|
25 ივნისს ამიერკავკასიის ექიმთა ლიგამ რუსთაველის თეატრში მედიცინის სფეროს წარმომადგენლებისთვის წვეულება გამართა. ღონისძიებაზე დააჯილდოეს ღვაწლმოსილი ექიმები, მათ შორის - ისინიც, ვინც განსაკუთრებული წვლილი შეიტანა პანდემიასთან ბრძოლაში. ლიგის ისტორიაში პირველად ჯანდაცვის სფეროში ინოვაციების დანერგვისთვის სპეციალური პრიზი გადაეცა "ავერსის" დამფუძნებელს პაატა კურტანიძეს.
ღონისძიების შესახებ მის ორგანიზატორს, ამიერკავკასიის ექიმთა ლიგის ვიცე-პრეზიდენტს, მედიცინის მეცნიერებათა დოქტორს, ექიმ-ალერგოლოგ მარიამ ბეზარაშვილს ვესაუბრეთ:
- ამიერკავკასიის ექიმთა ლიგა შვიდი წლის გახდა. ამ თარიღის აღსანიშნავად სამედიცინო საზოგადოება რუსთაველის თეატრში მოვიწვიეთ და საქართველოს მასშტაბით ყველაზე წარმატებული ექიმები დავაჯილდოეთ. დაჯილდოებულთა შორის, რა თქმა უნდა, არიან დარგის ის წარმომადგენლებიც, რომლებიც პანდემიის პირობებში ფრონტის წინა ხაზზე დგანან, მათ შორის – ვ. ბოჭორიშვილის კლინიკის გენერალური დირექტორი დავით გადელია და ამავე კლინიკის კლინიკური დირექტორი კახა იშხნელი. ლიგის ისტორიაში პირველად გაიცა ჯილდო მედიცინის სფეროს ინოვატორის ნომინაციით, რომელიც "ავერსის" დამფუძნებელს, ბატონ პაატა კურტანიძეს მიენიჭა. ეს გახლავთ ადამიანი, რომელმაც შექმნა უმაღლესი დონის კლინიკების ქსელი, ააღორძინა ფარმაცევტული ინდუსტრია, შემოიკრიბა პროფესიონალთა გუნდი, მუდმივად უახლესი ტექნოლოგიების დანერგვაზეა ორიენტირებული, ზრუნავს კადრების კვალიფიკაციის ამაღლებაზე. ამასთან ერთად, ბატონი პაატა ცნობილია როგორც უდიდესი ქველმოქმედი. სწორედ ამ კრიტერიუმებით ვიხელმძღვანელეთ მისთვის ჯილდოს გადაცემისას.
ღონისძიებაზე დაასახელეს საუკუნის ექიმებიც. დაჯილდოება დასრულდა კონცერტით, რომელშიც ესტრადის ვარსკვლავებთან ერთად მედიცინის სფეროს წარმომადგენლებიც მონაწილეობდნენ. ორგანიზატორებმა აღნიშნეს, რომ ექიმებმა შესანიშნავი საღამო აჩუქეს ერთმანეთს და იმედი გამოთქვეს, რომ აქ მიღებული დადებითი ემოციები ღონისძიების ყველა მონაწილეს დიდხანს გაჰყვება.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები