სალომე ზურაბიშვილმა ორბელიანების სასახლე დატოვა...
“მინდა, პირველ რიგში, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმ...
რა არის SWIFT-ი, საიდანაც შესაძლოა, რუსეთი გააგდონ და აქვს თუ არა ალტერნატივა რუსეთს?
SWIFT – აბრევიატურა ასე იშიფრება: მსოფლიო ბანკთაშორისი ფინანსური ტელეკომუნიკაციების საზოგადოება. ორგანიზაცია 1973 წელს დაარსდა და, დღესდღეობით, 11 000-ზე მეტი ფინანსური ინსტიტუტის მიერ გამოიყენება იმისთვის, რომ უსაფრთხო შეტყობინებები და საგადახდო დავალებები გაგზავნოს. SWIFT-ი დღეს მსოფლიოში ბანკთაშორისი გადახდების უმთავრესი პროვაიდერია.
2021 წლის განმავლობაში SWIFT-ი დღეში საშუალოდ 42 მილიონ ტრანზაქციას ემსახურებოდა, ამ ფინანსური ნაკადის 1.2 რუსეთის ფედერაციიდან მომდინარეობდა.
თუკი რუსეთი SWIFT-იდან გაირიცხება, მაშინ ფინანსური ინსტიტუტებისთვის ქვეყანაში ან ქვეყნიდან ფულის გაგზავნა თითქმის შეუძლებელი გახდება.
SWIFT-ის სათაო ოფისი ბელგიაში არის განთავსებული და როგორც იურიდიული პირი ბელგიის კანონმდებლობით არის დაფუძნებული. მას 25 წევრისგან დაკომპლექტებული საბჭო მართავს; ეს ოცდახუთი წევრი წარმოადგენს იმ ქვეყნებს, რომლებიც SWIFT-ის სერვისის ძირითადი მომხმარებელია. SWIFT-ის აქციონერია 3,500 ფინანსური ორგანიზაცია მსოფლიოს მასშტაბით.
SWIFT-ი არის როგორც – ბელგიის სამეფოს ცენტრალური ბანკის, ასევე ევროპის ცენტალური ბანკის ზედამხედველობის ქვეშ.
2012 წელს ირანის ბირთვული პროგრამის სანქციების ფარგლებში, აშშ-მა ევროკავშირი და მისი სხვა პარტნიორები დაარწმუნა, რომ ირანი SWIFT-იდან უნდა გათიშულიყო, რამაც ირანის ეკონომიკას მნიშვნელოვანი დარტყმა მიაყენა.
აქვს თუ არა რუსეთს ალტერნატიული საგადახდო სისტემა?
ოფიციალურმა მოსკოვმა საკუთარი საბანკო საგადახდო სისტემა – SPFS-ი შექმნა მას შემდეგ, რაც 2014 წელს ყირიმის ანექსიიდან მალევე დასავლეთისგან რიგი სანქციები მიიღო. ყირიმის ანექსიის დროსაც იყო მოწოდებები, რომ რუსეთი SWIFT-იდან გათიშულიყო, თუმცა ეს მოთხოვნა მაშინ EU-ს ქვეყნების მიერ არ იყო გაზიარებული.
რუსეთის ცენტრალური ბანკის მონაცემებით, SPFS-ს დღეს, დაახლოებით, 400 მომხმარებელი ჰყავს. შესაბამისად, შიდა გადარიცხვების 20% სწორედ SPFS-ის საშუალებით ხორციელდება, თუმცა რიგი შეზღუდვები ოპერაციების თვალსაზრისით SPFS-ს მაინც აქვს. ასევე მნიშვნელოვანია გარემოება, რომ გადახდის შესასრულებლად, ორივე მხარე უნდა იყოს ჩართული სისტემაში, შესაბამისად, SPFS-ით რუსულ ბანკებს საერთაშორისო ანგარიშსწორება მაინც არ გამოუვათ.
წყარო – BM.GE
კომენტარები