|
“მე მჯერა პარტია “ლელოს” წარმატების, რადგან მისმა დამფუძნებლებმა მამუკა ხაზარაძემ და ბადრი ჯაფარიძემ ყველაზე პატარა ბიზნესებიდან გიგანტური ბიზნესები შექმნეს ჩვენს ქვეყანაში. ”-ამის შესახებ პარტიის ერთ-ერთ ღონისძიებაზე
სამგორის მაჟორიტარი დეპუტატობის კანდიდატის ფიქრია ჩიხრაძის მეგობარმა და “ლელოს” მხარდამჭერმა დავით გამყრელიძემ განაცხადა.
მისივე თქმით, “ლელოს” აქვს სწორი ხედვა, რომ პარტია და პოლიტიკური ასპარეზი ახალგაზრდებს დაუთმო.
“ყველა პროექტი, რომელიც მამუკას და ბადრის წამოუწყია, არის წარმატებული და დარწმუნებული ვარ, პარტიაც ასეთივე წარმატებული იქნება, რადგან “ლელოს” აქვს ყველაზე სწორი მიდგომა ახალგაზრდების პოლიტიკაში შემოყვანის მხრივ. პარალელურად, პარტიას ჰყავს წლების გამოცდილი პოლიტიკოსები და ეს ყველაზე გონივრული მიდგომა. მე არ მეგულება ისეთი ადამიანი, რომელიც ჩვენი ქვეყნის ლარს და ეკონომიკას დაძრავს, ვიდრე ბადრი ჯაფარიძეა. არ მეგულება ჩვენი ქვეყნის უცხოელ
პარტნიორებთან მომლაპარაკებელი იმაზე კარგი, ვიდრე დავით უსუფაშვილია და ასე დაუსრულებლად შემიძლია ვისაუბრო ამ გუნდზე. 8 წელია, წამოვედი პოლიტიკიდან და დღესაც მეკითხებიან, გვეშველება თუ არა რამე. ყველას გიპასუხებთ, თუ მივალთ არჩევნებზე და შემოვხაზავთ 56-ს, ნამდვილად გვეშველება,”- განაცხადა გამყრელიძემ.
დავით გამყრელიძემ სამგორის მაჟორიტარობის კანდიდატ ფიქრია ჩიხრაძეზეც ისაუბრა და მისი პოლიტიკური წარსული გაიხსენა.
“8 წელია, რაც პოლიტიკიდან წავედი და საჯარო აქტიურობაც შევწყვიტე, დღეს კი ობიექტური მიზეზის გამო ეს პირობა დავარღვიე და ახლა თქვენ წინაშე ვარ. დღეს ვარ ჩემი უახლოესი მეგობრისა და წლების განმავლობაში თანამებრძოლის, ფიქრია ჩიხრაძის ოლქში და ვესწრები მის წარდგენას. მე ფიქრია მახსოვს, როგორ იბრძოდა რუსი გენერლების წინააღმდეგ, როდესაც დავით გარეჯს ესროდნენ. ერთად ალყაშემორტყმულ სოხუმშიც აღმოვჩნდით. ამ ყველაფერს იმიტომ ვყვები, რომ ეს ადამიანი არის ნამდვილი მებრძოლი და პატრიოტი საკუთარი ქვეყნის. არავის არ სჯეროდა, რომ 2002 წელს, როდესაც გვქონდა მოსაზრება, გაგვეტანა პარლამენტში რეზოლუცია ნატოში საქართველოს გაწევრიანების შესახებ, ფიქრია იყო ადამიანი, რომელსაც სჯეროდა, რომ ეს გავიდოდა და მართლაც, ერთი მოსმენით მიიღო პარლამენტმა. მე მახსოვს, როგორ იბრძოდა სასამართლოში და ქუჩაში სანდრო გირგვლიანის მკვლელების დასასჯელად და მახსოვს ბევრი რამ, რაც ამ ადამიანს გაუკეთებია. სრული პასუხისმგებლობით ვაცხადებ, რომ ქართულ პოლიტიკაში არცერთი პოლიტიკოსი არ მეგულება ისეთი პოლიტიკური გამოცდილებით და სუფთად გავლილი გზით, როგორითაც ხელახლა მოდის პოლიტიკაში ფიქრია ჩიხრაძე,”-აცხადებს გამყრელიძე.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები