|
„ლელოს“ ხაშურისა და ქარელის რაიონების მაჟორიტარი დეპუტატობის კანდიდატმა კახა კოჟორიძემ გარემოს დაცვის საკითხებთან დაკავშირებით ბრიფინგი გამართა და ხელისუფლება უმოქმედობაში დაადანაშაულა.
კახა კოჟორიძის განცხადებით, გარემოს დაცვა, მოქალაქეებისა და მომავალი თაობებისთვის უსაფრთხო და ჯანსაღი გარემოს უზრუნველყოფა „ლელოს“ ერთ-ერთი მნიშვნელოვანი პრიორიტეტია.
„დღეს, როდესაც ტყე ნადგურდება, წყალი ბინძურდება, ნაგავში იხრჩობა სოფლები და ქალაქები, სახელმწიფო უმოქმედოა, თვალს ხუჭავს, არაფერს აკეთებს, არ იცავს ჯანსაღი გარემოს, არ იცავს ადამიანის ჯანმრთელობას, არ უფრთხილდება ჩვენი შვილების მომავალს. რაში გამოიხატება ეს უპასუხისმგებლობა და სრული უმოქმედობა, ნათლად დასტურდება ხაშურისა და ქარელის მაგალითზე,”-აღნიშნა კოჟორიძემ და ქვეყანაში ტყის უკანონოდ სარგებლობაზეც ისაუბრა.
“ისე, როგორც მთელ საქართველოში, ხაშურსა და ქარელში, ასევე ხშირია ტყით უკანონოდ სარგებლობა, ტყის დაცვისა და მოვლის წესების დარღვევა, წყლის დაბინძურება, ტყის დანაგვიანება, გარემოს დაცვის ნორმების დარღვევა. ხშირი ფაქტების მიუხედავად, ხელისუფლების მხრიდან რეაგირება, პრაქტიკულად, არის ნულოვანი.
ლელოს ხაშურისა და ქარელის ოფისებმა გამოვითხოვეთ ინფორმაცია და გარემოსდაცვითი ზედამხედველობის დეპარტამენტისგან ოფიციალურად მიღებული ინფორმაციის თანახმად:
1. ბოლო 4 წლის განმავლობაში გარემოსდაცვითი ზედამხედველობის დეპარტამენტის მიერ არც ხაშურში და არც ქარელში არც ერთხელ არ მოხდა რეაგირება გარემოს დაცვის ნორმების დარღვევაზე (ადმინისტრაციულ სამართალდარღვევათა კოდექსის ["ასკ“] 69-ე მხ.)
2. ასევე, ბოლო 4 წლის განმავლობაში ხაშურსა და ქარელში ნულოვანი იყო რეაგირება ხე-ტყის დამზადებისას ტყით სარგებლობის წესების დარღვევაზე (აღნიშნული კოდექსის 63-ე მხ).
3. ასევე, 4 წლის განმავლობაში ხაშურსა და ქარელში ნულოვანი იყო რეაგირება ტყის დაცვის, მოვლისა და აღდგენის წესების დარღვევაზე.
4. ბოლო 4 წლის განმავლობაში ხაშურსა და ქარელში ხელისუფლების შესაბამის ორგანოებს ასევე არც ერთი ფაქტი არ დაუფიქსირებიათ ტყის ფონდის მიწებზე ტყის დანაგვიანება - დაზიანების კუთხით.
5. წყლის დაცვის რეჟიმის დარღვევის მხოლოდ 2-2 ფაქტია დაფიქსირებული 2019-2020 წლებში, ხოლო ქარელში ბოლო 4 წლის განმავლობაში ასეთი მხოლოდ 1 ფაქტი გამოავლინეს, 2018 წელს.
ეს არის უმძიმესი რეალობა, რომელიც უნდა შევცვალოთ. პირველ რიგში, "ლელო" განახორციელებს რიგ ღონისძიებებს, რათა ამაღლდეს ცნობიერება და ყველა ერთად გავუფრთხილდეთ გარემოს. ამასთან, "ლელოს მარშალის გეგმის“ თანახმად, გამკაცრდება გარემოს დაცვითი რეგულაციები, და რაც მთავარია, ჩვენ უზრუნველვყობთ ამ რეგულაციების ამოქმედებას. "ლელოს" მიერ განხორციელებული კომპლექსური ღონისძიებები დაიცავს ჩვენს გარემოს, ჯანმრთელობას და ჩვენი შვილების მომავალს,” - განაცხადა კახა კოჟორიძემ.
ცენტრალური საარჩევნო კომისია ამტკიცებს, რომ რუს პროპაგანდისტზე, ალექსანდრ მალკევიჩზე აკრედიტაცია საარჩევნო კანონმდებლობის დაცვით გასცეს: "დაინტერესებული პირები საკითხს ისე წარმოაჩენენ, თითქოს საარ...
საქართველოში ბინების თანდათანობითი გაიაფების ტენდენცია გრძელდება. მიგრანტების გადინებამ და შემცირებულმა მოთხოვნამ უძრავი ქონების გაიაფებას შეიწყო ხელი. გაიაფება განსაკუთრებით საშუალო კლასის ბინებს შეე...
ცნობილი გახდა, რომ თბილისში, ტრანსგედერი ქალი, კესარია აბრამიძე მოკლული იპოვეს - ამის შესახებ ინფორმაცია შინაგან საქმეთა სამინისტროში დაუდასტურეს. შსს ადასტურებს, რომ 37 წლის ქა...
15:15
"დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გ...
14:36
თბილისში, ფეიქრებთან მატარებელი სამუშაო პლატფორმას დაეჯახა. შემთხვევის შედეგად დაღუპულია 2 ადამიანი, სავარაუდოდ იქ მომუშავე მუშები. მატარებელი ბათუმიდან თბილისის მიმართულებით მოძრაობდა. წინასწარი...
13:38
პროკურატურის განცხადებით, 52 მოქალაქისთვის უხარისხოდ აშენებული საცხოვრებელი ფართების გადაცემის ფაქტზე ერთ პირს ბრალდება წარუდგინეს. საუბარია შპს "თორის" დამფუძნებელზე. გამოძიების ცნობით, კომპანიამ&nbs...
11:37
დედაქალაქის მერის, კახა კალაძის განცხადებით, სექტემბრიდან, საბავშვო ბაგა-ბაღების აღსაზრდელებს ახალი სათამაშოები და სხვა მეთოდური მასალები დახვდებათ, რისთვისაც სააგენტოს ბიუჯეტიდან 1 მილ...
|
კომენტარები