|
„ბოლნისის რაიონის სოფელ ნახიდურში დაფიქსირებულ შემთხვევაზე შინაგან საქმეთა სამინისტრომ გამოძიება უნდა დაიწყოს.“ - ამის შესახებ დღეს გამართულ ბრიფინგზე „სამოქალაქო პლატფორმა 20/20“-ის პროგრამების დირექტორმა ლაშა ფარულავამ განაცხადა.
მისი თქმით, პოლიტიკური სუბიექტის "ქართული ოცნების’’ ადგილობრივი საკრებულოს დეპუტატის მხრიდან დაფიქსირდა სისხლის სამართლის დანაშაულის კონკრეტული ფაქტი. მან, ტელეკომპანია "მთავარი არხი“-ს ჟურნალისტზე ჯეიხუნ მუჰამედალიზე, რომელიც აშუქებდა წინასაარჩევნო პოლიტიკურ პროცესს, განახორციელა ძალადობის მუქარა. ამით ხელი შეუშალა მის საქმიანობას, რაც საქართველოს სისხლის სამართლის კოდექსის 154-ე მუხლით დასჯადი ქმედებაა.
როგორც „სამოქალაქო პლატფორმა 20/20“-ის წევრმა ალიკა კუპრავამ განაცხადა, შინაგან საქმეთა სამინისტრომ აღნიშნულ ფაქტზე გამოძიება უნდა დაიწყოს.
„მედიას გადამწყვეტი როლი ეკისრება 2020 წლის საპარლამენტო არჩევნების ღიად და სამართლიანად ჩატარებაში. აღნიშნული ფაქტი ხელს უწყობს პოლიტიკურ ძალებს შორის პოლარიზების გაზრდას და ახდენს ძალადობის წახალისებას, რაც აზიანებს თავისუფალ და სამართლიან საარჩევნო გარემოს. აუცილებელია ამ ფაქტზე სათანადო რეაგირება მოხდეს სახელმწიფოს, არასამთავრობო სექტორის და დიპლომატიური კორპუსის მხრიდან.“- განაცხადა კუპრავამ.
გუშინ, ბოლნისის რაიონის სოფელ ნახიდურში, დაფიქსირდა საარჩევნო სუბიექტის საარჩევნო ბლოკის „ნაციონალური მოძრაობა/გაერთიანებული ოპოზიციის“ საქმიანობაზე ხელშეშლის ფაქტი. რომელშიც მონაწილეობდნენ, ბოლნისის საკრებულოს დეპუტატი ვუგარ ისმაილოვი და მისი თანმხლები პირები. ამასთან, პოლიტიკური სუბიექტის "ქართული ოცნების’’ ადგილობრივი საკრებულოს დეპუტატის მხრიდან დაფიქსირდა სისხლის სამართლის დანაშაულის კონკრეტული ფაქტი, როცა მან ტელეკომპანია „მთვარი არხის“ ჟურნალისტს ხელი შეუშალა პროფესიულ საქმიანობაში.
“სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები