|
გლოვოს და თიბისის ერთობლივი ინიციატივით, მალე, ქართული სტარტაპების პროდუქცია გლოვოს აპლიკაციაში იქნება ხელმისაწვდომი. 15 დეკემბრიდან, აპლიკაციას ახალი, სტარტაპების კატეგორია დაემატება და მომხმარებელი მცირე მეწარმეების პროდუქციის შეძენას მარტივად, უფასო მიწოდების სერვისით შეძლებს.
ბიზნესის მხარდასაჭერად, თიბისის პროგრამა „სტარტაპერი“ უზრუნველყოფს სტარტაპერებისთვის როგორც საოპერაციო ხარჯების დაფარვას, ისე მათ მარკეტინგულ მხარდაჭერას და გაყიდვების სტიმულირებას. დამწყები ბიზნესების წარმომადგენლები გლოვოს აპლიკაციაში საკუთარი პროდუქციის განთავსებას უფასოდ შეძლებენ.
გლოვოს და თიბისის ინიციატივის მიზანი ერთი მხრივ, არსებული გამოწვევის ფონზე, სტარტაპების მხარდაჭერა, მეორე მხრივ კი, - მომხმარებლის ცხოვრების გამარტივება და მათთვის კომფორტული სერვისის შეთავაზებაა.
გლოვოს აპლიკაციაში სტარტაპ პროდუქტების განსათავსებლად რეგისტრაცია უკვე დაიწყო, ამისთვის დამწყები ბიზნესების წარმომადგენლებმა ონლაინ აპლიკაცია უნდა შეავსონ.
„ბოლო ერთი წლის განმავლობაში, რეალობა, რომელშიც ვცხოვრობთ, ძალიან შეიცვალა. ამ გამოწვევის ფონზე, ბიზნესების მხარდაჭერამ და მომხმარებელზე ზრუნვამ კიდევ უფრო განსაკუთრებული მნიშვნელობა შეიძინა. გვიხარია, რომ თიბისის და გლოვოს თანამშრომლობის ფარგლებში, ჩვენ ერთობლივად შევძლებთ სადღესასწაულო განწყობის შექმნას და მომხმარებლის და სტარტაპების გვერდით დგომას. ვფიქრობთ, ეს ინიციატივა იქცევა საახალწლო ბაზრობის ონლაინ ალტერნატივად და მომხმარებლები საყვარელი ადამიანების გახარებას ჩვენი პლატფორმის დახმარებით შეძლებენ“, - გიორგი ქერქაძე, გლოვო საქართველოს გენერალური მენეჯერი.
“ბიზნესების მხარდაჭერა თიბისის ერთ-ერთი მთავარი პრიორიტეტია. ჩვენი გუნდი მუდმივად მუშაობს იმისთვის, რომ ბიზნესებს მათზე მორგებული პროდუქტები და მომსახურება შევთავაზოთ და გავუმარტივოთ საქმიანობა. გლოვოს და თიბისის ინიციატივა ერთი მხრივ, სტარტაპერებისთვის საკუთარი პროდუქციის რეალიზებასა და მარკეტინგულ მხარდაჭერას შეუწყობს ხელს, მეორე მხრივ კი, მომხმარებლებს მისცემს შესაძლებლობას, მარტივად და კომფორტულად მიიღონ სასურველი პროდუქტი. ეს ინიციატივა, ვფიქრობ, არსებულ რეალობაში ძალიან მნიშვნელოვანია, - ნათია ვაჭარაძე, თიბისის მიკრო მცირე და საშუალო ბიზნესის განყოფილების ხელმძღვანელი.
შეთავაზებით სარგებლობა სტარტაპერებს ერთი თვის განმავლობაში, 15 იანვრამდე შეეძლებათ.
12:37
ტექსკოლა თიბისის საგანმანათლებლო ინიციატივაა, რომელიც მთელი საქართველოდან უფროსკლასელებს აძლევს შესაძლებლობას გაეცნოს და შეისწავლოს ტექნოლოგიური პროფესიები თიბისის სრული დაფინანსებით. ტექსკოლის მე-4 ...
11:34
„თეგეტა ჰოლდინგის“ თანამშრომლები, მანანა ხინაშვილი და ლევან მამულაშვილი - Forbes 30 UNDER 30-ის გამარჯვებულები არიან. უკვე მეექვსე წელია, Forbes Georgia-ს პროექტი 30 UNDER 30 იმ ახალგაზრდ...
18:27
ტექნოლოგიურ სამყაროში ჰაკათონების პოპულარობა და მნიშვნელობა ელვისებურად იზრდება, რადგან ისინი ინოვაციური იდეების განხორციელების, გუნდური მუშაობისა და კრეატიულობის გამოჩენის შესანიშნავი საშუალებაა. ნებ...
15:10
პროექტი "TBC x USAID ტექნოლოგიური განათლებისთვის’’, რომელიც ქვეყნის ტექნოლოგიური ეკოსისტემის გაძლიერებას ისახავს მიზნად, გრძელდება და კიდევ უფრო მასშტაბურ სახეს იძენს. შემოდგომის ნ...
15:03
სტარტი აიღო Impact Hub Tbilisi-ის სტარტაპ აქსელერატორმა, რომელიც მიზნად ისახავს ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას. შესარჩევ კონკუ...
12:43
ხუთშაბათის შეხვედრები 17 ოქტომბერს, 19:00 საათზე, ქუთაისში დაბრუნდება ახალი სერიით და ამჯერად მრგვალი მაგიდის გარშემო მოწვეული სტუმრები იქნებიან: ანდრო დგებუაძე, გიორგი სიმონგულაშვილი (GEC Consulting...
14:38
15 ოქტომბერს, 17:00 საათზე, სასტუმრო ROOMS-ის საკონფერენციო სივრცეში სტარტს აიღებს Impact Hub Tbilisi-ის სტარტაპ აქსელერატორი, რომელიც მიზნად ისახავს ადგილობრივი ტექნოლოგიური სტარტაპების განვი...
|
კომენტარები