სტატია
- Beyond Taste - Lamborghini Tbilisi-ს ექსკლუზიური ვახშამი სერვისცენტრში
- "ჩემი კურსი რომ გაგრძელებულიყო დღეს ჩვენ სინგაპურზე უკეთესი რეპუტაცია გვექნებოდა.“ - მიხეილ სააკაშვილი
- „საფრანგეთი მხარს უჭერს აშშ-თან სავაჭრო შეთანხმების შეჩერებას, როგორც ეს ევროპარლამენტს სურს"
- „დღევანდელი საღამოს მდგომარეობით, მხოლოდ კიევში ერთ მილიონზე მეტი მომხმარებელი ელექტროენერგიის გარეშეა"
- მოლდოვის საგარეო საქმეთა მინისტრმა, მიჰაი პოპშოიმ განაცხადა, რომ მოლდოვამ დსთ-დან გამოსვლის პროცესი დაიწყო
- "ევროკავშირი კვლავ მზადაა გააგრძელოს მჭიდრო თანამშრომლობა შეერთებულ შტატებთან, ნატო-სთან და სხვა მოკავშირეებთან"
- „მეგობარო, სირიის შესახებ ერთ აზრზე ვართ. ირანთან დაკავშირებით დიდი საქმეების გაკეთება შეგვიძლია. არ მესმის, რას აკეთებ გრენლანდიასთან დაკავშირებით“
- ცნობილი ხდება, რომ ე.წ. შეწყალების აქტი უახლოეს საათებში გამოქვეყნდება
საქართველოს ხელოვნური ინტელექტის ასოციაციამ თიბისის მხარდაჭერით AI კვლევითი კლუბი შექმნა
თიბისის მხარდაჭერით, საქართველოს ხელოვნური ინტელექტის ასოციაციამ, სტუდენტური AI კვლევითი პროგრამის განხორციელება დაიწყო. კლუბის მიზანია, მონაწილეებმა შეძლონ ხელოვნური ინტელექტის მიმართულებით კვლევის უნარების განვითარება და ტექნიკური კომპეტენციის გაძლიერება.
სტუდენტური AI კვლევითი კლუბი უნიკალური შესაძლებლობაა ბაკალავრიატის და მაგისტრატურის სტუდენტებისთვის, ასევე კურსდამთავრებულებისთვის, ჩაერთონ რეალურ კვლევით პროექტებში, გამოაქვეყნონ სამეცნიერო ნაშრომები და მოემზადონ საერთაშორისო კონფერენციებისა და წამყვანი სამაგისტრო და სადოქტორო პროგრამებისთვის.
კლუბის ფარგლებში, გუნდები იმუშავებენ კვლევის ხელმძღვანელებთან ერთად, სიღრმისეულად შეისწავლიან საკვლევ თემას, მასთან დაკავშირებულ ტექნოლოგიებს და მოამზადებენ სამეცნიერო ნაშრომს. საუკეთესო ნაშრომის ავტორები კი, ტექნოლოგიების მიმართულებით საერთაშორისო კონფერენციაზე/ექსპოზე გაემგზავრებიან.
„სტუდენტური კლუბის მიზანი საქართველოში კვლევით დაინტერესებული ახალი თაობის პროფესიონალების ხელშეწყობა და ქვეყანაში AI კვლევის კულტურის ჩამოყალიბებაა. რეგიონში და მსოფლიოში კონკურენციისთვის საქართველოშიც უნდა არსებობდეს AI კვლევები, რისთვისაც ტალანტების განვითარება ყველაზე მთავარი გამოწვევაა. GAIA, თიბისის მხარდაჭერით და აკადემიურ სექტორთან თანამშრომლობით, სწორედ ამ მიზანს ისახავს.” - გიგი გიორგაძე, საქართველოს ხელოვნური ინტელექტის ასოციაციის დირექტორი.
კლუბის მენტორები წამყვანი ქართველი AI მკვლევარები იქნებიან სხვადასხვა საერთაშორისო უნივერსიტეტებიდან და კომპანიებიდან.
AI კლუბის შეხვედრები ჰიბრიდულ რეჟიმში წარიმართება. კლუბში მისაღებად რეგისტრაცია 2 ნოემბრამდე გაგრძელდება. დეტალური ინფორმაციისთვის და კლუბის წევრობისთვის გადადით ბმულზე.
ხელოვნური ინტელექტის კვლევა ის მიმართულებაა, რომელიც მომავალს ქმნის - ცოდნის, ინოვაციისა და პროგრესის გზით. თიბისისთვის განსაკუთრებით მნიშვნელოვანია ისეთი ინიციატივების მხარდაჭერა, რომლებიც ახალ თაობას აძლევს შესაძლებლობას განვითარდნენ, იკვლიონ და შექმნან რეალური ცვლილება ტექნოლოგიების სამყაროში.
უახლესი ინფორმაცია
