საზოგადოება

"იმის გამო, რომ ეს ქმედება არც ძალადობაა და არც ძალადობის მუქარა, ხულიგნობა არ არის - არც სისხლის სამართლის დანაშაული“ - გიორგი კაპანაძე

• By admin
• 24-10-2025

„სისხლის სამართლის კოდექსი:

"მუხლი 239. ხულიგნობა

1. ხულიგნობა, ესე იგი ქმედება, რომელიც უხეშად არღვევს საზოგადოებრივ წესრიგს და გამოხატავს საზოგადოებისადმი აშკარა უპატივცემულობას, ჩადენილი ძალადობით ან ძალადობის მუქარით,..."

იმისათვის, რომ ხულიგნობის შემადგენლობა განხორციელდეს, ქმედება არა მხოლოდ უხეშად უნდა არღვევდეს საზოგადოებრივ წესრიგს და გამოხატავდეს აშკარა უპატივცემულობას საზოგადოებისადმი, არამედ, იგი, ჩადენილი უნდა იყოს ძალადობით ან ძალადობის მუქარით. 

ე.ი. თუ ამ კომპონენტებიდან: 1. საზოგადოებრივი წესრიგის უხეშად დარღვევა და საზოგადოებისადმი აშკარა უპატივცემულობა. 2. ძალადობა (ან ძალადობის მუქარა) ქმედება რომელიმეს არ შეიცავს, იგი ხულიგნობად ვერ დაკვალიფიცირდება.

ახლა, კითხვა: სად არის აქ ძალადობა? ვისზე ძალადობს ამ კადრში ახალგაზრდა ქალი? მოძრავ ნივთზე? უსულო საგანზე?

შესაბამისად, იმის გამო, რომ ეს ქმედება არც ძალადობაა და არც ძალადობის მუქარა, ხულიგნობა არ არის - არც სისხლის სამართლის დანაშაული“ - წერს ენმ-ის პოლიტსაბჭოს წევრი, იურისტი გიორგი კაპანაძე სოციალურ ქსელში.