|
ერთი წლის წინ, პანდემიის პერიოდში მამა-შვილს, რაჟდენ და თამარ გარუჩავებს გაუჩნდათ იდეა, რომ თავისუფლების მოედანზე რესტორანი გაეხსნათ, სახელის შერჩევაში ადგილმდებარეობამ თავისი როლი ითამაშა და ერთი წლის თავზე თბილისს, კიდევ ერთი მაღალი კლასის რესტორანი, სახელად „თავისუფლება“ შეემატა.
„ჩვენ გვინდა, რომ ყველამ გაუსინჯოს თავისუფლებას გემო,“ - ამბობს თამარ გარუჩავა, რომელმაც თავის თავზე ისეთი საპასუხისმგებლო საქმე აიღო, როგორიც რესტორნის დიზაინია, ამისთვის ევროპის სხვადასხვა ქვეყნის 40-მდე წამყვანი კომპანიის პარტნიორები გახდნენ. ავეჯი, ჭურჭელი, სამზარეულოს ტექნიკა და რესტორნისთვის საჭირო სხვადასხვა ინვენტარი ისეთ ცნობილ იტალიურ და გერმანულ ბრენდებს ეკუთვნის, როგორიცაა Pedrali, Sambonet – Paderno, Virtus, Eicholtz.
მანამდე კი იყო ბევრი საქმიანი შეხვედრა და მოლაპარაკება, შედეგად რესტორან „თავისუფლების“ პროექტმა „აწარმოე საქართველოს“ ფარგლებში სუბსიდირება მოიპოვა და თიბისის ფინანსური მხარდაჭერაც მიიღო. შემდეგ კი იყო გარუჩავების ოჯახის თავდაუზოგავი შრომა ჩანაფიქრის სისრულეში მოსაყვანად.
თამარი, რომელიც იტალიის ტურინის პოლიტექნიკურ უნივერსიტეტში მექანიკურ ინჟინერიას სწავლობს, დროებით სამშობლოში დაბრუნდა და მთლიანად ახალი საქმით დაკავდა. „ოჯახთან ერთად ბიზნესის კეთება, თანაც როდესაც ჰორეკას სფეროში გამოცდილება არ გაქვს, ძალიან საინტერესო და გამოწვევებით სავსე აღმოჩნდა“.
რესტორნის გახსნაში დიდი როლი აქვს თამარის ძმას, ნიკა გარუჩავას, რომელიც იმასთან ერთად რომ ჰოლანდიაში ცხოვრობს და ამსტერდამში ერთ-ერთი წამყვანი კომპანიის პროგრამისტია, შესანიშნავი გურმანიც აღმოჩნდა. ნიკამ მენიუს შერჩევაში და სამზარეულოს გამართვაში მთელი ძალისხმევა ჩადო, მისი დამსახურებაა, რომ „თავისუფლებაში“ ქართული, ევროპული და აზიური სამზარეულოს მდიდარი და საინტერესო კერძები შეგიძლიათ დააგემოვნოთ, რომელსაც ახალი თაობის მთავარი შეფი ზურა ჩაჩანიძე მოგიმზადებთ. „თავისუფლების“ დესერტიც განსაკუთრებულია, როგორც ნიკა გარუჩავა ამბობს, „აქაური დესერტები ცხოვრებას ცვლის“ და ეს ყველაფერი პარიზელი კონდიტერის რომან ბერნარდის დამსახურებაა.
რესტორანს ერთდროულად 250 ადამიანის მიღება შეუძლია, ამისთვის რამდენიმე განსხვავებული სივრცეა: ტერასა, სავახშმო ადგილი და 11 მეტრიანი ბარი. „თავისუფლებაში“ არის ასევე წვეულებების ოთახი, სადაც მეგობრებთან და ოჯახის წევრებთან ერთად შეგიძლიათ დაბადების დღე ან ნებისმიერი სხვა დღესასწაული აღნიშნოთ.
12:37
ტექსკოლა თიბისის საგანმანათლებლო ინიციატივაა, რომელიც მთელი საქართველოდან უფროსკლასელებს აძლევს შესაძლებლობას გაეცნოს და შეისწავლოს ტექნოლოგიური პროფესიები თიბისის სრული დაფინანსებით. ტექსკოლის მე-4 ...
11:34
„თეგეტა ჰოლდინგის“ თანამშრომლები, მანანა ხინაშვილი და ლევან მამულაშვილი - Forbes 30 UNDER 30-ის გამარჯვებულები არიან. უკვე მეექვსე წელია, Forbes Georgia-ს პროექტი 30 UNDER 30 იმ ახალგაზრდ...
18:27
ტექნოლოგიურ სამყაროში ჰაკათონების პოპულარობა და მნიშვნელობა ელვისებურად იზრდება, რადგან ისინი ინოვაციური იდეების განხორციელების, გუნდური მუშაობისა და კრეატიულობის გამოჩენის შესანიშნავი საშუალებაა. ნებ...
15:10
პროექტი "TBC x USAID ტექნოლოგიური განათლებისთვის’’, რომელიც ქვეყნის ტექნოლოგიური ეკოსისტემის გაძლიერებას ისახავს მიზნად, გრძელდება და კიდევ უფრო მასშტაბურ სახეს იძენს. შემოდგომის ნ...
15:03
სტარტი აიღო Impact Hub Tbilisi-ის სტარტაპ აქსელერატორმა, რომელიც მიზნად ისახავს ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას. შესარჩევ კონკუ...
12:43
ხუთშაბათის შეხვედრები 17 ოქტომბერს, 19:00 საათზე, ქუთაისში დაბრუნდება ახალი სერიით და ამჯერად მრგვალი მაგიდის გარშემო მოწვეული სტუმრები იქნებიან: ანდრო დგებუაძე, გიორგი სიმონგულაშვილი (GEC Consulting...
14:38
15 ოქტომბერს, 17:00 საათზე, სასტუმრო ROOMS-ის საკონფერენციო სივრცეში სტარტს აიღებს Impact Hub Tbilisi-ის სტარტაპ აქსელერატორი, რომელიც მიზნად ისახავს ადგილობრივი ტექნოლოგიური სტარტაპების განვი...
|
კომენტარები