|
გასულ კვირაში ლარი დამატებით გაუფასურდა. მაშინ, როდესაც უახლესი მაკროეკონომიკური მაჩვენებლები არაა ხელმისაწვდომი, თიბისი კაპიტალის აზრით, ძირითადი მიზეზი ლარის სეზონური გაუფასურების მოლოდინებია. თავისთავად, თუ ბაზრის მონაწილეები მე-4 კვარტალში ლარის დასუსტებას მოელიან, მაშინ სპეკულაციურ ქცევას მანამდე ექნება ადგილი. ეს ქცევა აშკარაა ივლისის სესხებისა და დეპოზიტების დინამიკიდან, და ასევე აგვისტოს დეპოზიტების წინასწარი შეფასებიდან. საკუთრივ, მოიმატა სესხების ლარიზაციამ, მაშინ, როდესაც დეპოზიტების მხარეს ვალუტაში ინვესტირება ჭარბობს. შედეგად, საბანკო სექტორის ლიკვიდობა უცხოურ ვალუტაში მკვეთრად გაიზარდა და ბუნებრივია ამ მხრივ ნორმალიზებაა მოსალოდნელი, რაც საერთაშორისო მასშტაბით აშშ დოლარის მზარდი განაკვეთების მიუხედავად, ადგილობრივი ვალუტის დეპოზიტებზე ისედაც რეკორდულად დაბალი განაკვეთების დამატებით შემცირებას გულისხმობს. ეს ფაქტორი კი, ლარის დეპოზიტების ზრდის ხელშეწყობის გარდა, ვალუტის დეპოზიტების გახარჯვასაც გამოიწვევს. ამდენად, ახლა შედარებით უფრო მეტი რწმუნებით შეგვიძლია ვთქვათ, რომ ლარის სეზონური გაუფასურება მის სადღეისო კურსში დიდწილად უკვე გათვალისწინებულია.
ამ ფონზე, რა შეიძლება ითქვას მოლოდინების კუთხით? თიბისი კაპიტლის აზრით, სენტიმენტები გარკვეულწილად მაინც შეიცვლება და ისედაც მაღალ სავალუტო შემოდინებებს, შემდგომ პერიოდში, უკვე სესხებისა და დეპოზიტების არხიდან ვალუტის მიწოდებაც დაემატება. შესაბამისად, აშშ დოლარი/ლარის თიბისი კაპიტალის ადრინდელი საპროგნოზო ნიშნული, რომელიც დაახლოებით 2.80-ს შეადგენს, როგორც ჩანს სადღეისოდაც ძალაშია. თიბისი კაპიტალის ლარის კურსის პროგნოზირების ჩარჩოდან, წმინდა შემოდინებები კვლავ ლარის მხარდამჭერია, ლარის საშუალო კურსის მხრივ, აშშ დოლარის გაძლიერების მიუხედავად, შეფასება ისევ ნეიტრალური ან შესაძლოა გარკვეულწილად ასევე ლარის მხარდამჭერია კიდეც, ინფლაციის კუთხით კი, მისი მოსალოდნელი შემცირების გამო, შეფასება უფრო ნეგატიურია.
გაეცანით პუბლიკაციას შემდეგ ბმულზე.
10:35
დღევანდელი არჩევნები საერთაშორისო მასშტაბით განხილვის მთავარი თემაა. მაკროეკონომიკური კუთხით, საყურადღებოა, რომ დონალდ ტრამპის გამარჯვება უფრო დოლარის გამყარების არგუმენტად მოიაზრება, რადგანაც უფრო მ...
11:23
თიბისი კონცეპტის მულტიფუნქციური სივრცე, 15 ნოემბრის ჩათვლით, თბილისის არქიტექტურის ბიენალეს ფარგლებში მასპინძლობს საგარეო ურთიერთობათა ინსტიტუტის (Ifa-Institut für Auslandsbeziehungen) გამ...
10:39
თიბისი ბიზნესის მხარდაჭერით, საქართველოში, რიგით მეოთხე აგროოლიმპიადა ტარდება, რომელიც რეგიონში, აგრარულ დარგში ცოდნაზე დაფუძნებული ერთადერთი და უნიკალური კონკურსია. ეროვნული აგრარული ოლიმპიადა საქარ...
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
|
კომენტარები