საზოგადოება

"როგორც კი შორს ხარ რუსეთისგან, ომი მასთან ერთად ქრება"

• By admin
• 06-04-2026

"ყოველთვის საკუთარი თავის გჯეროდეთ, თქვენ აბსოლუტურად სხვანაირები ხართ. ქართველი ერი სხვანაირია, ჩვენსავით თავისუფალი. არასდროს დაუჯეროთ რუსეთს, ის ყოველთვის მოგატყუებთ, ყოველთვის შეეცდება, მიიღოს ყველაფერი და სანაცვლოდ არაფერი მოგცეთ. ის ყველას ყოველთვის მეორეხარისხოვნად თვლის, რეალურად თავად არიან ასეთები - მეორეხარისხოვნები, მოუვლელები, ცუდები, არაპრეზენტაბელურები. მათთან საინტერესო არ არის, ამიტომ არ დაუჯეროთ რუსეთს. ის ყოველთვის მოგატყუებთ, როგორც კი შორს ხარ რუსეთისგან, ომი მასთან ერთად ქრება, როგორც კი სხვა ალიანსში, სხვა კავშირში ხარ ევროკავშირში ან სხვა გაერთიანებაში, როგორც კი ნორმალური ურთიერთობა გაქვს მეზობლებთან და რუსეთი სადღაც ჰორიზონტზეა, ლექსიკონიდან ქრება სიტყვა ომი.

ახლო აღმოსავლეთშიც რუსეთია. ყველა ომში ასე თუ ისე რუსეთის კვალია, რუსეთია ამით დაინტერესებული. არასოდეს დაივიწყოთ საკუთარი ისტორია, ეს ძალიან ცუდია, არასოდეს დაივიწყოთ, რომ არსებობენ ადამიანები, რომლებმაც ბევრი სასიკეთო გააკეთეს საქართველოსთვის, მათზე შეიძლება სხვადასხვა შეხედულება გქონდეთ, მაგრამ ისტორიული მნიშვნელობის გათვალისწინებით ისინი გამორჩეულები არიან. სხვათა შორის, პრეზიდენტზე ვლაპარაკობ, რომელიც ციხეში ზის, ბატონ სააკაშვილზე. ნუ დაივიწყებთ. ამ ქვეყნისთვის მან გააკეთა თავისუფლების კარკასი" - უკრაინის პრეზიდენტის ოფისის მრჩეველი მიხაილო პოდოლიაკი ფორმულასთან ინტერვიუში.