“
"რუსეთს არ აქვს რეალური განზრახვა, დაასრულოს ეს ომი"
"დღეს, ფაქტობრივად მთელი დღე-ღამის განმავლობაში, რუსეთი უკრაინას შაჰიდებით უტევს. ღამით განხორციელდა მასიური დარტყმა როგორც რაკეტებით, ისე შაჰიდებით. მთელი დღის განმავლობაში დრონების ახალი ტალღებია. 550-ზე მეტი სხვადასხვა ტიპის დრონი მხოლოდ დღის განმავლობაში, მათი მნიშვნელოვანი ნაწილი - სწორედ შაჰიდები. ამ დარტყმის გეოგრაფია ძალიან ფართოა. და, მიუხედავად იმისა, რომ დრონების უმეტესობის ჩამოგდება მოხერხდა - დადასტურებულად ჩამოგდებულია 500-ზე მეტი - სამწუხაროდ, მაინც არის აფეთქებები: ლვივში, ფრანკივსკში, ტერნოპილში, ვინიციაში, ჟიტომირში, ასევე ხმელნიცკის, რივნეს, ხარკივისა და დნიპროს ოლქებში. სამწუხაროდ, არიან დაღუპულები. ვუსამძიმრებ მათ ოჯახებსა და ახლობლებს. ამ დროისთვის ცნობილია 40-ზე მეტი დაშავებულის შესახებ, მათ შორისაა ხუთი ბავშვი. ყველას უტარდება საჭირო დახმარება.
რუსების სამიზნეებს შორის ენერგეტიკაა - ეს მთავარია, ისინი აგრძელებენ თავიანთ ოპერაციას, რათა გატეხონ უკრაინა და ჩვენი ენერგოსისტემა. სამწუხაროდ, არის აფეთქებები ჩვეულებრივ საცხოვრებელ სახლებშიც - თავდასხმის ობიექტები გახდა ჩვენი ქალაქების ცენტრები, ლვივის ისტორიული ცენტრი. გაჩნდა ხანძარი ლვივში მდებარე წმინდა ანდრიას ეკლესიის შენობებში. ამ ეკლესიის ისტორია ჯერ კიდევ XVII საუკუნის დასაწყისიდან იღებს სათავეს. ირანული შაჰიდები, რომლებიც რუსეთის მიერ არის მოდერნიზებული, ლვივის ეკლესიას ურტყამენ - ეს აბსოლუტური სიმახინჯეა და მსგავსი რამ მხოლოდ პუტინისნაირებს შეიძლება მოსწონდეთ. ფრანკივსკში დაზიანდა სამშობიარო სახლი.
ამ თავდასხმის მასშტაბი ძალიან მკაფიოდ მოწმობს იმაზე, რომ რუსეთს არ აქვს რეალური განზრახვა, დაასრულოს ეს ომი. და თუ გავითვალისწინებთ იმასაც, რომ რუსეთი ეხმარება ირანის რეჟიმს მთელ რეგიონში დარტყმების მიყენებაში, დასკვნა სრულიად აშკარაა: რუსეთზე დამატებითი და ძლიერი ზეწოლის გარეშე, მოსკოვში მათი ხელშესახები დანაკარგების გარეშე, მათ არ გაუჩნდებათ სურვილი, უარი თქვან ომზე და როგორმე კვლავ შეეგუონ მშვიდობას" - აცხადებს უკრაინის პრეზიდენტი ვოლოდიმირ ზელენსკი ყოველდღიურ ვიდეომიმართვაში.
უახლესი ინფორმაცია
