|
„ზესტაფონში არის კორუფცია, რომელსაც უკან უდგას უდიდესი კლანი და მას მთავრობა ხელს აფარებს“-ამის შესახებ „ლელო საქართველოსთვის“ ლიდერმა მამუკა ხაზარაძემ ზესტაფონის ოფისის გახსნისას განაცხადა.
„ლელოს“ ლიდერმა ადგილობრივ მოსახლეობას მიმართა და დაპირდა, რომ ქალაქში იმ კორუფციას დაასრულებს, რომლითაც მხოლოდ ერთეული ოჯახები ითბობენ ხელს.
„ ჩვენ არ გვაქვს მისათვისებელი ქვეყანა, რომელსაც დღეს მაფიოზური კლანები ითვისებენ. მოღალატე მთავრობის ადგილი ქვეყნის სათავეში არ არის.
ის ქმედებები, რაც ზესტაფონში ბიზნესის სახელსაა ამოფარებული, ბიზნესი არ არის. მე და ბადრის წლების განმავლობაში სხვანაირად გვაქვს საქმე გაკეთებული, სხვა სახის ბიზნესი გვაქვს შექმნილი, სადაც ადამიანი დაცული იყო, სადაც მას ჰქონდა ყველა ის პირობა, რომელიც ღირსეული შრომის უფლებას აძლევდა.
ამ მაფიამ კი ე.წ ჰიბრიდი გააკეთა, გააერთიანა კერძო, სახელმწიფო და დროებითი მმართველობა, მხოლოდ იმიტომ, რომ ზესტაფონიდან მიღებული თანხები ერთეულების ოჯახებში გადანაწილებულიყო. ჩვენ ამ მიდგომას ძირფესვიანად შევცვლით. ბიძინა ივანიშვილს, მამაცაშვილებს ფარცხალაძეებს და მაფიის სხვა წევრებს იმ საქართველოს, რომელიც ჯიბეში ჩაიდეს, ამოვუღებთ ჯიბიდან,“-განაცხადა მამუკა ხაზარაძემ.
„ლელომ“ ქალაქ ზესტაფონში რიგით 22-ე წარმომადგენლობა გახსნა. პარტიის ლიდერები ადგილობრივ მოსახლეობას შეხვდნენ და მათთან ერთად ყველა ის საკითხი გაიარეს, რომელიც რეგიონს აწუხებს და რისი მოგვარებაც არჩევნების შემდეგ პრიორიტეტია ადგილობრივებისთვის.
„ზესტაფონელები პოზიტიურად დაგვხვდნენ და მათი მხრიდან ნამდვილად იგრძნობა მოტივაცია. მოტივაცია კი ოქტომბრიდან ახალი ცხოვრების დაწყებას გულისხმობს, რომელსაც „ლელოსთან“ ერთად დაიწყებენ. „ლელო საქართველოსთვის" იქნება ავანგარდში და საქართველოში დაიწყება აღმშენებლობა, რაც თავისთავად სიღარიბისა და უმუშევრობის დამარცხებას გულისხმობს. იმ რეფორმების საფუძველზე კი, რომელიც ჩვენს პარტიას გააჩნია, ქართველი ადამიანი დადგება ფეხზე. ეს არის ჩვენი გამოწვევა და მიზანი, რომელსაც განვახორციელებთ,“-განაცხადა მამუკა ხაზარაძემ.
ამასთან, „ლელოს“ ლიდერმა მოსახლეობას ერთი იდეის გარშემო გაერთიანებისკენ მოუწოდა, რომელიც შექმნის ჯანსაღ სახელმწიფოს. მამუკა ხაზარაძის განცხადებით, ოქტომბრიდან დაიწყება ქვეყნის აღმშენებლობისთვის ბრძოლა და ამ ბრძოლის სათავეში „ლელო“ იდგება.
R
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები