|
მეათე მოწვევის პარლამენტი 120/30 პროპორციული და მაჟორიტარული სისტემით არჩეული დეპუტატისგან დაკომპლექტდება. საარჩევნო სისტემის ცვლილებაზე კონსტიტუციური კანონის პროექტს 117-მა დეპუტატმა დაუჭირა მხარი, 3 კი კანონპროექტის ცვლილების წინააღმდეგია.
საარჩევნო სისტემის ცვლილებაზე ისაუბრა „ლელო საქართველოსთვის“ ლიდერმა ბადრი ჯაფარიძემ. მისი თქმით, საკონსტიტუციო ცვლილების დაკანონება შეუძლებელი იქნებოდა ქართველი საზოგადოების უშუალო ჩართულობის გარეშე, ოპოზიციური ძალების გაერთიანების და საერთაშორისო თანამეგობრობის მონაწილეობის გარეშე.
„Მინდა გითხრათ, რომ დღეს მოხდა ძალიან მნიშვნელოვანი ფაქტი ჩვენი ქვეყნის პოლიტიკურ ცხოვრებაში. Მიღებულია კონსტიტუციური ცვლილებები, რაც ბევრად აუმჯობესებს საქართველოს საარჩევნო სისტემას. ეს ცვლილება შეუძლებელი იქნებოდა ქართველი საზოგადოების უშუალო ჩართულობის და ოპოზიციური ძალების გაერთიანების გარეშე. დღეს არ გვაქვს სრულად პროპორციული სისტემა, მაგრამ დღევანდელი საკონსტიტუციო ცვლილებებით ჩვენ მივიღებთ იმ სისტემას, რომელიც არის მაქსიმალურად დაახლოებული პროპორციულთან,“-განაცხადა ბადრი ჯაფარიძემ.
„ლელოს“ ლიდერმა ასევე ყურადღება გაამახვილა, თუ რა როლი შეასრულა ოპოზიციამ საკონსტიტუციო ცვლილებების მიღების პროცესში:
„ოპოზიციამ მოახერხა, რომ ხელისუფლებას ხელი მოეწერა 8 მარტის შეთანხმების საკონსტიტუციო ცვლილებებზე. ეს არ იყო შეთანხმება, რომელიც ძალიან უნდოდა „ქართულ ოცნებას“, Ეს იყო როგორც ოპოზიციისა და საზოგადოების ძალისხმევის, ასევე საერთაშორისო მეგობრების და სტრატეგიული პარტნიორების ჩართულობის შედეგი.
თქვენთვის ცნობილია, რომ მათ არაერთხელ მოატყუეს საზოგადოება, როდესაც პროპორციულ არჩევნებზე აღებული ვალდებულება გადათქვეს. აღნიშნული შეთანხმება იყო კოლექტიური შრომის ნაყოფი - ქართულმა საზოგადოებამ, გაერთიანებულმა ოპოზიციამ და საერთაშორისო პარტნიორების ჩართულობის ფაქტორმა დიდი როლი ითამაშა იმაში, რომ „ქართულმა ოცნებამ“ ხელი მოაწერა ამ შეთანხმებაზე. რა თქმა უნდა, თავისთავად ის ფაქტი, რომ პირველი მოსმენით მიღებისას კენჭისყრაში ჩართული იყო ერთ-ერთი მნიშვნელოვანი ოპოზიციური ძალა, ამან კიდევ უფრო შეამცირა კონსტიტუციური ცვლილებების ჩავარდნის რისკები.
ამიტომ, მე ვფიქრობ, დღევანდელი შედეგისთვის პირველ რიგში მადლობა უნდა გადავუხადოთ საქართველოს საზოგადოებას, რომელიც მუდმივად, დაჟინებით ითხოვდა ცვლილებებს დღევანდელ დღემდე არსებულ საარჩევნო სისტემაში. რა თქმა უნდა, კარგია, რომ საქართველოს მოქმედმა ხელისუფლებამ, დღევანდელმა მმართველმა ძალამ ვალდებულებების ეს ნაწილი შეასრულა, თუმცა ამავე დროს, უნდა ითქვას, რომ არა 8 მარტის შეთანხმება და ოპოზიციის გაერთიანებული ძალისხმევა, დღევანდელ ცვლილებები ვერ განხორციელდებოდა.“- განაცხადა ბადრი ჯაფარიძემ.
საქართველოში ბინების თანდათანობითი გაიაფების ტენდენცია გრძელდება. მიგრანტების გადინებამ და შემცირებულმა მოთხოვნამ უძრავი ქონების გაიაფებას შეიწყო ხელი. გაიაფება განსაკუთრებით საშუალო კლასის ბინებს შეე...
ცნობილი გახდა, რომ თბილისში, ტრანსგედერი ქალი, კესარია აბრამიძე მოკლული იპოვეს - ამის შესახებ ინფორმაცია შინაგან საქმეთა სამინისტროში დაუდასტურეს. შსს ადასტურებს, რომ 37 წლის ქა...
15:15
"დღეს, 3 სექტემბერს, თბილისში, დიდუბე-ავჭალის მონაკვეთზე მომხდარი სარკინიგზო შემთხვევის გამო გარდაიცვალა საქართველოს რკინიგზის ორი თანამშრომელი, რომლებიც გეგმიურ სამუშაოებს ასრულებდნენ. ამ დროისთვის გ...
14:36
თბილისში, ფეიქრებთან მატარებელი სამუშაო პლატფორმას დაეჯახა. შემთხვევის შედეგად დაღუპულია 2 ადამიანი, სავარაუდოდ იქ მომუშავე მუშები. მატარებელი ბათუმიდან თბილისის მიმართულებით მოძრაობდა. წინასწარი...
13:38
პროკურატურის განცხადებით, 52 მოქალაქისთვის უხარისხოდ აშენებული საცხოვრებელი ფართების გადაცემის ფაქტზე ერთ პირს ბრალდება წარუდგინეს. საუბარია შპს "თორის" დამფუძნებელზე. გამოძიების ცნობით, კომპანიამ&nbs...
11:37
დედაქალაქის მერის, კახა კალაძის განცხადებით, სექტემბრიდან, საბავშვო ბაგა-ბაღების აღსაზრდელებს ახალი სათამაშოები და სხვა მეთოდური მასალები დახვდებათ, რისთვისაც სააგენტოს ბიუჯეტიდან 1 მილ...
13:38
"ივლისში სხვანაირი მზე ამოგვიბრწყინდა... (შეპირებული წერილი შვილს) "ოთხი წელი გავიდა შენი დაბადებიდან, ჩემო - პირმომღიმარო.და როგორც შეგპირდი, მე ისევ წერილს გწერ. რადგან, როგორც დაბადებისას გითხარი, ...
|
კომენტარები