|
თიბისი ლიზინგმა, აშშ-ში დაფუძნებული საინვესტიციო ფონდ Developing World Markets („DWM“) - გან, 7,5 მილიონი ევროს ოდენობის ფინანსური რესურსი მოიზიდა, რაც საქართველოში სალიზინგო კომპანიასთან DWM-ის პირველ ტრანზაქციაა და ქვეყანაში DWM-ის ინვესტიციას 32 მილიონ აშშ დოლარამდე ზრდის.
მოზიდული ფინანსური სახსრები განკუთვნილია ადგილობრივი მეწარმეებისა და მცირე და საშუალო ბიზნესების საქმიანობის დასაფინანსებლად და მათი მდგრადი ეკონომიკური განვითარების ხელშეწყობისთვის.
მცირე და საშუალო ბიზნესები საქართველოს სამეწარმეო ლანდშაფტზე დომინირებენ და მათზე მთლიანი წარმოების ღირებულების 55% და კერძო სექტორის ბრუნვის 35% მოდის, რის გამოც ქვეყნის ეკონომიკის განვითარებაში დიდი როლი უჭირავთ. თიბისი ლიზინგი აგრძელებს თავისი მისიის მხარდაჭერას - ხელი შეუწყოს მცირე და საშუალო ბიზნესის განვითარებას, მათთვის აქტივის დაფინანსების ინოვაციური, მოქნილი და მორგებული სალიზინგო შეთავაზებების გზით.
„მოხარული ვართ, რომ დავასრულეთ ტრანზაქცია და გავხდით DWM-ის ფინანსური პარტნიორი ინსტიტუტი. პროექტი დაეხმარება ადგილობრივ მცირე და საშუალო ბიზნესებს ალტერნატიული დაფინანსების გზების ხელმისაწვდომობაში, რაც, თავის მხრივ, ხელს შეუწყობს ქვეყანაში ეკონომიკურ ზრდას და სამუშაო ადგილების შექმნას. ეს ტრანზაქცია ასახავს ჩვენს მიზანს, მხარი დავუჭიროთ ადგილობრივ მეწარმეებს ინოვაციური, მოქნილი და მორგებული აქტივების დაფინანსების შეთავაზებით. ეს პარტნიორობა გამოხატავს ორივე ორგანიზაციის თანამშრომლობის სურვილს და ჩვენ მოუთმენლად ველით კიდევ უფრო მეტად ნაყოფიერ პარტნიორობას,“ - ნუგზარ ლოლაძე, თიბისი ლიზინგის ფინანსური დირექტორი.
„DWM-ის მიზანია წვლილი შეიტანოს სამუშაო ადგილების შექმნასა და ინკლუზიურ, მდგრად ეკონომიკურ ზრდაში მცირე და საშუალო ბიზნესის მეშვეობით. თიბისი ლიზინგთან პარტნიორობა გვაძლევს საშუალებას ვემსახუროთ ამ მიზანს. თიბისი ლიზინგი არის უმსხვილესი ლიზინგის პროვაიდერი საქართველოში და ლიდერი მცირე და საშუალო ბიზნესის დაფინანსებაში და მოხარული ვართ, რომ მათთან პირველად ვთანამშრომლობთ,“ - ნაიმჯონ მასაიდოვი, აღმოსავლეთ ევროპის, ცენტრალური აზიისა და კავკასიის რეგიონის ხელმძღვანელი.
12:37
ტექსკოლა თიბისის საგანმანათლებლო ინიციატივაა, რომელიც მთელი საქართველოდან უფროსკლასელებს აძლევს შესაძლებლობას გაეცნოს და შეისწავლოს ტექნოლოგიური პროფესიები თიბისის სრული დაფინანსებით. ტექსკოლის მე-4 ...
11:34
„თეგეტა ჰოლდინგის“ თანამშრომლები, მანანა ხინაშვილი და ლევან მამულაშვილი - Forbes 30 UNDER 30-ის გამარჯვებულები არიან. უკვე მეექვსე წელია, Forbes Georgia-ს პროექტი 30 UNDER 30 იმ ახალგაზრდ...
18:27
ტექნოლოგიურ სამყაროში ჰაკათონების პოპულარობა და მნიშვნელობა ელვისებურად იზრდება, რადგან ისინი ინოვაციური იდეების განხორციელების, გუნდური მუშაობისა და კრეატიულობის გამოჩენის შესანიშნავი საშუალებაა. ნებ...
15:10
პროექტი "TBC x USAID ტექნოლოგიური განათლებისთვის’’, რომელიც ქვეყნის ტექნოლოგიური ეკოსისტემის გაძლიერებას ისახავს მიზნად, გრძელდება და კიდევ უფრო მასშტაბურ სახეს იძენს. შემოდგომის ნ...
15:03
სტარტი აიღო Impact Hub Tbilisi-ის სტარტაპ აქსელერატორმა, რომელიც მიზნად ისახავს ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას. შესარჩევ კონკუ...
12:43
ხუთშაბათის შეხვედრები 17 ოქტომბერს, 19:00 საათზე, ქუთაისში დაბრუნდება ახალი სერიით და ამჯერად მრგვალი მაგიდის გარშემო მოწვეული სტუმრები იქნებიან: ანდრო დგებუაძე, გიორგი სიმონგულაშვილი (GEC Consulting...
14:38
15 ოქტომბერს, 17:00 საათზე, სასტუმრო ROOMS-ის საკონფერენციო სივრცეში სტარტს აიღებს Impact Hub Tbilisi-ის სტარტაპ აქსელერატორი, რომელიც მიზნად ისახავს ადგილობრივი ტექნოლოგიური სტარტაპების განვი...
|
კომენტარები