|
„თეგეტა მოტორს ბაქოს“ სერვისცენტრს ევროპისა და ჩრდილოეთ ამერიკის საკითხებში დიდი ბრიტანეთის სახელმწიფო მინისტრი აზერბაიჯანში ოფიციალური ვიზიტის ფარგლებში ესტუმრა. ლეო დოხერტს კომპანიის წარმომადგენლებმა უმასპინძლეს და ბრიტანული ბრენდის, JCB-ის სტანდარტებით აშენებული ცენტრი დაათვალიერებინეს.
JCB-ის წარმომადგენლობა ბაქოში თანამედროვე ინფრასტრუქტურით 1800 კვადრატულ მეტრ ფართობს მოიცავს და საოფისე სივრცეს, სერვისცენტრსა და შოურუმს აერთიანებს. „თეგეტა მოტორს ბაქო“ მომხმარებელს სპეციალური დანიშნულების ტექნიკისა და სატვირთო ავტომობილების რეალიზაციასა და გაყიდვების შემდგომ მომსახურებას სთავაზობს.
ლეო დოხერტი, დიდი ბრიტანეთის სახელმწიფო მინისტრი ევროპისა და ჩრდილოეთ ამერიკის საკითხებში: „კარგია, რომ აქ, აზერბაიჯანში, ბრიტანული ბიზნესის პოპულარიზაცია ხდება და ბაზარზე მაღალი ხარისხის სპეცტექნიკის რეალიზაციის მიზნით ჩვენი პარტნიორები მთელი რეგიონის მასშტაბით თანამშრომლობენ. JCB დიდ ბრიტანეთში ერთ-ერთი უმსხვილესი საინჟინრო და საწარმოო კომპანიაა, რომელიც მესამე უდიდესი სამშენებლო ტექნიკის მწარმოებელია მსოფლიოში და დღემდე ინარჩუნებს საოჯახო ბიზნესის სტატუსს. ბაქოში, ჩემი შეხვედრების ფარგლებში, განვიხილეთ სამომავლო პერსპექტივები, რაშიც დიდი ბრიტანეთის გამოცდილებას მნიშვნელოვანი წვლილის შეტანა შეუძლია. ვიმედოვნებთ, რომ ბრიტანული ბრენდების ჩართულობას ვიხილავთ აზერბაიჯანში ინფრასტრუქტურულ და სამშენებლო პროექტებში და გავაგრძელებთ ქვეყნებს შორის სამომავლო თანამშრომლობის შესაძლებლობების ძიებას“.
„თეგეტა მოტორს ბაქოში“ ვიზიტისას ბრიტანეთის სახელმწიფო მინისტრი ცენტრში არსებულ JCB-ის ტექნიკას გაეცნო. ბრიტანულ ბრენდს, რომელიც 800-ამდე დილერით მსოფლიოს ოთხ კონტინენტზე საქმიანობს, კავკასიის მასშტაბით „თეგეტა ჰოლდინგის“ შვილობილი კომპანია Tegeta Construction Equipment ექსკლუზიურად წარმოადგენს.
დავით ენდელაძე, „თეგეტა მოტორს ბაქოს“ დირექტორი: „დიდი ბრიტანეთის სახელმწიფო მინისტრის ვიზიტი ჩვენს სადილერო ცენტრში, „თეგეტასა“ და JCB-ის საიმედო თანამშრომლების კიდევ ერთი დასტურია. „თეგეტა მოტორს ბაქო“, როგორც JCB-ის ოფიციალური წარმომადგენლობა, აზერბაიჯანის ბაზარზე 2022 წლიდან ოპერირებს. მომხმარებელს ვთავაზობთ ბრიტანული ნომერ პირველი ბრენდის ტექნიკასა და სრულ საგარანტიო მომსახურებას აზერბაიჯანის მასშტაბით. ამ გაფართოებამ საშუალება მოგვცა, პრემიუმ ბრენდის ტექნიკის მიწოდებით ხელი შევუწყოთ ადგილობრივი ინფრასტრუქტურული პროექტების განხორციელებას“.
დიდი ბრიტანეთის სახელმწიფო მინისტრი ევროპისა და ჩრდილოეთ ამერიკის საკითხებში აზერბაიჯანში ოფიციალური ვიზიტით იმყოფებოდა.
18:14
სექტემბრის ეკონომიკის ზრდამ 8.3 პროცენტი შეადგინა, რაც თიბისი კაპიტალის პროგნოზთან შედარებით მხოლოდ 0.3 პროცენტული პუნქტით განსხვავებაა. სრული 2024 წლისათვის კი, ჩვენი 9.4 პროცენტიანი პროგნოზი უცვლელი...
18:10
გარემოზე ზრუნვის მიზნით, თიბისიმ, ბრენდ „ადამიანის” ინიციატივით, მასთან და არტისტ მიშიკო სულაკაურთან თანამშრომლობით, ჩამოხსნილ სარეკლამო ბანერებს, ახალი სიცოცხლე შესძინა და ურბანულ თ...
18:08
თიბისი, სამუშაო პროცესების გაუმჯობესებისა და გამარტივებისთვის, ინოვაციურ მიდგომებს და გადაწყვეტებს მუდმივად ნერგავს. სწორედ ამ მიზნით, კომპანია საერთაშორისო ტექნოლოგიურ კომპანია, Atlassian-თან თანამშრ...
12:34
თიბისიმ ევროპის რეკონსტრუქციისა და განვითარების ბანკისგან - EBRD, ვაჭრობის დაფინანსების პროგრამის (TFP) ფარგლებში, მწვანე პროექტების დაფინანსებისთვის, 3 მილიონი ლარი მიიღო, რაც კორპორაციულ ბიზნესკლიე...
18:24
თიბისი კონცეპტი ქოუჩინგ ლაბთან პარტნიორობით იწყებს მიღებას გუნდური ქოუჩინგის საერთაშორისო პროგრამის მესამე ნაკადზე „გუნდური ქოუჩინგი - ფუნდამენტი“, რომელიც თბილისში 12-14 დეკემბერს ჩატარდ...
18:20
ავტომობილის სამუხრუჭე სისტემა ერთ-ერთი ყველაზე მნიშვნელოვანი ელემენტია, რომელიც მძღოლისა და მგზავრების უსაფრთხო გადაადგილებას უზრუნველყოფს. სამუხრუჭე სისტემის გამართულად მუშაობა ყველა სეზონზე მნიშვნე...
16:15
ამიერიდან, მომხმარებელს დაზღვევის შეძენისას შეუძლია აირჩიოს თეგეტა მოტორსის შეკეთების სერვისი და თუ სადაზღვევო შემთხვევის შედეგად მანქანის შეკეთება გახდა საჭირო, მომსახურებას თეგეტა მოტორსში მიიღებს....
|
კომენტარები