სტატია
- თიბისი IT აკადემია - სწორი ადგილი განათლებისთვის, ცოდნიდან კარიერულ შესაძლებლობამდე
- გადაიხადეთ თიბისი ბარათებით და დაიბრუნეთ 50% ქეშბექი ქუთაისის მუნიციპალურ ტრანსპორტში
- 500,000-მდე მონაწილე და 250,000-ლარიანი საპრიზო ფონდი - თიბისის მობაილბანკში საგანძურის მარათონი დასრულდა
- PSP-მ ახალი კონცეფციის მესამე ინოვაციური აფთიაქი გახსნა
- 2026 წელს უკრაინის სახმელეთო რობოტებმა 112 000 ლოგისტიკური და საევაკუაციო მისია შეასრულეს
- თიბისი ტექსკოლა - სწორი ადგილი განათლებისთვის, სადაც ტექნოლოგიური მომავალი დღეს იწყება
- თიბისის მხარდაჭერით ემიგრანტებისთვის ნიუ-იორკში ფესტივალი ZEIMI გაიმართა
- თიბისი ტექი Tester’s Day 2026-ის მთავარი მხარდამჭერია
"90-მილიარდიანი პაკეტის ფარგლებში პირველ ტრანშს უკრაინის დასაცავად შიდა წარმოებისთვის მივმართავთ"
"ევროპული მხარდაჭერის დამტკიცებული 90-მილიარდიანი პაკეტის ფარგლებში პირველ ტრანშს უკრაინის დასაცავად შიდა წარმოებისთვის მივმართავთ. ეს არის დრონებისა და მთლიანად სამხედრო ტექნოლოგიების მიმართულება.
მეორე ენერგეტიკაა. მომავალ ზამთრამდე მაქსიმალურად უნდა დავიცვათ ყველაფერი, რასაც შევძლებთ. ამისთვის, ადგილობრივი ბიუჯეტების გარდა, გათვალისწინებულია თანხის ნაწილი, რომლის გამოყოფასაც ცენტრალური ბიუჯეტიდან შევძლებთ. დაფინანსება 90-მილიარდიანი პაკეტის ტრანშებიდანაც მოხდება. ჩვენ ვგეგმავთ აქედან რამდენიმე მილიარდის გამოყოფას კონკრეტულად ენერგეტიკის დასაცავად. ეს საკითხი კვიპროსზე ევროპელ ლიდერებთან შეხვედრებზე განვიხილეთ.
შეხვედრები გვქონდა ახლო აღმოსავლეთშიც და მივაღწიეთ სხვადასხვა შეთანხმებას, მათ შორის ენერგეტიკის სფეროში. ამჟამად უკრაინა ბევრ სხვა ქვეყანაზე რამდენჯერმე მეტ დიზელს მოიხმარს. ერთ-ერთი მიზეზი ომია, თუმცა ჩვენს არმიას დიზელის დეფიციტი არ აქვს. დიზელი არის ეკონომიკის ფუნქციონირებისთვისაც და სამოქალაქო ტრანსპორტისთვისაც.
უკრაინისთვის საჭირო დიზელის ეს მოცულობა უბრალოდ არსაიდან არ ჩნდება, ჩვენ გვაქვს შეთანხმებები ახლო აღმოსავლეთთან. ასევე, გავხსენით კავკასიის მიმართულება, მათ შორის იმისთვის, რომ სამოქალაქო პირებისთვის დიზელის მიწოდება უზრუნველვყოთ. ანუ გვყავს რამდენიმე ქვეყანა, რომელიც გვეხმარება და ჩვენი ხალხისთვის მიწოდების სტაბილურობის გარანტიას იძლევა. ჩვენ თითოეული ამ ქვეყნის მადლიერი ვართ და სწორედ ასე ვაშენებთ თანამშრომლობას, რათა არსებობდეს ორმხრივი მიღწევები და უკრაინის გაძლიერება" - უკრაინის პრეზიდენტი ვოლოდიმირ ზელენსკი სოციალურ ქსელში.
უახლესი ინფორმაცია
