ბიზნესი

თიბისის გადახდების მართვის ციფრული სივრცე შენი ბიზნესისთვის, რომელიც დროს და რესურსებს დაგიზოგავს

ადამიანთა ცხოვრების გასამარტივებლად თიბისიმ არაერთი ტექნოლოგიური პროდუქტი დანერგა, რომელთა გამოყენებაც ადვილია, ზოგავს დროს და რესურსებს და ბიზნესების ეფექტურ საქმიანობას უწყობს ხელს.

www.tbcpayments.ge სწორედ ასეთი პლატფორმაა, რომელიც უკვე ორ წელზე მეტია რაც ბაზარზე ჩაეშვა. ეს არის გადახდების მართვის ციფრული პლატფორმა, სადაც ერთ სივრცეშია თავმოყრილი მრავალი ისეთი სერვისი თუ მომსახურება, რომლებსაც მომხმარებლები ადრე სხვადასხვა ადგილას გაფანტულად იღებდნენ.

რაც მთავარია, tbcpayments.ge-ზე შენი ბიზნესის გადახდების მართვას და დინამიკაზე დაკვირვებას, დახმარების გარეშე, დამოუკიდებლად შეძლებ, ყოველ დღე, 24 საათის განმავლობაში.

პლატფორმაზე შეგიძლია თვალი ადევნო გადახდების ისტორიას, მოითხოვო გადახდის რეპორტი სასურველ ფორმატში, გაეცნო მიღებული ტრანზაქციების დეტალურ ანალიტიკას და შეუკვეთო ან გააუქმო გადახდის მეთოდები.  

საძიებო პარამეტრებსა თუ ფილტრზე დაყრდნობით შესაძლებელია სასურველი ტიპის ტრანზაქციული ამონაწერის ამოღება Excel, XML, CSV ფორმატში ქართულ და ინგლისურ ენებზე.

თიბისის გადახდების მართვის ციფრულ სივრცეს უკვე 3000-ზე მეტი ბიზნესი იყენებს, ეს უმარტივებს მათ ყოველდღიურ საქმიანობას, ზოგავს კომპანიის თანამშრომლების დროსა და რესურსს, გაცილებით ამარტივებს პროცესებს და კომპანიის ფინანსურ საქმიანობაზე დაკვირვებას.

„ოქტოპუს ფიტნეს კლუბი“ სავარჯიშო დარბაზების ქსელია, რომელმაც მომსახურების ხარისხითა და მრავალფეროვნებით მალე მოახერხა თავის დამკვიდრება ქართულ ბაზარზე. „ოქტოპუსში“  tbcpayments.ge-ს შექმნის დღიდანვე წარმატებით იყენებენ.

„დროის ნებისმიერ მონაკვეთში შემიძლია tbcpayments.ge-ს გამოყენება, რაც ძალიან პრაქტიკულია. თუ მაინტერესებს რომელიმე ტრანზაქცია, ან მერჩანტის კოდი თუ ქვითარია მოსაძებნი, ჩვენ ბევრი ტერმინალი გვაქვს კომპანიაში და პირველ რიგში თიბისი გადახდების პლატფორმას ვიყენებთ“, - მარიამ პაპიაშვილი, „ოქტოპუს ფიტნეს კლუბი“.

tbcpayments.ge-ს მომხმარებელია „სკა ჯუს ბარიც“, რომელიც მომხმარებელს ჯანსაღი კვების რაციონს სთავაზობს და თბილისში რამდენიმე ბარით არით წარმოდგენილი.

„სკა ჯუს ბარში“  tbcpayments.ge-ს უფრო მეტად პოს ტერმინალების ამონაწერების აღრიცხვისთვის იყენებენ.

„შემიძლია ნებისმიერ დროს შევიდე სისტემაში და ვნახო ჩვენი პოსტ ტერმინალების დეტალური ამონაწერი. tbcpayments.ge-ი ძალიან ბევრ ინფორმაციას იძლევა, რომლის გაფილტვრა და დახარისხებაც შესაძლებელია. კარგი იქნება თუ ტერმინალის ტიპსაც მივუთითებთ ინტეგრირებულია თუ არა ინტეგრირებული, ეს კიდევ უფრო გაამარტივებს საქმეს“, -  ნათია ბეგიაშვილი, „სკა ჯუს ბარი“.

პლატფორმას უკვე დიდი ხანია ტრანზაქციების სამართავად იყენებენ რესტორნებში „ნინიას ბაღი“ და „შავი ლომი“ .

„tbcpayments.ge-მ საბუღალტრო საქმიანობა ძალიან გაამარტივა, ტერმინალებიდან მთლიანი შემოსავლები როცა მაინტერესებს ამ პლატფორმას ვიყენებ. საკმაოდ ამომწურავ ინფორმაციას იძლევა და ძალიან მოსახერხებელია“, - თეა ხარაზიშვილი „ნინიას ბაღი“ და „შავი ლომი“.

დღეს ბიზნესი ძალიან დინამიური, სწრაფი და ცვალებადია, კომპანიები ყოველდღიურად ათასობით ტრანზაქციას იღებენ ონლაინ გადახდის მეთოდებითა და ტერმინალებით, გადახდების მართვის პროცესი ციფრულად კი თიბისისთან ერთად გაცილებით მარტივია.