|
„ტოიოტა ცენტრი თეგეტას“ ისტორია 2014 წლიდან იწყება. 6 წლის წინ კომპანიამ „ტოიოტა კავკასიისგან“ ტოიოტას დილერისა და ავტორიზებული სერვისცენტრის ოფიციალური სტატუსი მიიღო და აქტიურად დაიწყო ტოიოტას ავტომობილების რეალიზაცია. იმავე წელს გაიხსნა განახლებული სერვისცენტრი, რომელიც უნიკალურია მისი მასშტაბით და გამოირჩევა მსოფლიო სტანდარტებთან შესაბამისობით.
პროექტი განხორციელდა ს.ს. „თიბისი ბანკის“ და „ევროპის რეკონსტრუქციისა და განვითარების ბანკის“ (EBRD) მხარდაჭერით. „თეგეტა მოტორსმა“ პროექტში 11 მილიონამდე ლარის ინვესტიცია განახორციელა. კომპანია მონობრენდულია და მისი მომსახურება სრულად ტოიოტას ბრენდის ავტომობილებზეა ფოკუსირებული.
„ტოიოტა ცენტრი თეგეტა“ „თეგეტა მოტორსის“ რიგით მე-5 შვილობილი კომპანიაა. ამ ეტაპზე კომპანია მომხმარებელს სთავაზობს უახლესი მოდელების ავტომობილებს, მხოლოდ ორიგინალ ავტოსათადარიგო ნაწილებს, აქსესუარებს და ავტოტექმომსახურების სრულ სერვისს. ამასთანავე კომპანიამ მომხმარებლის მეტი კომფორტისთვის დანერგა სერვისი - „ტოიოტა კომფორტი“. 2016 წელს კი შეიქმნა „Toyota PLUS“, რომლის ფარგლებში მომხმარებელს შეუძლია „ტოიოტა ცენტრ თეგეტაში“ ჩააბაროს მისი კუთვნილი ნებისმიერი მარკის ავტომობილი საბაზრო ღირებულებით და სხვაობის დამატებით გაიყვანოს მისთვის სასურველი ახალი ტოიოტა.
2019 წელს „ტოიოტა ცენტრი თეგეტას“ მიერ განხორციელდა ერთ-ერთი ყველაზე მნიშვნელოვანი პროექტი კორპორატიული სოციალური პასუხისმგებლობის მიმართულებით და შეიქმნა „მწვანე გზის კლუბი“, რომლის წევრებსაც წარმოადგენენ „ტოიოტა ცენტრ თეგეტაში“ შეძენილი ჰიბრიდული ძრავით აღჭურვილი მოდელების მფლობელები. კლუბის ძირითად მიზანს წარმოადგენს გარემოზე ზრუნვა.
გამორჩეული იყო 2020 წელი, როდესაც კოვიდ-19-ით გამოწვეულმა პანდემიამ სულ სხვა რეალობის წინაშე დააყენა როგორც სრულიად მსოფლიო, ასევე ლოკალური ბიზნეს სუბიექტები. არსებული ვითარებიდან გამომდინარე „ტოიოტა ცენტრი ტეგეტამ“ დანერგა სხვადასხვა ციფრული პლატფორმები, როგორებიცაა ავტომობილების ონლაინ მაღაზია და შოურუმი, ავტომობილების შეკვეთის და რეზერვაციის ონლაინ სერვისი. ასევე შეიქმნა ავტოსერვისზე ჩაწერის მობილური აპლიკაცია, რომელიც განკუთვნილია Android-ის და IOS-ის ოპერაციული სისტემებისთვის.
2020 წლის ზაფხულიდან „ტოიოტა ცენტრი თეგეტა“ მომხმარებლებს სთავაზობს ექსკლუზიურ დაზღვევას „ტოიოტა კასკოს“, რომელიც მომხმარებლის მოთხოვნებზე მაქსიმალურად მორგებული სადაზღვევო პირობებით გამოირჩევა. ასევე შემოდგომიდან „ტოიოტა ცენტრ თეგეტას“ ერთგულ მომხმარებლებს გადაეცემათ „ლოიალობის ბარათები“, რომლის საშუალებითაც ისინი შეძლებენ დააგროვონ ქულები და შემდეგ სურვილისამებრ გამოიყენონ პროდუქციის ან მომსახურების შეძენისას.
„ტოიოტა ცენტრი თეგეტას“ ფილოსოფიის მთავარ არსს წარმოადგენს იაპონური სიტყვა „კაიზენი“, რაც ნიშნავს მუდმივ სწრაფვას უკეთესობისკენ. კომპანია თითოეული პროექტის განხორციელებისას სწორედ ამ მიდგომით ხელმძღვანელობს.
12:37
ტექსკოლა თიბისის საგანმანათლებლო ინიციატივაა, რომელიც მთელი საქართველოდან უფროსკლასელებს აძლევს შესაძლებლობას გაეცნოს და შეისწავლოს ტექნოლოგიური პროფესიები თიბისის სრული დაფინანსებით. ტექსკოლის მე-4 ...
11:34
„თეგეტა ჰოლდინგის“ თანამშრომლები, მანანა ხინაშვილი და ლევან მამულაშვილი - Forbes 30 UNDER 30-ის გამარჯვებულები არიან. უკვე მეექვსე წელია, Forbes Georgia-ს პროექტი 30 UNDER 30 იმ ახალგაზრდ...
18:27
ტექნოლოგიურ სამყაროში ჰაკათონების პოპულარობა და მნიშვნელობა ელვისებურად იზრდება, რადგან ისინი ინოვაციური იდეების განხორციელების, გუნდური მუშაობისა და კრეატიულობის გამოჩენის შესანიშნავი საშუალებაა. ნებ...
15:10
პროექტი "TBC x USAID ტექნოლოგიური განათლებისთვის’’, რომელიც ქვეყნის ტექნოლოგიური ეკოსისტემის გაძლიერებას ისახავს მიზნად, გრძელდება და კიდევ უფრო მასშტაბურ სახეს იძენს. შემოდგომის ნ...
15:03
სტარტი აიღო Impact Hub Tbilisi-ის სტარტაპ აქსელერატორმა, რომელიც მიზნად ისახავს ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას. შესარჩევ კონკუ...
12:43
ხუთშაბათის შეხვედრები 17 ოქტომბერს, 19:00 საათზე, ქუთაისში დაბრუნდება ახალი სერიით და ამჯერად მრგვალი მაგიდის გარშემო მოწვეული სტუმრები იქნებიან: ანდრო დგებუაძე, გიორგი სიმონგულაშვილი (GEC Consulting...
14:38
15 ოქტომბერს, 17:00 საათზე, სასტუმრო ROOMS-ის საკონფერენციო სივრცეში სტარტს აიღებს Impact Hub Tbilisi-ის სტარტაპ აქსელერატორი, რომელიც მიზნად ისახავს ადგილობრივი ტექნოლოგიური სტარტაპების განვი...
|
კომენტარები