|
ჟურნალისტი ლაშა ბერულავა "ფეისბუქის" საკუთარ გვერდზე, კემეროვოში მომხდარ ტრაგედიაზე წერს:
"გამოცხადებული ჯოჯოხეთის ქრონიკა - მამის ნაამბობი, რომელსაც სამი ქალიშვილი ცოცხლად დაეწვა.
(სუსტი ნერვების მქონეებმა არ წაიკითხოთ, მე მოვკვდი, სანამ ვთარგმნიდი...)
კემეროვოში, სავაჭრო ცენტრის დარბაზში ალექსანდრეს სამი ქალიშვილი ცოცხლად დაიწვა. ტყუპები 11-ის, ხოლო უმცროსი - 5 წლის იყვნენ. ალექსანდრეც იქვე იყო, მაგრამ გადარჩა.
როგორც ის ჰყვება, კვირას ქალიშვილები სავაჭრო ცენტრის მეოთხე სართულზე მდებარე კინოთეატრში მიიყვანა, უყიდა მათ ბილეთი მულტფილმ "შერლოკ გნომსის" სეანსზე, თითოეულს ასევე უყიდა პოპკორნი, მიაცილა დარბაზამდე და ჩავიდა პირველ სართულზე, რათა სეანსის დასრულებას დალოდებოდა.
სეანსი 14:40-ზე დაიწყო, საათნახევრის შემდეგ კი ერთერთმა გოგონამ დაურეკა მამას და უთხრა, რომ დარბაზში კვამლი დგას, ხოლო დებთან ერთად გარეთ ვერ გამოდის, რადგან კარები ჩაკეტილია.
ალექსანდრე მაშინვე საშველად გავარდა - ამ დროს შენობაში უკვე ყველგან კვამლი იყო.
"კიბეზე ავრბოდი, ვიღაცამ ხელში სველი ტილო ჩამიდო, ცხვირზე მივიფარე. მეოთხეზე რომ ავირბინე, მაშინვე ფანჯარა ჩვამსხვრიე, რომ კვამლი გარეთ გასულიყო და წევა ზემოთ ყოფილიყო მიმართული, შემდეგ კი დავეცი. დავიწყე ხოხვა, ვხვდებოდი, რომ ძალა მეცლებოდა, მომწამვლელ გაზს ვსუნთქავდი, გონება მებინდებოდა.
ჩემი ქალიშვილი განუწყვეტლივ მირეკავდა და მირეკავდა. მე მხოლოდ იმას ვუყვიროდი ტელეფონში, რომ ეცადა დარბაზიდან გამოსვლა, მაგრამ სხვა არაფრის გაკეთება აღარ შემეძლო - წინ უკვე ცეცხლი იყო".
როცა შვილებამდე მიღწევა ვერ შეძლო, ალექსანდრე ქვემოთ გაიქცა, რომ დასახმარებლად მაშველები მოეყვანა. ქუჩაში მან მაშველთა პირველი ბრიგადა დაინახა, ისინი ცეცხლის ჩაქრობას ზემოდან აპირებდნენ.
"მე მათ ვუთხარი, რომ მეოთხე სართულზე ბავშვები კინოთეატრის დარბაზში არიან ჩაკეტილი და ჯერაც ცოცხლები არიან, საჭიროა მათი გამოყვანა. ისინი დამეთანხმნენ, მაგრამ მთელი სამი, გესმით? მთელი სამი წუთი აირწინაღების ჩამოცმას მოუნდნენ. მე მათ კიბე ვაჩვენე, საიდანაც ყველაზე სწრაფად აირბენდნენ კინოთეატრამდე და თავდაპირველად გამომყვნენ, მაგრამ მერე ვიღაც კაცმა დაიყვირა, ცენტრალურ კიბეზე ცეცხლიაო და ისინი მას გაჰყვნენ... შევეხვეწე - "ერთი აირწინაღი მომეცით, მე თვითონ გამოვიყვან მათ", მაგრამ მათ მითხრეს: "არ შეიძლება, ყველაფერი წესის მიხედვით უნდა მოხდეს..." - და ჩემი ქალიშვილები ცოცხლად დაიწვნენ, ამ წესების გამო..."- წერს ლაშა ბერულავა სოციალურ ქსელში.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები