|
„ტოიოტა ცენტრი თეგეტამ“ ხატვის გლობალური კონკურსის გამარჯვებულები დააჯილდოვა. „დახატე შენი ოცნების ავტომობილი“ - ამ დევიზით კონკურსში მთელი საქართველოდან 16 წლამდე ასაკის
200-ამდე ბავშვმა მიიღო მონაწილეობა. მათ შორის, სამ ასაკობრივ კატეგორიაში 9 საუკეთესო გამოვლინდა, რომელთა ნამუშევრებს ახლა უკვე საერთაშორისო კონკურსზე, იაპონიაში შეაფასებენ.
7 წლამდე ასაკობრივი კატეგორიიდან გამარჯვებულები არიან: ნია პაპავა, ანამარია ნანავა და ბარბარე მეფარიშვილი. 8-11 წლის ასაკობრივი კატეგორიიდან - მარიამ ჩაჩანიძე, ლიზა კუტალაძე და ქეთევან გაბიდაური, ხოლო 12-15 წლის ასაკობრივი კატეგორიიდან - სოფიო მენაბდე, მარიამ ტალახაძე და ნარგო სანიკიძე.
თეა მანჯავიძე, „ტოიოტა ცენტრი თეგეტას“ მარკეტინგის მენეჯერი: „კონკურსის თითოეული მონაწილის ნახატი ჩვენთვის ძალიან ღირებულია. მეტ მნიშვნელობას ყოველთვის იდეას ვანიჭებთ და არა ტექნიკურად შესრულებას, თუმცა მიხარია, რომ გამარჯვებულ ნამუშევრებში ამჯერადაც ორივე კომპონენტი თანაბრად მაღალ დონეზეა. გვჯერა, რომ ყველა დიდი იდეა ოცნებით იბადება, სწორედ ამიტომ მომავლის ავტომობილის შექმნისათვის ბავშვებს სრული თავისუფლება მივეცით. ვიმედოვნებთ, რომ ახალგაზრდა მხატვრების ფანტაზიები ტოიოტას ახალი თაობის მოდელების შექმნაში მნიშვნელოვან წვლილს შეიტანს“.
კონკურსის დაჯილდოების ცერემონიის ფარგლებში, „ტოიოტა ცენტრი თეგეტას“ შოურუმში ნახატების გამოფენა მოეწყო და მონაწილეების გართობაზე ანიმატორებმა იზრუნეს. გამარჯვებულებს მათი ინტერესებისა და სურვილების მიხედვით შერჩეული საჩუქრები და სიმბოლური სერტიფიკატები გადაეცათ.
„დახატე შენი ოცნების ავტომობილი“ ტოიოტას გლობალური პროექტია, რომელშიც ყოველწლიურად 79 ქვეყნიდან 830 000-ამდე ბავშვი მონაწილეობს. კონკურსში მონაწილე ბავშვები თავიანთი წარმოსახვისა და მხატვრული უნარ-ჩვევების გამოყენებით ცდილობენ, ფანტაზია ფურცელზე გადმოიტანონ და შექმნან ისეთი ავტომობილი, რომელიც მათი ხედვით გარემოს გააუმჯობესებს და სამყაროში სასიკეთო ცვლილებებს გამოიწვევს.
--
„თეგეტა ჰოლდინგის“ შვილობილი კომპანია „ტოიოტა ცენტრი თეგეტა“ საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება მთლიანად ტოიოტას ბრენდის ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია უახლესი ავტორიზებული პროგრამებითა და კვალიფიციური პერსონალით.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები