თიბისის გადახდების მართვის ციფრული სივრცე შენი ბიზ...
ადამიანთა ცხოვრების გასამარტივებლად თიბისიმ არაერთი ტექნოლოგიური პროდუქტი დანერგა, რომელთა გამოყენებაც ადვილია, ზოგავს დროს და რესურსებს და ბიზნესების ეფექტურ საქმიანობას უწყობს ხელს. www.tbc...
პლატფორმა „ინიციატივა“ 2023 წლის ზამთრის მსოფლიო ჩემპიონატის მხარდამჭერია
საქართველო, კერძოდ კი დაბა ბაკურიანის სამთო სათხილამურო კურორტი - 2023 წლის მსოფლიო ჩემპიონატს მასპინძლობს. მსოფლიო ჩემპიონატი საერთაშორისო სათხილამურო ფედერაციის (FIS) ეგიდით იმართება - ფრისტაილში, სნოუბორდსა და ფრისკის სპორტულ სახეობებში.
საქართველოში 2023 წლის მსოფლიო ჩემპიონატში მონაწილეობის მისაღებად სპორტსმენები 42 ქვეყნიდან ჩამოვიდნენ. მათ შორის: ავსტრია, შვეიცარია, საფრანგეთი, გერმანია, იტალია, ნიდერლანდები, ავსტრალია, სამხრეთ აფრიკა, ჩინეთი, იაპონია, კანადა, აშშ და სხვა, ჯამში შეჯიბრში 700-მდე სპორტსმენი იღებს მონაწილეობას.
“მოხარული ვართ, რომ პლატფორმა „ინიციატივა“ განაგრძობს, ჩვენს ქვეყანაში სპორტის მიმართულებით მნიშვნელოვანი პროექტების და ჩემპიონატების მხარდაჭერას. საქართველოში, კერძოდ კი ბაკურიანში პირველად ჩატარდება მსოფლიო ჩემპიონატი ზამთრის ყველაზე ექსტრემალური სპორტის სახეობებში. საამაყოა, რომ დიდველისა და კოხტა-მიტარბის ტრასებზე ფრისკის, ფრისტაილის და სნოუბორდის საუკეთესო ათლეტები ასპარეზობენ. ყველა შეჯიბრი თუ ტურნირი, რომელსაც სათხილამურო ფედერაცია პლატფორმა „ინიციტივის“ მხარდაჭერით მართავს, ჩვენს ქვეყანას მსოფლიო სპორტულ რუკაზე სათანადო ადგილის დამკვიდრებას უწყობს ხელს, ჩვენ კი ცხადია მოხარულები ვართ, რომ ამ დიდ მოვლენაში ჩვენი წვლილი შეგვაქვს“- განაცხადა პლატფორმა „ინიციატივის“ წარმომადგენელმა ნინი გუჯაბიძემ.
2023 წლის მსოფლიო ჩემპიონატი 5 მარტის ჩათვლით გრძელდება და 7 სახეობაში (ჰალფ პაიპი, ბიგ ეარი, სლოუპსტაილი, პარალელური გიგანტური სლალომი, აერიალი, მოგული და კროსი) ჯამში 30 შეჯიბრი ჩატარდება.
ერთად ვუგულშემატკივროთ პირველ მსოფლიო ჩემპიონატს საქართველოში!
კომენტარები