|
5 ივლისს 18:00 საათიდან, თიბისი კონცეპტის მულტიფუნქციური სივრცე, მარჯანიშვილის 7-ში, მასპინძლობს თანამედროვე ქართული მხატვრული კერამიკის გამოფენას „თიხის სივრცე“. ექსპოზიციაზე წარმოდგენილი იქნება სხვადასხვა თაობის 14 ავტორის 42 კერამიკული ნამუშევარი.
მონაწილე ავტორები: მერაბ გუგუნაშვილი, ნატო ერისთავი, ოთარ ვეფხვაძე, მარიამ იზორია, ნინო კოპალაძე, გიგიშა პაჭკორია, ირინა სალმინა, ბექა ტაბაღუა, ლალი ქუთათელაძე, მალხაზ შველიძე, ელენე ჩლაიძე, ნინო ციციშვილი, ანა ჯაფარიძე, ირინე ჯიბუტი. კურატორია ქეთევან კორძახია. გამოფენა გაგრძელდება 2022 წლის 30 აგვისტომდე.
„ხელის სიმღერას, ცეცხლის ხელოვნებას, სულის მუსიკას ეძახიან მხატვრები კერამიკას, - უძველეს, რთულ და მომხიბვლელ ხელობას.
კერამიკული ხელოვნების ოსტატთა შემოქმედებითი ძალა მრავალმხრივია და უსაზღვრო...
მიწა, წყალი და ცეცხლი მათ ხელში მშვენიერებად გადაიქცევა.
მათი ქმნილებები საუკუოდ ინახავენ ადამიანის სულის თრთოლვას.
თიხა - კერამიკის მთავარი ნედლეული, განსაკუთრებული მინერალური ნარევია. პლასტიურობის გამო ადვილად ემორჩილება ადამიანის ნებას, მოდელირებისას ინარჩუნებს მიცემულ ფორმას, გაშრობისა და გამოწვის შემდეგ მყარი და წკრიალა ხდება. მის ზედაპირზე მკაფიოდ რჩება თითის ანაბეჭდები, - ოსტატის ხელების ცოცხალი შეხების კვალი.
მაგრამ, ცეცხლში მოპოვებული სიმყარე მუდმივი არ არის, - კერამიკული ნამუშევარი მყიფეა და ამიტომაც უნდა „როგორც ცოცხალთან“ მოპყრობა.
განსაკუთრებული სიფრთხილით კერამიკულ ნამუშევრებთან თავად კერამიკოსები არიან, - იციან, რა რთულია ჩანაფიქრის სისრულეში მოყვანა. სასურველი შედეგის მისაღწევად „ცეცხლით ნათლობის“ გზის ყველა სირთულის ცოდნაა საჭირო.
როგორ ნერვიულობს მხატვარი გამოწვის დროს, როცა ნებსით თუ უნებლიედ ნამუშევართან ღუმელის მჭიდროდ დახურული კარი აშორებს?!
და რამდენი სიხარული მოაქვს ხელახალ შეხვედრას?!
დასრულებული, გაცივებული კერამიკის მინანქრის ნაზი ბზვინვარება, მეტალის მარილების იდუმალი ბრწყინვალება, შებოლილი სიბრტყეებისა და მოცულობების თანაბარი სუნთქვა... ამიტომაა, რომ ჩვეულებრივი თიხის ჭურჭელი ჩვენს ეპოქაშიც ადამიანურად თბილი და მომხიბვლელია. ის ადამიანის შექმნილია“.
ალდე კაკაბაძე
13:03
თუ ხარ 9-12 კლასის მოსწავლე და შენთვის ახლის შემეცნება, განვითარება და ტექნოლოგიური სამყაროს მწვერვალების მიღწევა პრიორიტეტია, მაშინ 24 მარტის ჩათვლით დარეგისტრირდი თიბისი ტექსკოლის უფასო კურსებზე. თ...
12:53
მოცემულ პუბლიკაციაში თიბისი კაპიტალი წლის დასაწყისში ეკონომიკურ ზრდასა და ლარის გაცვლით კურსზე მოქმედი ფაქტორების მიმოხილვას აჯამებს, რაზეც, ბოლო პუბლიკაციებშიც იყო ყურადღება გამახვილებული. ია...
15:09
22 და 23 მარტს, თუ ზუგდიდი მოლს ეწვევით, შეძლებთ ისარგებლოთ თიბისის ქეშბექ შეთავაზებით და ახალი თიბისი ბარათით, ახალი თიბისი კონცეპტ ბარათებითა და ერთგული საკრედიტო ბარათით გადახდის შემთხვევაში, დაიბ...
15:02
საქართველოს მორაგბეთა ეროვნულმა ნაკრებმა, რაგბი ევროპის ჩემპიონატის 2025 წლის გათამაშება დომინანტური უპირატესობით მოიგო. ზედიზედ 8 წელია, ბორჯღალოსნები კვარცხლბეკის უმაღლესი საფეხურიდან არ ჩამოსულან ...
10:55
თიბისი, როგორც მოწინავე კომპანია ტექნოლოგიებსა და მონაცემთა ანალიზის მიმართულებით, საგანმანათლებლო ინიციატივების ფარგლებში, აგრძელებს სხვადასხვა პროგრამის განვითარებას და ამჯერად თიბისი IT აკადემია, ...
10:50
PSP-ს ინოვაციური პროექტი - პირველი ლოქერი ფარმაციაში მომხმარებელს შოპინგის ახალ, კომფორტულ მომსახურებას სთავაზობს: ონლაინ შეკვეთის მისაღებად კონკრეტული მისამართის მითითება და ლოდინი საჭირო აღარ არის;...
14:38
შემეცნებითი პოდკასტების სერია - მწარე პოდკასტი / Bitter Podcast, რომელსაც ისტორიკოსი ნიკა ხოფერია უძღვება, 4 წელზე მეტია ისტორიის მოყვარულებს შორის დიდი პოპულარობით სარგებლობს და მრავალრიცხოვანი აუდი...
|
კომენტარები