0 2 : 1 2
სარეკლამო ადგილი - 21
620 x 80
 | 

ბიზნესი

თბილისის საერთაშორისო აეროპორტში მომხმარებლებისთვის თიბისი კონცეპტის სივრცე გაიხსნა

თიბისი კონცეპტისა და Primeclass-ის თანამშრომლობის ფარგლებში, თბილისის საერთაშორისო აეროპორტში თიბისი კონცეპტის სივრცე გაიხსნა.  სივრცე თიბისის Concept და WM (დაგროვილი კაპიტალის მართვის) მომხმარებლებს მოემსახურება და მათთვის მოგზაურობისას მეტი კომფორტის და კარგი გარემოს შექმნას ისახავს მიზნად.

თიბისი კონცეპტის სივრცე აერთიანებს ძალიან კომფორტულ გარემოს მგზავრებისთვის, საკვებისა და სასმელის მრავალფეროვან მენიუს, მცირე ბიბლიოთეკას, ჟურნალ-გაზეთებს, სწრაფ ინტერნეტს, ინფორმაციას ფრენებზე და სხვა შეთავაზებებს.

თიბისი კონცეპტის სივრცით ისარგებლებენ  თიბისი კონცეპტის და თიბისი Wealth Management-ის მომხმარებლები, რომლებიც ფლობენ ბარათებს: Visa Infinite, Visa Signature, Visa Platinum, Mastercard World Elite და Mastercard Platinum.  

თიბისის მიზანია პერსონალურ საბანკო მომსახურებაში, ინდივიდუალურად, უფრო მეტი ადამიანისთვის შექმნას დახვეწილი, მაღალი ხარისხის მომსახურება, რომელიც მათ სურვილებთან, საჭიროებებთან და ცხოვრების წესთან იქნება თანხვედრაში და  ცხოვრებას გაუმარტივებს.

„თიბისი მუდმივად ზრუნავს ადამიანებზე, რომ გაუმარტივოს მათ ცხოვრება. ჩვენი მომხმარებლები ბევრს მოგზაურობენ, როგორც საკუთარი ცნობისმოყვარეობის დასაკმაყოფილებლად, ისე ბიზნეს საქმიანობისთვის. თბილისის აეროპორტში თიბისი კონცეპტის სივრცის გახსნით მოგზაურობის პროცესი უფრო სასიამოვნო და მარტივი გახდება. ადამიანებს შეეძლებათ, გაფრენას უფრო წყნარ გარემოში დაელოდონ ან მშვიდად აკეთონ თავიანთი საქმე,“ - თორნიკე გოგიჩაიშვილი, თიბისის გენერალური დირექტორის მოადგილე.

“მგზავრებმა ჩვენთან თავი კომფორტულად უნდა იგრძნონ - ეს ჩვენი ერთ-ერთი მთავარი ამოცანაა, ამიტომ მივესალმებით Primeclass Lounge-ში ახალი სივრცის გახსნას. ვიმედოვნებთ, რომ ჩვენი სტუმრები ისიამოვნებენ ამ ახალ სივრცეში თავიანთი მოსვლით და გამგზავრებამდე სასიამოვნო ლოდინის გამოცდილება ექნებათ,”  - თეა ზაქარაძე, TAV Georgia-ს გენერალური მენეჯერი.

"ჩვენთვის საინტერესოა თიბისი ბანკთან ერთად ახალი მოგზაურობის დაწყება. როგორც TAV -ის საოპერაციო სერვისები, ჩვენ ვმასპინძლობთ წელიწადში 5 მილიონზე მეტ ადამიანს, 19 ქვეყანის თითქმის 80-მდე ლაუნჯში. ჩვენ ახლახან განვახორციელეთ რამდენიმე თანამშრომლობა სხვადასხვა ინდუსტრიის პარტნიორებთან. ვაპირებთ, რომ  ეს თანამშრომლობა მომავალ წლებში კიდევ უფრო გავაფართოვოთ. ჩვენი საერთაშორისო გამოცდილებისა და ცოდნის გამოყენებით მომხმარებლებს საუკეთესო სერვისს შევთავაზებთ ამ ახალ და საინტერესო სივრცეში, რომელიც განვახორციელეთ თიბისისთან, საქართველოს ერთ-ერთ წამყვან ბანკთან ერთად. აეროპორტის მასპინძლობაში ჩვენთვის დიდი პატივია ვიყოთ თიბისის რჩეული პარტნიორი,“ – გუჩლუ ბატკინი, TAV-ის საოპერაციო სერვისების აღმასრულებელი დირექტორი.

სივრცე, რომელიც თიბისის მოგზაურ მომხმარებლებს 31 ოქტომბრიდან მოემსახურება და მგზავრობისას უფრო მეტ კომფორტს შეუქმნის მათ, თიბისის უკვე არსებული ფორმატის, მარჯანიშვილის 7-ში მდებარე თიბისი კონცეპტის მულტიფუნქციური სივრცის ანალოგიურად შეიქმნა.

 

TAV საოპერაციო სერვისების შესახებ

TAV საოპერაციო სერვისები, TAV Airports Holding-ისა და Groupe ADP-ის შვილობილი კომპანია, არის აეროპორტებისა და ტურისტული მასპინძლობის სერვისების წამყვანი გლობალური პროვაიდერი. კომპანია ფუნქციონირებს 19 ქვეყანაში, სადაც 80-მდე ლაუნჯის მეშვეობით სთავაზობს  პრემიუმ მგზავრთა მომსახურების ფართო სპექტრს. TAV საოპერაციო სერვისების პორტფოლიო მოიცავს პრემიუმ და დამხმარე სერვისებს, როგორიცაა Meet & Greet, Fast Track, Loyalty Platform და Commercial Area Management TAV-ის ბრენდის აეროპორტებში. კომპანია ემსახურება გლობალური ბრენდის არქიტექტურას, მათ შორის Primeclass, TAV Passport, Tavport.com, LoungeMe, Airporteasy.com და HelloSky Air Rooms. TAV საოპერაციო სერვისები მიზნად ისახავს სტუმრებს მიაწოდოს მომხმარებელთა უწყვეტი მოგზაურობა ყველა შეხების წერტილში.

 

 

კომენტარები

მსგავსი სიახლეები

  • 12:37

    თიბისის ტექსკოლაში 600-მა უფროსკლასელმა ტექნოლოგიე...

    ტექსკოლა თიბისის საგანმანათლებლო ინიციატივაა, რომელიც მთელი საქართველოდან უფროსკლასელებს აძლევს შესაძლებლობას გაეცნოს და შეისწავლოს ტექნოლოგიური პროფესიები თიბისის სრული დაფინანსებით. ტექსკოლის მე-4 ...

  • 11:34

    „თეგეტა ჰოლდინგის“ 2 თანამშრომელი Forbes 30 UNDER ...

    „თეგეტა ჰოლდინგის“ თანამშრომლები, მანანა ხინაშვილი და ლევან მამულაშვილი - Forbes 30 UNDER 30-ის გამარჯვებულები არიან. უკვე მეექვსე წელია, Forbes Georgia-ს პროექტი 30 UNDER 30 იმ ახალგაზრდ...

  • 18:27

    თიბისის ტექ ჰაკათონი ინოვაციური იდეებისთვის — შევხ...

    ტექნოლოგიურ სამყაროში ჰაკათონების პოპულარობა და მნიშვნელობა ელვისებურად იზრდება, რადგან ისინი ინოვაციური იდეების განხორციელების, გუნდური მუშაობისა და კრეატიულობის გამოჩენის შესანიშნავი საშუალებაა. ნებ...

  • 15:10

    „TBC x USAID ტექნოლოგიური განათლებისთვის“: 800-ზე...

    პროექტი "TBC x USAID ტექნოლოგიური განათლებისთვის’’, რომელიც ქვეყნის ტექნოლოგიური ეკოსისტემის გაძლიერებას ისახავს მიზნად, გრძელდება და კიდევ უფრო მასშტაბურ სახეს იძენს.  შემოდგომის ნ...

  • 15:03

    Impact Hub Tbilisi-ის სტარტაპ აქსელერატორი იწყება...

    სტარტი აიღო Impact Hub Tbilisi-ის სტარტაპ აქსელერატორმა, რომელიც მიზნად ისახავს ადგილობრივი ტექნოლოგიური სტარტაპების განვითარებას და მათთვის ინვესტიციის მოზიდვის შესაძლებლობის გაზრდას. შესარჩევ კონკუ...

  • 12:43

    თიბისი ბიზნესის პანელური დისკუსიების სერია - ხუთშა...

    ხუთშაბათის შეხვედრები 17 ოქტომბერს, 19:00 საათზე, ქუთაისში დაბრუნდება ახალი სერიით და ამჯერად მრგვალი მაგიდის გარშემო მოწვეული სტუმრები იქნებიან: ანდრო დგებუაძე, გიორგი სიმონგულაშვილი (GEC Consulting...

  • 14:38

    Impact Hub Tbilisi-ის სტარტაპ აქსელერატორი იწყება...

      15 ოქტომბერს, 17:00 საათზე, სასტუმრო ROOMS-ის საკონფერენციო სივრცეში სტარტს აიღებს Impact Hub Tbilisi-ის სტარტაპ აქსელერატორი, რომელიც მიზნად ისახავს ადგილობრივი ტექნოლოგიური სტარტაპების განვი...