|
ოქტომბრის თვიდან პედაგოგებს ხელფასები გაეზრდებათ და ეს პროცესი ყოველწლიური იქნება. ამის შესახებ პრემიერ-მინიატრმა პედაგოგებთან შეხვედრაზე განაცხადა და მათ რეფორმის დეტალები გააცნო.
"განათლების სისტემის რეფორმა ბუნებრივია, უკავშირდება საკმაოდ მტკივნეული საკითხების გადაჭრას. უპირველესი არის პედაგოგების კომპეტენციის დადასტურების, მათი სტატუსის ამაღლების შესაბამისად ანაზღაურების ზრდა.
მე მინდა შეგახსენოთ, რომ ჩვენი განათლება მოიცავს 5 დონეს. ეს არის სკოლამდელი განათლება, საშუალო განათლება, პროფესიული, უმაღლესი განათლება და მეცნიერება. რა თქმა უნდა, ხუთივე მიმართულება პრიორიტეტია, მაგრამ ისიც ყველას კარგად გვესმის, რომ სკოლა არის ქვაკუთხედი ქვეყნის სიძლიერისა. ამიტომაც განათლების რეფორმაში მასწავლებელს ერთი-ერთი მნიშვნელოვანი როლი აკისრია და სწორედ ამიტომ ერთ-ერთი პირველი ნაბიჯი პედაგოგებს ეხებათ.
ჩვენი რეფორმა გულისხმობს მეტი თავისუფლების მიცემას ჩვენი სკოლებისთვის და მასწავლებლებისთვის. პედაგოგის პროფესია უნიკალურია ნებისმიერი ერისთვის, ამიტომაც მე როგორც, ამ იდეის ავტორს, ერთ-ერთ მთავარ მიზნად მიმაჩნია პედაგოგს, როგორც პროფესიას, დავუბრუნოთ ის პატივისცემა და ღირსება, რომელსაც იმსახურებთ იმ ძალიან მარტივი მიზეზის გამო, რომ თქვენ ხართ ის ადამიანები, რომლებმაც ამ ქვეყანას უნდა აღუზარდოთ მომავალი საჯარო მოხელეები, სამხედროები, პოლიციელები, მეწარმეები, ექიმები, პატრიოტი ადამიანები, რომელთა წარმატებაზეც იქნება დამოკიდებული ჩვენი ქვეყნის სიძლიერე და წარმატება. სწორედ ამიტომაა ეროვნული იდეა განათლება", - განაცხადა პრემიერ-მინისტრმა და იქვე დასძინა, რომ ქვეყანაში არსებული პედაგოგის ანაზღაურება მტკივნეული საკითხი იყო წლების განმავლობაში და პირადად მისთვისაც ემოციურად მძიმე ტვირთი იყო ფაქტი, რომ პედაგოგს ქვეყანაში არსებულ საშუალო ხელფასზე ორჯერ ნაკლები ანაზღაურება ჰქონდა.
"ბუნებრივია, ასეთი პოლიტიკით და მიდგომებით 21-ე საუკუნეში ქვეყანას წარმატება ვერ ექნება. ამიტომ ჩვენ გვჭირდება რადიკალური ცვლილებები და მე ვგრძნობ ამ დაკვეთას. უპრეცედენტო და თანმიმდევრული პოლიტიკის ფარგლებში პირველ ეტაპზე 2019 წლის ოქტომბერში ყველა სტატუსიან მასწავლებელს გაეზრდება ანაზღაურება. ხელფასები გაეზრდებათ რესურსცენტრების თანამშრომლებს და სკოლების ადმინისტრაციებს, მათ შორის ტექნიკურ პერსონალს, სკოლის ექიმებს, ინკლუზიური განათლების მხარდამჭერ სპეციალისტებს, მანდატურის სამსახურის მიერ გადამზადებულ სკოლის უსაფრთხოებაზე პასუხისმგებელ პირებსაც.
ხელფასების ზრდა ყოველწლიური იქნება და 2022 წელს მიაღწევს უფროსი მასწავლებლის ხელფასი 1700 ლარს; წამყვანი პედაგოგის - 2150 ლარს და მენტორი პედაგოგის - 2450 ლარს", - განაცხადა პრემიერ-მინისტრმა და იქვე დასძინა, რომ საქართველოს ყველა მომდევნო მთავრობა ვალდებული იქნება ბიუჯეტის მეოთხედი განათლებაზე მიმართოს.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები