|
ოპოზიცია საკონსტიტუციო ცვლილებებს მხარს არ დაუჭერს, თუ პოლიტპატიმარი გიორგი რურუა საპატიმროს არ დატოვებს - ამის შესახებ ოპოზიციის ლიდერები აცხადებენ.
იმის მიუხედავად, რომ საკონსტიტუციო ცვლილებების საყოველთაო განხილვა ხვალიდან იწყება, ოპოზიცია არც ამ პროცესში ჩართვას აპირებს.
ველოდებით გიორგი რურუას გათავისუფლებას და ამის შემდეგ ჩავერთვებით პროცესში. წინააღმდეგ შემთხვევაში, შეთანხმება არ იქნება შესრულებული და მთელი პასუხისმგებლობა დაეკისრება ხელისუფლებას მოსალოდნელ პოლიტიკურ შედეგებზე. თუ საკონსტიტუციო ცვლილებები კონსესუსით არ იქნა მიღებული ხელისუფლებას ბევრი პრობლემა შეექმნება, როგორც შიგნიდან, ისე გარედან, - ამბობს "ნაციონალური მოძრაობის" ერთ-ერთი ლიდერი რომან გოცირიძე.
"ევროპულ საქართველოშიც" აცხადებენ, რომ პირველი რიგის საკითხი შეთანხმების იმ პუნქტის შესრულებაა, რომელიც პოლიტიკური პატიმრების გათავისუფლებას გულისხმობს. სერგი კაპანაძის თქმით, მხოლოდ ამ პირობის შესრულების შემდეგ ჩაერთვებიან საერთო სახალხო განხილვაში და ცვლილებებსაც მხარს დაუჭერენ.
დამოუკიდებელი დეპუტატი დიმიტრი ცქიტიშვილი ამბობს, რომ 8 მარტის ისტორიული შეთანხმების ჩაშლის შემთხვევაში პასუხისმგებლობა ორივე მხარეს დაეკისრება. ცქიტიშვილის თქმით, ის საკონსტიტუციო ცვლილებებს მხარს დაუჭერს.
ერთი მხარე ცდილობს შეთანხმების ერთი ნაწილი არ შეასრულოს, მეორე მხარე ცდილობს, შეთანხმების მეორე ნაწილი არ შეასრულოს. საბოლოო ჯამში, თუ საქმე და ქვეყნის ინტერესი დაზარალდა, ორივე მხარე იქნება დამნაშავე, - ამბობს იგი.
საპარლამენტო უმრავლესობაში კი აცხადებენ, რომ ოპოზიციას არ სურს ახალ საარჩევნო სისტემაზე გადასვლა, რადგან იციან, რომ 2020 წლის არჩევნებს ამ სისტემითაც ვერ მოიგებენ.
18:07
"ორბანი დღეს მიემგზავრება საქართველოში... სავარაუდოდ, რომ აჩვენოს მისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენ...
15:17
„თქვენ ხედავთ, უმძიმეს მდგომარეობაშია ოპოზიცია, კამპანიებს არ ატარებენ, არც სოფლებში დადიან, არც უბნებში დადიან, კამპანიას არ ატარებენ, შეკრებებს ვერ ატარებენ, სკამებით ატარებენ შეკრებებს. როცა ...
19:13
ქართველები ისევ ისტორიას წერენ! დღეს ათიათასობით ადამიანი მართავს დემონსტრაციას თავისუფალი, დემოკრატიული და ევროპული საქართველოსთვის. თბილისი ევროპის ნამდვილი დედაქალაქია. გმადლობ! - ასე ეხმაურება&nbs...
19:51
"ქართული ოცნების" საპატიო თავმჯდომარე, ბიძინა ივანიშვილი პარტიის საარჩევნო კამპანიის რეგიონულ ღონისძიებაზე ქუთაისში სიტყვით გამოვიდა. ივანიშვილის თქმით,სწორედ „ქართული ოცნების“ სწორი ...
19:40
„ქართული ოცნების“ გენერალურმა მდივანი, კახა კალაძე გერმანიის საგარეო საქმეთა მინისტრის მოადგილის, ანა ლიურმანის კრიტიკულ განცხადებას გამოეხმაურა და თქვა, რომ „ამ ტიპის გან...
14:48
დედაქალაქის მერისთვის ევროპარლამენტარების შეფასებები მისაღები არ არის. როგორც კახა კალაძე განმარტავს მათი ქმედებები არაფრით განსხვავდება საბჭოთა კავშირისგან. „რისთვის ვიბრძოლეთ? იმისთვის, ...
16:24
"ვიღაცას არ მოეწონა, შემზარავია და უიმე რა მძიმეა, ამის გამო არ გაუშვა, წარმოუდგენელია. კატეგორიულად მიუღებელია ამ ტიპის დამოკიდებულება, თუნდაც ევროკავშირის ელჩის მხრიდან ამ ტიპის განცხადებები. წარმო...
|
კომენტარები