|
ექსპერტი გია ნოდია აფასებს, რას ნიშნავს საქართველოსთვის სააკაშვილის დანიშვნა უკრაინაში რეფორმების საბჭოს აღმასრულებელი კომიტეტის თავმჯდომარედ:
“უპირველეს ყოვლისა, ეს არის ჩვენი ხელისუფლებისთვის კიდევ ერთი სიმბოლური სილის გაწვნა. ეს აჩვენებს, რომ ქართული სასამართლოს გადაწყვეტილებებს ხელისუფლების პოლიტიკური ოპონენტების წინააღმდეგ (ეს მარტო პირადად სააკაშვილს არ ეხება) სერიოზულად არავინ აღიქვამს: არა მხოლოდ უკრაინის მთავრობა, არამედ მთლიანად დემოკრატიული სამყარო. ეს, ცხადია, ისედაც ვიცოდით, მაგრამ ეს კონკრეტული ჟესტი ხელისუფლებისთვის განსაკუთრებით მტკივნეულია.
მისი მძაფრი რეაქცია ფსიქოლოგიურად გასაგებია, მაგრამ უაღრესად სულელურია.
იმის თქმა, რომ ამის გამო საქართველოს და უკრაინის ურთიერთობა სერიოზულად დაზარალდება, გადაჭარბებაა: ჩვენი ხელისუფლება ისედაც სისტემურად არიდებდა თავს უკრაინასთან ახლო თანამშრომლობას. ეს სერიოზული პრობლემაა, მაგრამ ამ ეტაპზე გასაფუჭებელი ბევრი არაფერია.
უკრაინის პოზიციიდან გაცილებით უფრო მნიშვნელოვანია, რომ ეს არის სილის გაწვნა რუსეთისთვის, პირადად პუტინისთვის. მაგრამ უკრაინა ამაზე წავიდა, მოუხედავად იმისა, რომ ზელენსკის თითქოს უფრო ფრთხილი პოლიტიკა ჰქონდა რუსეთის მიმართ. ეს აღსანიშნავია.
საქართველოს რომ დავუბრუნდეთ, საქართველოს შიდა პოლიტიკისთვის ამ დანიშვნას დიდი მნიშნელობა არა აქვს. ცხადია, ნაციონალური მოძრაობის მომხრეებისთვის ეს ფსიქოლოგიურად სასიამოვნო ფაქტია, მაგრამ ამის მიღმა ის ბევრს არაფერს იძლევა.
ერთადერთი შედარებით მნიშვნელოვანი შედეგი შეიძლება იყოს ის, რომ სააკაშვილი საჯაროდ ნაკლებ აღმოჩნდება ჩართული ქართულ პოლიტიკაში. არ ვიცი, რა პირობით დანიშნა მიშა ზელენსკიმ იქ, სადაც დანიშნა, მაგრამ ლოგიკურია, ერთ-ერთი წინაპირობა ყოფილიყო, რომ ის ღიად აღარ ჩართულიყო ქართულ პოლიტიკაში. არაფორმალური კონტაქტები, სავარაუდოდ, დარჩება, მაგრამ მაინც მგონია, რომ ნაციონალურ მოძრაობას უფრო მეტად დასჭირდება, სააკაშვილისგან დამოუკიდებლად იმოქმედოს (თუმცა მიშა სიმბოლურ „დროშად“ დარჩება).
ბოლოს, მიხეილ სააკაშვილს მის ახალ როლში წარმატებას ვუსურვებ, მაგრამ რეალურად რამდენად დიდია ამ წარმატების შანსები, ძალიან ძნელი განსასჯელია. ეს ზელენსკის პოზიციაზეა გაცილებით უფრო მეტად დამოკიდებული, ვიდრე თვითონ მასზე.“– ამბობს ნოდია.
18:07
"ორბანი დღეს მიემგზავრება საქართველოში... სავარაუდოდ, რომ აჩვენოს მისი მხარდაჭერა საქართველოს მთავრობის მიმართ... ორბანმა საქართველოში ვიზიტის ფარგლებში რაც არ უნდა თქვას, ის ევროკავშირს არ წარმოადგენ...
15:17
„თქვენ ხედავთ, უმძიმეს მდგომარეობაშია ოპოზიცია, კამპანიებს არ ატარებენ, არც სოფლებში დადიან, არც უბნებში დადიან, კამპანიას არ ატარებენ, შეკრებებს ვერ ატარებენ, სკამებით ატარებენ შეკრებებს. როცა ...
19:13
ქართველები ისევ ისტორიას წერენ! დღეს ათიათასობით ადამიანი მართავს დემონსტრაციას თავისუფალი, დემოკრატიული და ევროპული საქართველოსთვის. თბილისი ევროპის ნამდვილი დედაქალაქია. გმადლობ! - ასე ეხმაურება&nbs...
19:51
"ქართული ოცნების" საპატიო თავმჯდომარე, ბიძინა ივანიშვილი პარტიის საარჩევნო კამპანიის რეგიონულ ღონისძიებაზე ქუთაისში სიტყვით გამოვიდა. ივანიშვილის თქმით,სწორედ „ქართული ოცნების“ სწორი ...
19:40
„ქართული ოცნების“ გენერალურმა მდივანი, კახა კალაძე გერმანიის საგარეო საქმეთა მინისტრის მოადგილის, ანა ლიურმანის კრიტიკულ განცხადებას გამოეხმაურა და თქვა, რომ „ამ ტიპის გან...
14:48
დედაქალაქის მერისთვის ევროპარლამენტარების შეფასებები მისაღები არ არის. როგორც კახა კალაძე განმარტავს მათი ქმედებები არაფრით განსხვავდება საბჭოთა კავშირისგან. „რისთვის ვიბრძოლეთ? იმისთვის, ...
16:24
"ვიღაცას არ მოეწონა, შემზარავია და უიმე რა მძიმეა, ამის გამო არ გაუშვა, წარმოუდგენელია. კატეგორიულად მიუღებელია ამ ტიპის დამოკიდებულება, თუნდაც ევროკავშირის ელჩის მხრიდან ამ ტიპის განცხადებები. წარმო...
|
კომენტარები