|
მას შემდეგ, რაც საქართველოს შინაგან საქმეთა ყოფილი მინისტრი, ვანო მერაბიშვილი 20 თებერვალს საპატიმროდან გათავისუფლდა იგი კიევში ჩაფრინდა და მიხეილ სააკაშვილს შეხვდა, - ამის შესახებ საქართველოს მესამე პრეზიდენტმა ისაუბრა უკრაინელ ჟურნალისტ დმიტრი გორდონთან ინტერვიუში.
სატელევიზიო პროგრამაში „სტუმრად დმიტრი გორდონთან", რომელიც იუთუბის არხით გადაიცემოდა, სააკაშვილმა აღნიშნა, რომ საპატიმროში მერაბიშვილს საქართველოს ხელისუფლების წარმომადგენლებმა რამდენჯერმე შესთავაზეს, რომ მიეცა ჩვენება მის წინააღმდეგ, რაზეც ყოფილმა მინისტრმა უარი თქვა.
„მას შემდეგ, რაც [მერაბიშვილი] გაათავისუფლეს, იგი ჩამოვიდა ჩემთან. მე მას შევხვდი. იგი ჩემთან სახლში მოვიდა. მე მას ვუთხარი: ვანო, დიდი მადლობა, რომ შენ არ უღალატე ჩვენს მეგობრობას და ჩემზე არაფერი არ დაწერე. მან მიპასუხა, სამადლობელი არაფერია. მე ეს შენთვის არ გამიკეთებია. უბრალოდ მე ცხოვრებაში სარკეში ვეღარასოდეს ჩავიხედავდი და საკუთარი თავის პატივისცემა აღარ მექნებოდა. ეს მე ჩემთვის გავაკეთეო“, - განაცხადა მიხეილ სააკაშვილმა.
ვანო მერაბიშვილი, სააკაშვილის თქმით, ამჟამად საქართველოშია, იბრძვის და ემზადება გამარჯვებისათვის ქართველ ხალხთან ერთად.
„მე ამაში დარწმუნებული ვარ. არჩევნები, კლასიკური გაგებით, არ იქნება, მაგრამ ხალხი უბრალოდ მათ გაგლეჯს“, - დასძინა მიხეილ სააკაშვილმა.
7 მაისს, უკრაინის პრეზიდენტმა ვოლოდიმირ ზელენსკიმ მიხეილ სააკაშვილი დანიშნა რეფორმების აღმასრულებელი კომიტეტის თავმჯდომარედ, რასაც საქართველოს ხელისუფლების უკმაყოფილება და კიევიდან საქართველოს ელჩის კონსულტაციისთვის გაწვევა მოჰყვა.
მანამდე ცოტა ხნით ადრე, უკრაინის პრეზიდენტმა ვოლოდიმირ ზელენსკიმ განცხადა, რომ ის განიხილავდა რეფორმების საკითხებში ვიცე-პრემიერად მიხეილ სააკაშვილის დანიშვნის შესაძლებლობას, მაგრამ მმართველი პარტია „ხალხის მსახურის“ საპარლამენტო ფრაქციამ ამას მხარი არ დაუჭირა.
წყარო: https://www.radiotavisupleba.ge/a/30686955.html
18:07
"ორბანი დღეს მიემგზავრება საქართველოში... სავარაუდოდ, რომ აჩვენოს მისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენ...
15:17
„თქვენ ხედავთ, უმძიმეს მდგომარეობაშია ოპოზიცია, კამპანიებს არ ატარებენ, არც სოფლებში დადიან, არც უბნებში დადიან, კამპანიას არ ატარებენ, შეკრებებს ვერ ატარებენ, სკამებით ატარებენ შეკრებებს. როცა ...
19:13
ქართველები ისევ ისტორიას წერენ! დღეს ათიათასობით ადამიანი მართავს დემონსტრაციას თავისუფალი, დემოკრატიული და ევროპული საქართველოსთვის. თბილისი ევროპის ნამდვილი დედაქალაქია. გმადლობ! - ასე ეხმაურება&nbs...
19:51
"ქართული ოცნების" საპატიო თავმჯდომარე, ბიძინა ივანიშვილი პარტიის საარჩევნო კამპანიის რეგიონულ ღონისძიებაზე ქუთაისში სიტყვით გამოვიდა. ივანიშვილის თქმით,სწორედ „ქართული ოცნების“ სწორი ...
19:40
„ქართული ოცნების“ გენერალურმა მდივანი, კახა კალაძე გერმანიის საგარეო საქმეთა მინისტრის მოადგილის, ანა ლიურმანის კრიტიკულ განცხადებას გამოეხმაურა და თქვა, რომ „ამ ტიპის გან...
14:48
დედაქალაქის მერისთვის ევროპარლამენტარების შეფასებები მისაღები არ არის. როგორც კახა კალაძე განმარტავს მათი ქმედებები არაფრით განსხვავდება საბჭოთა კავშირისგან. „რისთვის ვიბრძოლეთ? იმისთვის, ...
16:24
"ვიღაცას არ მოეწონა, შემზარავია და უიმე რა მძიმეა, ამის გამო არ გაუშვა, წარმოუდგენელია. კატეგორიულად მიუღებელია ამ ტიპის დამოკიდებულება, თუნდაც ევროკავშირის ელჩის მხრიდან ამ ტიპის განცხადებები. წარმო...
|
კომენტარები