|
საქსტატმა აგვისტოს საარსებო მინიმუმის შესახებ ანგარიში გამოაქვეყნა. სტატისტიკის მიხედვით, შრომისუნარიანი ასაკის მამაკაცს ერთი თვის განმავლობაში არსებობისთვის მინიმუმ 182.3 ლარი ესაჭიროება, საშუალო მომხმარებელს (ადამიანს) - 161.5 ლარი, ხოლო საშუალო ოჯახისთვის საარსებო მინიმუმად 305.8 ლარი განისაზღვრა.
მიუხედავად იმისა, რომ აგვისტოში წლიურმა ინფლაციამ 4.8% შეადგინა, იგივე თვის საარსებო მინიმუმის მოცულობა გასული წლის შესაბამის პერიოდთან შედარებით შემცირებულია. შრომისუნარიანი ასაკის მამაკაცისთვის საარსებო მინიმუმი შემცირდა 6.9 ლარით, საშუალო მომხმარებლისთვის - 6.1 ლარით, ხოლო საშუალო ოჯახისთვის - 11.5 ლარით.
მიმდინარე წლის აგვისტოში ოჯახის სხვადასხვა ტიპისთვის საარსებო მინიმუმის მოცულობა ასეთი იყო:
• ერთსულიანი ოჯახისთვის - 161.5 ლარი, კლება გასული წლის შესაბამის თვესთან 6.1 ლარი;
• ორსულიანი ოჯახისთვის - 258.3 ლარი, კლება გასული წლის შესაბამის თვესთან 9.7 ლარი;
• სამსულიანი ოჯახისთვის - 290.6 ლარი, კლება გასული წლის შესაბამის თვესთან 11 ლარი;
• ოთხსულიანი ოჯახისთვის - 322.9 ლარი, კლება გასული წლის შესაბამის თვესთან 12.2 ლარი;
• ხუთსულიანი ოჯახისთვის - 363.3 ლარი, კლება გასული წლის შესაბამის თვესთან 13.7 ლარი;
• ექვსსულიანი და მეტი ოჯახისთვის - 429.5 ლარი, კლება გასული წლის შესაბამის თვესთან 16.2 ლარით;
2004 წლიდან საქსტატი საარსებო მინიმუმის მაჩვენებლებს იმ მინიმალური სასურსათო კალათის მიხედვით ანგარიშობს, რომელიც განსაზღვრულია და დადგენილია „საკვებ ნივთიერებებსა და ენერგიაზე ორგანიზმის ფიზიოლოგიური მოთხოვნილებებისა და საარსებო მინიმუმის განსაზღვრისთვის საჭირო სასურსათო კალათის შემადგენლობის ნორმებისა და ნორმატივების დაცვის შესახებ“ საქართველოს შრომის, ჯანმრთელობისა და სოციალური დაცვის მინისტრის ბრძანების შესაბამისად.
მინიმალური სასურსათო კალათა მოიცავს 40 დასახელების პროდუქტს. საარსებო მინიმუმის ღირებულებაში სასურსათო ხარჯების წილი 70 %-ით, ხოლო არასასურსათო ხარჯების წილი 30%-ით განისაზღვრება.
ცნობისთვის: საქართველოში საარსებო მინიმუმს 1997 წლიდან ითვლიან. სწორედ ამ წელს მიიღო პარლამენტმა კანონი, რომელიც დღესაც მოქმედებს. კანონის მიხედვით, საარსებო მინიმუმი წარმოადგენს სოციალურ ორიენტირს, რომელიც გამოიყენება ხელფასების, პენსიების, სტიპენდიების, შემწეობებისა და სხვა სოციალური გასაცემლების მინიმალური ოდენობის განსაზღვრისათვის. შესაბამისად, მის ოდენობას, ქვეყანაში მნიშვნელოვანი პოლიტიკური და სოციალური დატვირთვა აქვს.
12:08
38 წლის კაცი, რომში ერთ-ერთ საცხოვრებელ ბინაში აივნიდან შევიდა, თუმცა მისი ყურადღება ჯოვანი ნუჩის წიგნმა მიიპყრო. სანამ დამნაშავე წიგნს კითხულობდა, სახლის მეპატრონემ გაიღვიძა და პოლიცია გამოიძახა. კა...
18:59
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს, - ინფორმაციას რუსული მედია ავრცელებს. რუსეთის ფედერალური სასჯელაღსრულების სამსახურის ცნობ...
13:30
აშშ მზადაა ისტორიის ახალი თავისთვის პრეზიდენტ კამალა ჰარისის სახით, აშშ მზადაა პრეზიდენტ ჰარისისთვის, - ამის შესახებ აშშ-ის ყოფილმა პრეზიდენტმა, ბარაქ ობამამ დემოკრატიული პარტიის ეროვნული ყრილობი...
12:58
“ჩვენი პარტნიორებისგან იარაღის მიწოდების დაჩქარება აუცილებელია. ომს შვებულება არ აქვს. საჭიროა დროული ლოჯისტიკა გამოცხადებული პაკეტებისთვის. განსაკუთრებით მივმართავ აშშ-ს, დიდ ბრიტანეთსა და საფ...
12:56
უკრაინული და რუსული მედიების ცნობით, უკრაინულმა ძალებმა კურსკის ოლქში მდინარე სეიმზე მდებარე კიდევ ერთი, რიგით მესამე ხიდი გაანადგურეს. ინფორმაცია ჯერ-ჯერობით, ოფიციალურად დადასტურებული არ ა...
14:24
აფრიკის მიღმა „მაიმუნის ყვავილის“ პირველი შემთხვევა დაფიქსირდა. ამის შესახებ ინფორმაციას BBC-ი შვედეთის ჯანდაცვის სამინისტროზე დაყრდნობით ავრცელებს. მათ მაიმუნის ყვავილის ახალი, უფრო ...
14:20
რუსეთის პრიმორიეს მხარეში ელექტროენერგიის მასიური გათიშვა მოხდა. მედიის ინფორმაციით, ამ დროისთვის, ელექტროენერგიის გარეშე 1,8 მილიონზე მეტი ადამიანია დარჩენილი. შორეული აღმოსავლეთის ქსელის სადისტ...
|
კომენტარები