1 7 : 3 9
სარეკლამო ადგილი - 21
620 x 80
 | 

მსოფლიო

Volvo-მ თებერვალში 50,315 ავტომობილი გაყიდა

50,315 გაყიდული ავტომობილი მსოფლიოს მასშტაბით ერთ თვეში - ასეთია თებერვლის მონაცემები, რომლებსაც  Volvo cars ავრცელებს. კომპანიის ისტორიაში პირველად, გაყიდულ ავტომობილებს შორის ყველაზე მაღალი ელექტრიფიცირებული მოდელების წილი აღმოჩნდა. საუბარია როგორც სრულად ელექტრულ, ისე ჯამურად ელექტრულ და plug-in ჰიბრიდულ ავტომანქანებზე. კომპანიაში ამ ისტორიულ შედეგს ახალი, EX30 (SUV-ის) გაზრდილი გაყიდვებით ხსნიან.

სრულად ელექტრული ავტომანქანების წილმა თებერვალში მთელი მსოფლიოს მასშტაბით  გაყიდული მანქანების 22% შეადგინა, ხოლო სრულად ელექტრული ავტომანქანებისა და plug-in ჰიბრიდების ჯამური გაყიდვები 44%-ს გაუტოლდა.

ევროპის ქვეყნებში გაყიდვების მაჩვენებელი, გასული წლის თებერვალთან შედარებით, 26%-ით გაიზარდა და, ჯამში, 26,773 ავტომობილი შეადგინა. სრულად ელექტრული ან ძალური გადაცემის მქონე plug-in ჰიბრიდული ავტომანქანების გაყიდვები - 18%-ით, ხოლო სრულად ელექტრული ავტომანქანების გაყიდვები, გასული წლის თებერვალთან შედარებით, 31%-ით გაიზარდა.

ჩინეთში 7,911 ავტომობილი გაიყიდა, რაც 39%-ით ნაკლებია 2023 წლის თებერვლის მაჩვენებელთან  შედარებით. გაყიდვების შემცირებას  მთვარის ახალი წლის დღესასწაულს უკავშირებენ,  რომელიც ქვეყანამ სწორედ თებერვალში აღნიშნა.

რაც შეეხება ამერიკის შეერთებულ შტატებს, აქ 2024 წლის თებერვალში, ჯამში, 7,920 ავტომანქანა გაიყიდა, რაც გასული წლის მაჩვენებლებთან შედარებით 7%-ით ნაკლებია. 2023 წლის თებერვალთან შედარებით, სრულად ელექტრული ან ძალური გადაცემის მქონე plug-in ჰიბრიდული ავტომანქანების გაყიდვები 6%-ით გაიზარდა და  ამერიკის შეერთებულ შტატებში გაყიდული ავტომანქანების 32% შეადგინა.

2023 წლის დეკემბერში Volvo Cars-მა სრულად ელექტრული ავტომანქანების ოჯახის ახალი წევრი -  EX30 წარადგინა. 2024 წლის პირველ ორ თვეში ჯამური გაყიდვების რიცხვი 5,863 ერთეული იყო. აღნიშნული ავტომანქანების მომხმარებლებისთვის მიწოდება ევროპაში, იაპონიასა და ბრაზილიაში დაიწყო, რასაც მომდევნო რამდენიმე კვირის განმავლობაში სხვა ბაზრებიც შეუერთდება.

მსოფლიო მასშტაბით, თებერვალში Volvo XC60 ისევ ყველაზე გაყიდვად მოდელად დარჩა. გაყიდვების რაოდენობამ 16,026 ავტომანქანა შეადგინა. მას XC40 მოჰყვება, 13,193 ავტომანქანის  გაყიდვებით. მესამე ადგილს კი მოდელი XC90 იკავებს, 7,299 გაყიდული ავტომანქანით.

2023 წლის განმავლობაში Volvo Car Group-ის ძირითადმა საოპერაციო მოგებამ რეკორდულ მაჩვენებელს - 25,6 მილიარდ შვედურ კრონას მიაღწია. კომპანიის შემოსავალი გასულ წელს რეკორდული - 399,3 მილიარდი შვედური კრონა იყო, ხოლო გლობალური გაყიდვების რიცხვი ასევე რეკორდული - 708,716 ავტომანქანა.

Volvo Car Group-ის შესახებ: კომპანია Volvo Cars  1927 წელს დაარსდა. დღეს ის მსოფლიოში ერთ-ერთი ყველაზე ცნობილი საავტომობილო ბრენდია, რომლის მიერ წარმოებული ავტომანქანები 100-ზე მეტ ქვეყანაში იყიდება. Volvo Cars-ის აქციები Nasdaq Stockholm-ის საფონდო ბირჟაზეა განთავსებული, სადაც ისინი  "VOLCAR B"-ს სიმბოლოთი ივაჭრება.

„აუცილებელია ცხოვრებისთვის. მიანიჭეთ ადამიანებს თავისუფლება, გადაადგილდნენ დამოუკიდებლად, სტაბილურად და უსაფრთხოდ“ - ამ მიზანს ეფუძნება Volvo Cars-ის სტრატეგია - გახდეს სრულად ელექტრული ავტომობილების მწარმოებელი 2030 წლისთვის და მისი ვალდებულებაა, მუდმივად შეამციროს ნახშირბადის გამონაბოლქვი და უკვე 2040 წლისთვის კლიმატის მიმართ უვნებელ კომპანიად მოგვევლინოს.

2023 წლის დეკემბრის მონაცემებით, Volvo Cars-ში სრულ განაკვეთზე დასაქმებული იყო დაახლოებით 43,400 თანამშრომელი. Volvo Cars-ის სათავო ოფისი, პროდუქციის შემუშავების, ასევე მარკეტინგისა და ადმინისტრაციული დეპარტამენტები ძირითადად განლაგებულია შვედეთში, ქალაქ გეტებორგში. Volvo Cars-ის საწარმოო ობიექტები კი - გეტებორგში, გენტში (ბელგია), სამხრეთ კაროლინაში (აშშ), ჩენგდუში, დაქინგსა და ტაიჩჟოუში (ჩინეთი). კომპანიას ასევე აქვს კვლევისა და განვითარების, საპროექტო ცენტრები გეტებორგსა და შანხაიში (ჩინეთი).

კომენტარები

მსგავსი სიახლეები

  • 12:53

    ვინ იყო თომას კრუქსი–ახალგაზრდა მამაკაცი, რომელმაც...

    FBI-მ გამოაცხადა, რომ მამაკაცი, ვინც დონალდ ტრამპს ესროლა ბატლერში, პენსილვანიის შტატში, 20 წლის თომას მეთიუ კრუქსი იყო. ის მშობლებთან ერთად წყნარ გარეუბანში ცხოვრობდა და რესპუბლიკური პარტიის რეგისტრი...

  • 12:51

    “უნდა დავწიოთ ტემპერატურა ჩვენს პოლიტიკაში”- ბაიდე...

    ჯო ბაიდენმა ამერიკელ ხალხს მიმართა ყოფილი პრეზიდენტის, და რესპუბლიკური პარტიის პრეზიდენტობის კანდიდატის დონალდ ტრამპის მკვლელობის მცდელობასთან დაკავშირებით. პრეზიდენტმა ოვალურ კაბინეტში ჩაწერილ განცხა...

  • 11:06

    რუსებმა ხერსონი დაბომბეს - დაზიანდა მინიმუმ 15 სა...

    რუსებმა ხერსონი დაბომბეს, დაიღუპა ორი ადამიანი, - ამის შესახებ ინფორმაციას ხერსონის რეგიონული სამხედრო ადმინისტრაციის ხელმძღვანელი, ალექსანდრე პროკუდინი ავრცელებს.­ ხერსონის რეგიონული სამხედრ...

  • 14:56

    ,,არ იქნება დენი, საკვები, საწვავი" - ისრაელი ღაზი...

    ისრაელის თავდაცვის მინისტრის, იოავ გალანტის განცხადებით, ღაზის სექტორის სრული ბლოკადის განკარგულება გასცა. „ღაზის სექტორის სრული ბლოკადის განკარგულება გავეცი. არ იქნება ელექტროენერგია, საკვები, ...

  • 13:15

    რამზან კადიროვმა 24 წლის ქალიშვილი ჩეჩნეთის ვიცე-პ...

    ჩეჩნეთის ლიდერის, რამზან კადიროვის 24 წლის ქალიშვილი აიშატ კადიროვა ჩეჩნეთის რესპუბლიკის ვიცე-პრემიერი გახდა. ინიციატივა ჩეჩნეთის პარლამენტის თავმჯდომარეს ეკუთვნის, რომელმაც წინადადება გაფართოებუ...

  • 22:28

    27 წლის ქართველი გოგო გერმანიაში ჯგუფურად გააუპატი...

    გერმანიაში ქართველი ქალის ჯგუფური გაუპატიურების საქმე სასამართლოში გადაიგზავნა - გერმანელმა პროკურორებმა შემზარავი დანაშაულის ახალი გარემოებები დაადგინეს. 27 წლის ქართველი გოგო ჯგუფურად მეუღლის თვალწი...

  • 17:57

    ევროკავშირმა რუსეთის წინააღმდეგ დაწესებული სანქციე...

    ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა. განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის ...