|
“სახელმწიფო გადაწყვეტილებაა DRG, გამოსაცდელი პერიოდია და თუ რამე ხარვეზია, ყველაფერი გამოსწორდება”, – ამის შესახებ პირველი საუნივერსიტეტო კლინიკის დირექტორმა ლევან რატიანმა “ფორტუნასთან” განაცხადა.
როგორც რატიანმა აღნიშნა, ის საქმის კურსში არ არის კლინიკის ტრავმატოლოგია-ორთოპედიის დეპარტამენტის ხელმძღვანელის ლევან ჩიკვატიას განცხადებასთან დაკავშირებით, რომელმაც სოციალურ ქსელში დაწერა, რომ DRG სისტემის დანერგვის გამო, პრაქტიკულ საქმიანობას დროებით წყვეტს.
“ის, რომ განცხადება შემოიტანა და ის კლინიკურ საქმიანობას წყვეტს, ჯერჯერობით არ ყოფილა”, – ამბობს ლევან რატიანი და აცხადებს, რომ ლევან ჩიკვატიას საქმიანობის შეჩერების შესახებ კლინიკისთვის ოფიციალურად არ მიუმართავს.
კლინიკის დირექტორი ამბობს, რომ DRG სისტემის დანერგვით, ოპერაციების ხარისხსა და შედეგს საფრთხე არ ემუქრება.
“ახალია DRG ჩვენი ქვეყნისთვის და დადგება პერიოდი, რომ იქნება წარმატებული პროექტი. ახალზე გადასვლას დრო სჭირდება. ჩემი კლინიკის მაგალითზე მინდა გითხრათ, რომ რაც შეუძლია ქვეყანას, ყველაფერს აკეთებს. ჩვენ სახელმწიფო კლინიკა ვართ და თანხა პირდაპირ მიდის პაციენტებთან. სახელმწიფო შესყიდვებზე ვართ და საერთაშორისო სერტიფიცირება თუ არ აქვს, სახელმწიფო არ დაუშვებს არც სამკურნალო წამლებს და არც იმპლანტებს. დანარჩენი, კარგზე კარგი არსებობს. ამ საკითხთან დაკავშირებით, ორთოპედ-ტრავმატოლოგებს ალბათ თავიანთი შეხედულება აქვთ.
დაველოდოთ, იქნებ წარმატებული პროექტი აღმოჩნდეს DRG. წინასწარ თქმა, რომ ცუდია და არ ვარგა, ამის თქმის უფლება არავის გვაქვს. სახელმწიფოს ინტერესებია, რომ დანერგოს, განავითაროს, ხარისხზე და ფასზე ორიენტირებული გახადოს. როგორც კლინიკის ხელმძღვანელი გეტყვით, რომ პერიოდი უნდა გავიდეს, რომ შეფასდეს. სახელმწიფოს უნდა, რომ უკეთესობისკენ წაიყვანოს ქვეყნის ჯანდაცვა და იმედია, რომ ასე წარიმართება ყველაფერი”, – აცხადებს ლევან რატიანი “ფორტუნასთან” საუბრისას.
18:07
"ორბანი დღეს მიემგზავრება საქართველოში... სავარაუდოდ, რომ აჩვენოს მისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენ...
15:17
„თქვენ ხედავთ, უმძიმეს მდგომარეობაშია ოპოზიცია, კამპანიებს არ ატარებენ, არც სოფლებში დადიან, არც უბნებში დადიან, კამპანიას არ ატარებენ, შეკრებებს ვერ ატარებენ, სკამებით ატარებენ შეკრებებს. როცა ...
19:13
ქართველები ისევ ისტორიას წერენ! დღეს ათიათასობით ადამიანი მართავს დემონსტრაციას თავისუფალი, დემოკრატიული და ევროპული საქართველოსთვის. თბილისი ევროპის ნამდვილი დედაქალაქია. გმადლობ! - ასე ეხმაურება&nbs...
19:51
"ქართული ოცნების" საპატიო თავმჯდომარე, ბიძინა ივანიშვილი პარტიის საარჩევნო კამპანიის რეგიონულ ღონისძიებაზე ქუთაისში სიტყვით გამოვიდა. ივანიშვილის თქმით,სწორედ „ქართული ოცნების“ სწორი ...
19:40
„ქართული ოცნების“ გენერალურმა მდივანი, კახა კალაძე გერმანიის საგარეო საქმეთა მინისტრის მოადგილის, ანა ლიურმანის კრიტიკულ განცხადებას გამოეხმაურა და თქვა, რომ „ამ ტიპის გან...
14:48
დედაქალაქის მერისთვის ევროპარლამენტარების შეფასებები მისაღები არ არის. როგორც კახა კალაძე განმარტავს მათი ქმედებები არაფრით განსხვავდება საბჭოთა კავშირისგან. „რისთვის ვიბრძოლეთ? იმისთვის, ...
16:24
"ვიღაცას არ მოეწონა, შემზარავია და უიმე რა მძიმეა, ამის გამო არ გაუშვა, წარმოუდგენელია. კატეგორიულად მიუღებელია ამ ტიპის დამოკიდებულება, თუნდაც ევროკავშირის ელჩის მხრიდან ამ ტიპის განცხადებები. წარმო...
|
კომენტარები